Génesis 6:5 - Bible in Tzotzil de Chenalhó with Deuterocanon

⁵ Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Bible in Tzotzil de Chamula

⁵ Ti Diose laj yil ti ech'em jelav xchopolalic ti jnaclejetic ta banomile, yu'un ja' no'ox ta snopilanic o ta spasel ti chopole.

Génesis 6:5 Iomraidhean Croise

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Job 15:16

Jech ¡buuc xa li cristiano ti bats'i chopol, ti boliben o stalele, ti ja' yuch'um o c'otem li c'usi chopol jech chac c'u cha'al chuch' vo'e!

Job 22:15

¿Me yu'un ja' chac'an chatambe batel li poco' be, ti stamojic batel li boch'otic chopolique?

Salmos 53:2

Pero li Diose ta vinajel to tsq'uel yalel tal li cristianoetique, tsq'uel yil me oy boch'o cha'ibe jutuc smelol; tsq'uel me oy boch'o tsc'an tsa' li Diose.

Proverbios 6:18

ja' li boch'o chopol c'usi tsnop ta yo'ntone, ja' li boch'o chbat ta anil xchi'uc yacan ta spasel c'usi chopole,

Eclesiastés 7:29

Ja' no'ox jech la jta ta q'uelel chac li'i: li cristianoe lec tuc' yo'nton pasbil yu'un li Diose, pero ja' xa stuc ta sbolibtas sbaic batel.

Eclesiastés 9:3

Le'e ja' li c'usi toj chopol chc'ot ta pasel li' ta banamile, yu'un co'ol oy c'usi tstaic scotol. Li cristianoetique nojem ta c'usi chopol li yo'ntonique, nojem ta sbolil yo'ntonic ti jayib c'ac'al cuxulique, ts'acal chbatic c'alal ta ch'en.

Jeremías 17:9

“Li o'ntonale toj chopol, ja' no'ox ven jlo'lavanej ta scotol. ¿Me oy boch'o xa'ibe smelol le'e?

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Ezequiel 8:12

Jech laj yalbun: “¿Me chavil c'usi tspasic ta mucul li moletic yu'un achi'iltaque, ta jujun scuartoic sloc'taojic sloc'obal li diosetic yu'unique? Li stuquique jech chalic: ‘Mu xijyilutic li Muc'ul Diose, yu'un scomtsanoj xa li cosilaltic li'i’, xiic.

Ezequiel 8:9

Jech laj yalbun noxtoc: “Ochan batel, te chavil li c'usi toj chopol tspasic li achi'iltaque”, xiyutun.

San Mateo 15:19

Yu'un ta yut yo'nton cristiano ta xlic tal li c'usi chopol tsnope, li milvaneje, li mulivajele, li c'opanejbaile, li eleq'ue, li epalc'ope, li xchopolc'optael yantique.

San Mateo 24:37

“Jech chac c'u cha'al ic'ot ta pasel ta yorail li Noee, ja' no'ox jech ta xc'ot ta pasel c'alal chital, vu'un ti Xnich'on cristiano lic'ote.

San Lucas 17:26

Jech chac c'u cha'al la spasic li cristianoetic c'alal cuxul li Noee, ja' no'ox jech tspasic ec c'alal chital vu'un ti Xnich'on cristiano lic'ote.

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

SUN TITO 3:3

Yu'un ja' jech bolutic to'ox ec, jbajmantalutic, ch'ayemutic to'ox, mozoinbilutic to'ox yu'un li c'usiuc no'ox chopole xchi'uc li c'usiuc no'ox tsc'an co'ntontique. Ja' la jpastic li c'usitic chopolique, xti'et no'ox co'nton yu'un jchi'iltic, chopol no'ox laj quil jbatic, contra laj quil jbatic.

1 Pedro 3:20

Ja' li jbajmantaletic ta vo'one ti c'alal cuxul to'ox li Noee, ti imalaatic yu'un Dios ac'o xch'unic c'alal ja'o chich' pasel barcoe. Pero mu'yuc ep boch'o icolic; ja' no'ox vaxquib icolic ta sventa li vo'e.