Génesis 6:6 - Bible in Tzotzil de Chenalhó with Deuterocanon

⁶ Li Muc'ul Diose toj vocol laj ya'ay, yu'un altic no'ox la spas cristianoetic ta sba banamil.

Bible in Tzotzil de Chamula

⁶ Jech o xal un, laj xcha'na' ti laj smeltsan ti vinique. Mu ts'icbaj laj ya'i.

Génesis 6:6 Iomraidhean Croise

Génesis 6:7

Jech laj yal: “Ta jtu'pbe o sts'unubal ta banamil li cristianoetic la jpase, xchi'uc scotol chonbolometic, xchi'uc li chonetic ti xquilet ta banamil chanove, xchi'uc li mutetique. Xco'laj xchi'uc ti manchuc la jpase”, xi.

2 Samuel 24:16

C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Arauna jebuseo vinique.

1 Crónicas 21:15

Li Muc'ul Diose la stac batel yaj'almantal yu'un ac'o yules li Jerusalene. C'alal ja'o yochel yulesele, li Muc'ul Diose toj abul sba laj yil, jech lic c'uxubajuc ta yo'nton. Jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Ornán jebuseo vinique.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Salmos 110:4

Li c'usi laj yal ta jamal Muc'ul Diose, mu xa sutes sc'op o, jech laj yal: “Vo'ot cha'och ta paleal sbatel osil; ja' jech avabtel chavich' jech chac c'u cha'al li Melquisedeque”, xi.

Salmos 119:158

Mu jc'an jq'uelbe sat li boch'o ja' no'ox tsmaquic satile, yu'un mu sc'an xch'unic li ac'ope.

Salmos 78:40

Toj ep ta velta la stoy sbaic ta stojol te ta xocol banamil; ep laj yac'beic yat yo'nton te ta taqui banamil.

Salmos 81:13

Ti lajuc ya'ibicun jc'op li jteclumale, ti ja'uc la stamic batel be cu'un li israeletique,

Salmos 95:10

Cha'vinic (40) jabil ilinemun yu'unic li jc'ol cristianoetic ijelovic le'e, jech laj cal: ‘Li cristianoetic le'e, solel yanijem yo'ntonic o; solel mu xotquinic o li lequil be cu'une.

Éxodo 32:14

Ja' yu'un li Muc'ul Diose te lic yal ti mu'yuc ta smil scotol li jteclum yu'une.

Isaías 48:18

Toj lec ti lajuc ach'un li c'usitic laj calbote, yantic i'epaj batel alequilal jech chac c'u cha'al nojelal uc'um ti jechuque; mu'yuc spajeb chata c'usi lec jech chac c'u cha'al nab ti mu xpaj ta yuc'lajetele.

Isaías 63:10

Pero li stuquique la stoy sbaic ta stojol; laj yaq'uic ilinuc sjol yo'nton li ch'ul Diose, jech ic'atajic ta yajcontra, lic tsacaticuc ta c'op.

Jeremías 18:7

Ta jliquel no'ox xu' ta jbul loq'uel, ta jip loq'uel, o me ta xcules li jun muc'ta lum xchi'uc li ajvalil te tspas mantale.

Jeremías 26:19

“Li ajvalil Ezequías xchi'uc scotol li jchi'iltactic ta Judae ¿me yu'un la smilic ec li Miquease? ¿Me muc ja'uc no'ox lic xi'icuc yu'un li Muc'ul Diose? ¿Me muc ja'uc no'ox lic sc'anbeic vocol ti ac'o c'uxubinaticuque, jech muc x'ac'batic o li svocolic ti sc'oplal ox chich'ique? ¿Li vu'utique me xu' ta jpastic li c'usi toj chopol ti xu' chc'ot ta cac'oltique?

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Oseas 11:8

“¿C'u x'elan xu' ta jcomtsanot, Efraín? ¿C'u x'elan xu' ta xquictaot, Israel? ¿Me xu' ta xculesot jech chac c'u cha'al laj cules li Admae? ¿Me xu' ta jinesot jech chac c'u cha'al la jines li Zeboime? Toj yan sba co'nton avu'unic, yu'un toj ep jc'anojoxuc.

Joel 2:13

Ja' li'o li avo'ntonique; mu ja'uc xali' li ac'u'ique. Suteso avo'ntonic ta stojol li Muc'ul Dios avu'unique, yu'un li stuque toj lec yo'nton, ja' jc'uxubinvanej. Toj vocol chlic sc'ac'al yo'nton, ja' toj muc' li c'uxubinel yu'une; toj vocol cha'ay ti chac' stojol mulile.

Jonás 3:10

C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Malaquías 3:6

“Vu'un li Muc'ul Diosune mu jna' jel o co'nton, ja' yu'un muc xaculesoxuc o vo'oxuc li smomnich'naboxuc Jacobe.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Romanos 11:29

Yu'un li iq'uel, li c'uxubinel chac' Diose mu stac' lajesbel sc'oplal.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

Deuteronomio 32:29

Ti bijicuque cha'ibeic smelol; sna'ic c'usi chc'ot ta pasel ti jechuque.

Deuteronomio 32:36

“Li Muc'ul Diose ta xlic spoj li steclumal c'alal chil mu xa xu' yu'unique. Li Muc'ul Diose ta xc'uxubaj ta yo'nton li yajtuneltac c'alal chil ti chlaj xa li boch'o mu'yuc stsatsalique xchi'uc li boch'o oy stsatsalique.

Deuteronomio 5:29

Toj lec ti jechuc yo'ntonic o scotol c'ac'ale, xchi'uc ti jechuc chiyich'icun o ta muq'ue, xchi'uc ti spasicuc o scotol ora c'usi chal li mantaletic cu'une. Yu'un jech xcuxet no'ox yo'nton chcuxiic xchi'uc yalab xnich'nabic ti jechuque.

Hebreos 3:10

Jech li'ilin yu'unic li jc'ol cristianoetic le'e. Jech laj cal: ‘Solel yanijem yo'ntonic o; solel mu xotquinic o li lequil be cu'une’.

Hebreos 3:17

¿Boch'o sc'oplalic ti i'ilintaatic yu'un Dios cha'vinic (40) jabile? ¿Me mu ja'uc sc'oplalic li boch'otic la sa' smulique, ti te ichamic ta xocol banamile?

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

1 Samuel 15:11

—Manchuc cani ja' la jtic' ta ajvalil li Saule yu'un la svoc' sba ta jtojol; muc xch'un li c'usitic laj calbee —xut. Li Samuele toj tsots laj ya'ay, jech sbejel ac'ubal la sc'anbe vocol li Muc'ul Diose.

1 Samuel 15:29

Yu'un li Dios ti ja' slequilal israeletic c'oteme, mu sna' x'epalc'opoj, xchi'uc mu sutes sc'op. Mu ja'uc jech chac c'u cha'al jun vinic ti xloc' x'och no'ox xc'opoje —xut.

1 Samuel 15:35

Li Samuele mu'yuc xa xbat sc'opan yan velta Saúl ti jayib c'ac'al cuxule, ac'o me ep laj yoc'ta ta sventa ti jech laj yal li Muc'ul Diose: “Manchuc cani ja' la jtic' ta ajvalilal yu'un israeletic li Saule”, ti xie.