Génesis 6:9 - Bible in Tzotzil de Chenalhó with Deuterocanon

⁹ Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

Bible in Tzotzil de Chamula

⁹ Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

Génesis 6:9 Iomraidhean Croise

Génesis 10:1

Li smomnich'nabtac Sem, Cam, xchi'uc Jafet, ja' li xnich'nabtac Noee ti ivoc'an c'alal jeloven xa'ox li pulel ta vo'e, ja' li'i:

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 2:4

Li'i ja' sc'oplal c'u x'elan lic ayinuc yu'un Muc'ul Dios li vinajel xchi'uc banamile. C'alal meltsajem xa'ox yu'un Muc'ul Dios li vinajel banamile,

Génesis 48:15

Li Israele lic sc'anbe bendición ta stojol li Josee. Jech laj yal: “Li Dios ti jun yo'nton laj yich'ic ta muc' li jmoltot Abraham xchi'uc li jtot Isaaque, xchi'uc ti ja' la xchabiun c'alal livoc', xchi'uc c'alal to tanae,

Génesis 5:1

Li'i ja' sbiic li smomnich'nabtac Adane. C'alal lic spas sba vinic li Diose, ja' jech la spas jech chac c'u cha'al stuc.

Génesis 5:22

Li Enoque jun yo'nton la spasbe c'usi tsc'an li Diose. C'alal voq'uem xa'ox li Matusalene, icuxi to batel yan oxib ciento (300) jabil. Jech ivoc' to yan squeremetic xchi'uc stsebetic.

Génesis 5:24

Ta sventa ti jun yo'nton la spasbe c'usi tsc'an Dios li Enoque, jech isacch'ay no'ox batel, yu'un i'ic'at batel yu'un li Diose.

Génesis 6:10

Li Noee ivoc' oxib xnich'on, ja' Sem, Cam, xchi'uc Jafet.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

2 Samuel 22:24

Tuc' la jpas jba ta stojol; la jq'uel jba ta sventa li c'usitic chopole.

1 Reyes 3:6

Itac'ov li Salomone: “Li Davide, ja' li jtote, lec laj ac'uxubin, yu'un lec c'usitic la spas, xchi'uc jun yo'nton, tuc' yo'nton ta atojol. Ja' yu'un toj ep laj ac'uxubin, xchi'uc laj avac'be jun xnich'on ti ja' chchoti ta spasubmantal jech chac c'u cha'al c'otem xa ta pasel li' ta orae.

2 Crónicas 15:17

Ac'o me mu'yuc xich' ulesel li c'opojebaletic yu'unic ta toyol vitsetic te ta Israele, pero li Asae lec tuc' yo'nton o ta stojol Dios ti jayib c'ac'al icuxie.

2 Crónicas 25:2

Lec c'usitic la spas ta stojol li Muc'ul Diose, ac'o me mu'yuc lec tuc' li yo'ntone.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 1:8

Li Muc'ul Diose jech la sjac'be li banquilal pucuje: —¿Me laj avil li cajtunel Job ti mu'yuc boch'o yan jech te ta banamil jech chac c'u cha'al ti lec tuc' yo'ntone, ti lec c'usitic tspase, ti lec yich'ojun ta muq'ue, xchi'uc ti svoc'oj sba o ta sventa li c'usi chopole? —xut.

Job 12:4

Li vu'une na'lebilun yu'un li boch'otic lec jc'opan jba jchi'uque, vu'un ti tuc' co'nton, ti mu'yuc jmule, ti lec to'ox la stac'bun c'op c'alal la jc'anbe vocol li Diose.

Salmos 37:37

Q'uelo lec avil li boch'o lec yo'ntone, ti lec c'usitic tspase; oy c'usi tsta ta ts'acal ti toj leque, ja' ti jun yo'nton oe.

Salmos 37:39

Pero li boch'o tuc' yo'ntonique ja' chcoltaatic yu'un li Muc'ul Diose; ja' yip yo'ntonic ti c'alal yorail chtal tsots vocole.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Eclesiastés 7:20

Ta melel mu'yuc boch'o li' ta banamil ti bats'i ven tuq'ue ti me jutuc mu sta smule.

