Génesis 6:4 - Bible in Tzotzil de Chenalhó with Deuterocanon

⁴ Ja'o te ilic sts'unubal muc'tic cristianoetic ta banamil ti c'alal laj yic' sbaic xchi'uc xnich'nabtac Dios li stsebetic cristianoetique, yu'un i'ayin yalab xnich'nabic xchi'uquic. Ja' ti ven tsatsal cristianoetic ibatic ta ts'acale, ti puquem sc'oplalic ta buyuc no'ox ta vo'onee.

Bible in Tzotzil de Chamula

⁴ C'alal ti yaj'ánjeltac Dios laj yic'beic yantsil nich'nabic ti viniquetic yo' ta xilic ti xnich'nabic xchi'uque, ja' o lic ayanuc talel ti inate' viniquetic ta ba'yel une, xchi'uc ti ta ts'acal to une. Ti stuquic taj une, puc sc'oplalic ta vo'ne ti jelavem xu' yu'unique.

Génesis 6:4 Iomraidhean Croise

Génesis 11:4

Ts'acal to jech laj yalbe sbaic noxtoc: “Jliquestic spasel jun muc'ta lum xchi'uc jun toyol q'uelub osil, ac'o c'otuc cu'untic c'alal to ta vinajel. Me jech ta jpastique, chpuc lec jc'oplaltic, jech ich'bil ta muc' chijc'ot. Jech mu persauc ta jpuc jbatic batel ta scotol banamil”, xut sbaic.

Números 13:33

Te laj quilcutic noxtoc natil viniquetic, ja' li smomnich'nabtac Anaque. C'alal lic'otcutic li vu'uncutique, bats'i mu'yuc xa jtu laj ca'icutic. Jcot ta xc'ajben lic'otcutic, xchi'uc jech laj yiluncutic ec li stuquique —xiic.

Números 16:2

Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Deuteronomio 2:11

Li cristianoetique la xch'unic ti ja' sts'unubalic li refaetique, ac'o me emitas i'ac'batic sbiic yu'un li moabetique.

Deuteronomio 3:11

Li ajvalil Og ta Basane ja' sts'unubal li refaetic ti muc'tic, ti natic sts'unubalique. Ja' xa no'ox stuc cuxul comen. Li svayabe ta bats'i stsatsal taq'uin pasbil, ja' chanib metro snatil, jutuc xa mu sta chib metro sjamalil, jech chac c'u cha'al oy to yu'unic te ta lum Rabá ta yosilal li amonetique.

1 Samuel 17:4

Ti bu xcholoj sbaic li filistaetique, te iloc' tal jun vinic yu'unic ti lec xchanoj pleitoe; oy van oxibuc metro snatil. Ja' Goliat sbi; te liquem tal ta lum Gat.