Génesis 6:11 - Bible in Tzotzil de Chenalhó with Deuterocanon

¹¹ Li Diose laj yil ti nojem ta mulil li banamile yu'un toj chopol li c'usitic tspasique.

Bible in Tzotzil de Chamula

¹¹ Yu'un ti ta sba ta sat ti Diose, mu'yuc smelol ta mulil colo'il ta xil ti banomile, ti epajem vocol yu'un ti ilbajinele.

Génesis 6:11 Iomraidhean Croise

Génesis 10:9

Li Nimrode ja' yabtel ta smil ti'bol yu'un jech ac'bil yu'un li Muc'ul Diose. Ja' te ilic tal li lo'il ti jech chalique: “Ja' co'ol jech chac c'u cha'al Nimrod ti jech la sc'an Muc'ul Dios ti ja' banquilal jmilchonbolometic ic'ote”, xi.

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 6:10

Li Noee ivoc' oxib xnich'on, ja' Sem, Cam, xchi'uc Jafet.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

2 Crónicas 34:27

xchi'uc ta sventa ti ic'ot ta avo'ntone, ti laj abic'tajes aba ta jtojole, ti laj ali' ac'u' c'alal laj ava'ye, xchi'uc ti laj avoc'ta aba ta jtojole, jech ec li vu'une laj ca'ibot li ac'ope.

Salmos 11:5

tsq'uel c'usi tspas li boch'o lequique xchi'uc li boch'o chopolique. Li boch'o ja' no'ox puru uts'intavanej oy ta yo'ntonique, chopol chil o.

Salmos 140:11

Li boch'otic tsoquesvan xchi'uc yeique mu me xjalijic li' ta banamil; li j'uts'intavanejetique ja' ac'o c'otuc ta stojolic li c'usitic chopole, yu'un jech ac'o soquicuc ta ora no'ox.

Salmos 55:9

Cajval, uleso ta j'ech'el li cajcontrae; soquesbo li ya'yejique, yu'un quiloj ti ja' no'ox puru sa' c'op, ti puru liquesej c'op tspasic te ta lume.

Éxodo 32:7

Li Muc'ul Diose jech laj yalbe li Moisese: —Yalan batel ta ora, yu'un li achi'iltac ta israelal ti laj aloq'ues tal ta Egiptoe ich'ayic xa ta be.

Isaías 60:18

Mu'yuc xa bu chvinaj o utbail, majbail te ta avosilal; mu'yuc xa chc'ot ta pasel yan velta jinesel vuq'uesel ta atojol. Li coralton avu'une ‘Jcoltavanej cu'un’ xi sbi chc'ot avu'un. Li ti'coraltonetic avu'une ‘Svinajesubil Slequilal Dios’ xi sbi chc'ot avu'un.

Jeremías 6:7

Yu'un li Jerusalene ja' jech c'otem jech chac c'u cha'al jun nio' ti te xcholchun o scotol c'ac'ale, ja' jech mu xpaj o ta spasel li c'usi chopole. Puru uts'intavanej, puru elec' ta xvinaj te ta stojol; scotol c'ac'al oy ono'ox xchamel, oy no'ox xtuch'emal o chquil.

Ezequiel 28:16

Ta sventa ti toj ep lamanulaj, lachonolaje, jech lic apas aba ta simaron, jech laj ata o amul. Ja' yu'un ta jipot loq'uel ta jtojol, vo'ot ti xaco'laj achi'uc querubín te yo' bu oy li lequil tonetic ti xleblajet jech chac c'u cha'al c'oq'ue.

Ezequiel 8:17

Jech laj yalbun li Diose: “¿Me chavil scotol le'e? Li judaetique muc ta'louc o cha'yic ti tspasic c'usi toj chopol li' no'oxe. Solel la snojesic ta xchopolilic noxtoc li avosilalique, yo'to ech'em la sa'bicun o sc'ac'al co'nton. Solel la sye'ilanic ta jsat li sts'unubal-te'ic c'alal chich'ic ta muc' sdiosique.

Habacuc 1:2

Muc'ul Dios ¿Baq'uin to chava'ibun jc'op ti li' xi'avet o ta atojol, ti yoquel mu xatac'bun oe? ¿Baq'uin to chacoltavan ti li' chic'opoj ta scoj ti oy ep uts'intaele?

Habacuc 2:17

Li uts'intael laj avac' te ta Libanoe chjoybij ta avac'ol atuc. Ta sventa ti laj amil chonbolometique, jech chlic sibtasicot. Ja' jech ta xc'ot ta pasel ta atojol ta sventa ti ep lamilvane, ti ep la'elc'aj te ta banamil xchi'uc ta lumetique, xchi'uc ti ep laj avuts'inta li jnaclumetic yu'une.

Habacuc 2:8

Ta sventa ti laj apoj epal banamiletique jech ta xtal yan lum, chtal spojbot c'usitic oy avu'un ec. Ja' ta scoj ti laj amalbe xch'ich'al ep cristianoetique, ti laj avac' ep uts'intael ta banamil, ta lumetic, xchi'uc li boch'otic te nacajtique.

San Lucas 1:6

Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

Romanos 2:13

Yu'un ma'uc ta sventa boch'o cha'yilanbe smantal Dios ti lec ch-ilat yu'un Diose. Ja' lec ch-ilat yu'un Dios li boch'o chch'un c'usi chal li mantaletique.

Romanos 3:19

Scotol c'usi chal li smantaltac Diose ta jna'tic ti ja' sc'oplalic li boch'otic oy ta sc'obic li smantaltac Diose, yu'un jech macal ac'o c'otuc yeic scotolic, jech ac'o sna'ic ti scotol cristiano ta banamil chich'ic chapanbel smulic yu'un Diose.

Deuteronomio 31:29

Yu'un ti c'alal chamenun xa'oxe, jna'oj ti ta soquic o ta j'ech'ele. Chlic scomtsanic li lequil be ti laj calbeic ac'o stamic batele. Xchi'uc jna'oj noxtoc ti ta ono'ox xtal vocoletic ta stojolic ta yan c'ac'al ta scoj ti chlic sc'ac'al yo'nton Muc'ul Dios yu'unic ta sventa li c'usitic chopol tspasique”, xi li Moisese.

Jueces 2:19

Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique.