Biblia Todo Logo
Bìoball air-loidhne

- Sanasan -




Génesis 5:22 - Bible in Tzotzil de Chenalhó with Deuterocanon

22 Li Enoque jun yo'nton la spasbe c'usi tsc'an li Diose. C'alal voq'uem xa'ox li Matusalene, icuxi to batel yan oxib ciento (300) jabil. Jech ivoc' to yan squeremetic xchi'uc stsebetic.

Faic an caibideil Dèan lethbhreac

Bible in Tzotzil de Chamula

22 Ti Enoque jun yo'nton cuxi xchi'uc ti Diose. Cuxi to batel vo'lajunvinic (300) jabil ti c'alal voq'uem xa ox ti Matusalene. Laj to yil squerem stsebtac.

Faic an caibideil Dèan lethbhreac




Génesis 5:22
38 Iomraidhean Croise  

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.


Jech la stac'bun: ‘Li vu'une scotol c'ac'al nabalun ta stojol li Muc'ul Diose. Ja' ta stacbot tal yaj'almantal yu'un jech lec chac'ot ti bu chabate, xchi'uc jech chata tal junuc tseb te ta stojol yuts' yalaltac li jtote, yu'un ja' ta xic' li Isaaque.


Li Israele lic sc'anbe bendición ta stojol li Josee. Jech laj yal: “Li Dios ti jun yo'nton laj yich'ic ta muc' li jmoltot Abraham xchi'uc li jtot Isaaque, xchi'uc ti ja' la xchabiun c'alal livoc', xchi'uc c'alal to tanae,


Li Enoque yich'oj xa'ox vo'ob xchanvinic (65) jabil c'alal ivoc' li xnich'one, ja' li Matusalene.


Ti c'u yepal jabil icuxie ja' vo'lajunvinic xchi'uc vo'ob xchanvinic (365) jabil ta scotol.


Ta sventa ti jun yo'nton la spasbe c'usi tsc'an Dios li Enoque, jech isacch'ay no'ox batel, yu'un i'ic'at batel yu'un li Diose.


Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.


Yu'un jech ac'o c'otuc ta pasel ti jech ono'ox yalojbun li Muc'ul Diose: ‘Me mu'yuc ta scomtsanicun o li amomnich'nabtaque, me lec c'usitic tspasic o ta jtojol ta scotol sjol yo'ntonique, mu'yuc ta xlaj sc'oplal o ti ja' ch-ochic ta ajvalilal cu'un te ta Israele’, xiyutun ono'ox”, xi li Davide.


“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.


Jech jun co'nton ta jpas c'usi tsc'an Muc'ul Dios li' ta banamil ta stojol li cristianoetique.


Xcuxet no'ox yo'nton li boch'o lec yich'oj ta muc' Muc'ul Diose, ti ja' te chanov o ta lequil be yu'une.


Scotol ora li' oy o ta jtojol li Muc'ul Diose, jech mu'yuc boch'o xu' chisjipun ta lum, yu'un li' oy o ta jbats'ic'ob.


Pero li vu'une tuc' c'usitic jpasoj ta atojol; coltaun me, c'uxubinun me.


Yu'un laj acoltaun ta sventa li milele, laj avicobun li cacane, yu'un jech lec lixanov ta atojol, jech cuxulun to avu'un, Dios cu'un.


Muc'ul Dios, ac'bun lec quil li be avu'une, yu'un ja' no'ox ta jc'an ta jtam batel. Ac'bun ta co'nton ti vo'ot no'ox xu' chaquich'ot o ta muq'ue.


Li Muc'ul Diose jech laj yalbe li Moisese: —Ta xcac' yalel tal ave'elic ta vinajel. Li achi'iltaque jujun c'ac'al ac'o loq'uicuc ta stsobel li sve'elique. Pero ja' no'ox ti c'u yepal chtun yu'unic ta jujun c'ac'ale. Yu'un ta jc'an ta jq'uel boch'o xch'un, boch'o mu xch'un li jmantale.


Ic'un batel ta ora; ajvalil, ic'un batel ta ana. Toj xcuxet no'ox co'ntoncutic avu'un, yu'un toj jun yutsil li c'upinel avu'une, ja' jech chac c'u cha'al ya'lel ts'usub, ja' yu'un toj lec sc'anojicot li antsetique.


Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.


Te chixanov scotol c'ac'al ta atojolic; vu'un Diosun avu'unic chic'ot, jech jnich'naboxuc chac'otic o.


Me oy chib co'ol ta xchi'in sbaic ta xanubale, yu'un lec chil sbaic.


Ac'o me scotol cristianoetic ta yantic lum ja' chich'ic o ta muc' li diosetic yu'unique, pero li vu'utique sbatel osil ja' chquich'tic o ta muc' li Muc'ul Dios cu'untique.


A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.


Ja' no'ox iloc' ta ye li jmantal ti ja' melele; mu'yuc iloc' ta ye c'usi chopol. Ja' la spas c'usi lec xchi'uc c'usi tuc'. Ep boch'o laj yac'be scomtsanic li c'usitic chopole.


Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.


Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.


Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.


Ti c'u x'elan amoton laj yac'boxuc Dios jujunoxuque, xchi'uc ti c'u xa'elanic c'alal laj yic'oxuc Diose, ja' jech oyanic o. Li'i ja' jech chanubtasel chcac' ta jujutsob jch'unolajeletic.


¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.


Ja' yu'un q'uelo me abaic lec ta sventa li c'usitic chapasique. Mu me jechucoxuc jech chac c'u cha'al li boch'o bolique, ja'uc jechoxuc jech chac c'u cha'al li boch'o bijique.


Ja' no'ox me xats'aclinic o li Muc'ul Dios cu'untique. Ja' no'ox xavich'ic ta muc' stuc. Ch'unbeic me li smantaltaque. A'ibeic li sc'ope. Tsobo abaic ta yich'el ta muc'. Te me oyanic o ta stojol.


“Me scotol avo'nton chach'unbeic li smantaltaque xchi'uc me ja' chats'aclinic oe, li Muc'ul Diose staoj yav yo'nton o ti vo'oxuc no'ox ch'ul chayiloxuc jech chac c'u cha'al yalojboxuc ono'oxe.


Ja' me xat'unic o li be laj yac'boxuc avilic Muc'ul Dios cu'untique, yu'un jech lec chabatic, xchi'uc jech jal chacuxiic te ta avosilic ti bu chayac'boxuque.


Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.


Bijanic me c'alal chachi'inic li boch'otic mu'yuc xch'unojic Diose. Tunesic me lec li c'ac'al chjelov avu'unique.


Lec la jtaq'uiotcutic, la jtsatsubtascutic lec avo'ntonic. Laj calbotcutic ti tsc'an jech chapasic jech chac c'u cha'al tsc'an pasel ta stojol li Dios ti laj yic'oxuc sventa cha'ochic ta slequilal yo' bu tspas mantale.


Quermanotac, oy to c'usi chacalboxuc tal. Ta jc'anboxuc vocol ta atojolic, ta jtaq'uioxuc ta sventa li Cajvaltic Jesuse, jech me xapasic o batel jech chac c'u cha'al laj achanic ta jventacutique, yu'un ja' no'ox jech tsc'an chapasic o, jech lec chil li Diose. Ech'em to jech tsc'an chapasic batel.


Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.


Lean sinn:

Sanasan


Sanasan