Génesis 49:4 - Bible in Tzotzil de Chenalhó with Deuterocanon

⁴ Pero muc xa vo'ocot sba jnich'onot chac'ot. Ja' jechot jech chac c'u cha'al nojelal uc'um ti mu xpaje, yu'un muc xavich'un ta muc'. Laj achi'inbun ta vayel ta jvayab li yan ants cu'une.

Bible in Tzotzil de Chamula

⁴ Avi tana le' une, laj c'op ma' ti na'bil vo'ot cajal ac'oplale, yu'un co'ol a'elan jun uc'um ti mu stac' pajesel ti xi s'elan laj apase: yu'un laj aq'uelbe smelol ti jteme, lavay xchi'uc ti jts'acal ajnile.

Génesis 49:4 Iomraidhean Croise

Génesis 35:22

C'alal ja'o te nacal li Israele, li Rubene ibat xchi'in ta vayel li Bilhae, ja' li yan ants yu'un stote. C'alal laj ya'ay li Jacobe, bats'i tsots i'ilin. Li xnich'nabtac Jacobe ja' lajchabic (12) ta voq'uel.

Génesis 46:8

Li israeletic ti ibatic ta Egiptoe, ja' li Jacob, xchi'uc xnich'nabtac, xchi'uc smomnich'nabtaque, ja' jech sbiic: Rubén, ja' li sba xnich'on Jacobe.

1 Crónicas 5:1

Li xnich'nab Rubén, ja' li sba xnich'on Israele, ja' Hanoc, Falú, Herzón, xchi'uc Carmi. Ac'o me ja' ba nich'onil li Rubene, pero ta sventa ti la sc'opanbe yajnil stote, jech muc ja'uc laj yich' li c'usi sc'oplal chich'e. Ja' laj yich' li Josee, ja' li yan xnich'on Israele. Li Rubene muc xcom jech chac c'u cha'al ba nich'onil. Pero ta ts'acal ja' banquilal ic'ot yu'un scotol li judaetique, yu'un ja' te iloc' jun banquilal yu'unic. Pero li c'usi sc'oplal chich' li banquilale ja' laj yich' o li Josee.

1 Corintios 5:1

Vinajem ac'oplalic ti oy mulil te ta atojolique. Li mulil te oy avu'unique mu'yuc boch'o yan jech tspas, me ja'uc li boch'otic mu xotquinic Diose mu spasic jech. Yu'un oy boch'o yic'oj xcha'me' avu'unic.

Deuteronomio 27:20

‘Ac'o ac'batuc stoj li boch'o ta sc'opanbe yajnil stote yu'un ta soquesbe sc'oplal stot me jech tspase’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 33:6

Jech laj yich' alel ta sventa li Rubene: “Ac'o cuxiuc li Rubene. Mu me xcham, ac'o me mu'yuc ep li svinictaque”, xi.

Deuteronomio 5:21

‘Mu me xac'upinbe yajnil achi'ilic. Mu me xac'upinbe sna achi'ilic. Mu me xac'upinbe yosil, me smozo, me squiara, me xvacax, me sburo, xchi'uc c'usitic yan oy yu'un. Mu me xpich'etuc avo'ntonic yu'un’, xi li Muc'ul Diose.

2 Pedro 2:14

Li satique nojem ta sc'upinel mulivajel; mu x'ech' yo'ntonic ta sa'el li mulile. Ja' ta xac'beic xchanic ec li boch'otic mu'yuc to stsatsal yo'ntonique. Li yo'ntonique nopen xa xa'ay sc'upinel li c'usi tsc'anique. Oyic xa o ta sventa ch'ayel.

2 Pedro 3:16

Ta scotol li svune ja' jech la sts'ibabe comel sc'oplal. Li svune oy bu tsotsic ta a'ibel smelol, ja' yu'un li boch'otic mu sna'ique xchi'uc li boch'otic mu'yuc lec xchanojique ta syanijesbeic smelol jech chac c'u cha'al ta syanijesbeic smelol li yantic sc'op Dios ts'ibabile, jech ta xbatic o ta ch'ayel xchi'uquic.