Ezequiel 14:14

Ti ja'uc te nacajtic li Noé, li Daniel, xchi'uc li Jobe, ja' no'ox ta jcolta li oxibic le'e, yu'un tuc' yo'ntonic ta jtojol. Vu'un chcal jtuc, vu'un li Muc'ul Diosune.

Ezequiel 14:20

ac'o me te nacalic li Noé, li Daniel, xchi'uc li Jobe, chcal ta jamal ti mu xu' yu'un tscolta li xnich'nabique; ja' no'ox cuxul chcom stuquic ta scoj ti tuc' yo'ntonic ta jtojole.

Habacuc 2:4

A'yo ava'ay, li boch'o chopol yo'nton ta jtojole ja' no'ox ta stoy sba; yan li boch'o tuc' yo'nton chquile ja' chcuxi, yu'un jun yo'nton xch'unoj”, xi.

San Lucas 1:6

Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

San Lucas 2:25

Oy jun israel vinic te ta Jerusalén, Simeón sbi. Lec tuc' yo'nton, lec yich'oj ta muc' Dios. Smalaoj ti tsta yorail tsta spatubil yo'nton li israeletique. Ventainbil yu'un Ch'ul Espíritu li Simeone.

San Lucas 23:50

Te oy jun vinic José sbi, liquem tal ta lum Arimatea ta Judea banamil. Ja' oy yabtel te ta ch'ulna ec. Ja' lequil vinic, tuc' yo'nton; smalaoj ti chventainvan li Diose. Mu'yuc la stic' sba c'alal la xchapanbeic sc'oplal Jesús li yan xchi'iltac ta abtele.

Hechos 10:22

Itac'ovic: —Ja' la stacuncutic tal li banquilal soldado Cornelioe. Ja' li tuq'uil vinique ti lec yich'oj ta muc' Diose. Lec sc'oplal ta scotol yosilal li judioetique. I'albat yu'un jun ch'ul j'almantal ti ta xic'ot batel ta sna sventa cha'ay c'usi chavalbee —xiic.

Romanos 1:17

Yu'un ja' ta sventa Lequil A'yej chac' quiltic ti ja' no'ox ta sventa xch'unojel co'ntontic xu' tuc' co'ntontic chijyilutic Diose. Yu'un jech ts'ibabil ta sc'op Dios: “Li boch'o tuc' yo'nton chquil ta sventa xch'unojel yo'ntone ja' ta xcuxi”, xi ts'ibabil.

Gálatas 3:11

Ja' yu'un lec jamal chvinaj ti mu xu' mu'yuc jmultic chijyilutic Dios ta sventa li mantaletique. Yu'un jech yaloj li Diose: “Li boch'o tuc' yo'nton chquil ta sventa xch'unojel yo'ntone, ja' ta xcuxi”, xi.

Deuteronomio 18:13

Li vo'oxuque tuc'uc me avo'ntonic ta stojol li Muc'ul Diose.

Hebreos 11:7

Ta sventa xch'unojel yo'nton li Noee, jech c'alal i'albat yu'un Dios ti chtal li c'usi mu'yuc to yiloje, ta scotol yo'nton la spas jun barco yo' bu xu' chcolic sjunulic ta nae, yu'un laj yich' ta muc' li Diose. Ta sventa xch'unojel yo'nton laj yac' ta ilel ti oy smulic li cristianoetique. Ja' yu'un li Noee la sta li coltael ti sc'oplal ta jtatic ta sventa xch'unojel co'ntontique.

1 Pedro 2:5

Ja' jech li vo'oxuque lequil ton c'otemoxuc, chavich'ic latsel muyel yu'un jech chac'otic ta jbej ch'ulna yu'un Dios. Vo'oxuc ch'ul paleoxuc chac'otic, jech ta sventa Jesucristo xu' chavaq'uic lequil matanal sventa sbatel osil ti lec chil Diose.

2 Pedro 2:5

Jech noxtoc li Diose mu'yuc la spasbe perdón li cristianoetic ta vo'onee, jech laj yac' tal pulel ta vo' ta stojol li chopol cristianoetique. Ja' no'ox icol li Noé xchi'uc yan vucub xchi'iltaque, yu'un laj yal ta jamal c'usi tuc' ta pasel.