Génesis 49:3 - Bible in Tzotzil de Chenalhó with Deuterocanon

³ “Vo'ote Rubén, vo'ot sba jnich'onot. Vo'ot sba jts'unubot, vo'ot sba jsat c'otemot. Vo'ot ich'bilot ta muc, oy avu'el ti jechuque.

Bible in Tzotzil de Chamula

³ “Ti vo'ote, Rubén, sba jnich'onot, sliqueb jts'unubalot, sba jq'uexolot, na'bil ti vo'ot cajal ac'oplale, ti vo'ot ta xatsob scotol c'usi oy cu'une.

Génesis 49:3 Iomraidhean Croise

Génesis 29:32

Li Leae lic xchi'in yol, jech ivoc' jun squerem. Rubén laj yac'beic sbi yu'un jech laj yal: “Li Muc'ul Diose laj yil ti chcat co'ntone, ja' yu'un li' ta orae xu' chlic sc'anun li jmalale”, xi.

Génesis 35:22

C'alal ja'o te nacal li Israele, li Rubene ibat xchi'in ta vayel li Bilhae, ja' li yan ants yu'un stote. C'alal laj ya'ay li Jacobe, bats'i tsots i'ilin. Li xnich'nabtac Jacobe ja' lajchabic (12) ta voq'uel.

Génesis 35:23

Li yalabtac Leae ja' Rubén sbi li banquilale; ja'o ital Simeón, Leví, Judá, Isacar, xchi'uc Zabulón.

Génesis 46:8

Li israeletic ti ibatic ta Egiptoe, ja' li Jacob, xchi'uc xnich'nabtac, xchi'uc smomnich'nabtaque, ja' jech sbiic: Rubén, ja' li sba xnich'on Jacobe.

Génesis 48:18

Jech laj yalbe li stote: —Tati, mu lecuc ibat. Ja' li' oy li sba jnich'one; ja' li' xavac' ac'obe —xut.

1 Crónicas 2:1

Li xnich'nabtac Israele ja' li'i: Rubén, Simeón, Leví, Judá, Isacar, Zabulón,

1 Crónicas 5:1

Li xnich'nab Rubén, ja' li sba xnich'on Israele, ja' Hanoc, Falú, Herzón, xchi'uc Carmi. Ac'o me ja' ba nich'onil li Rubene, pero ta sventa ti la sc'opanbe yajnil stote, jech muc ja'uc laj yich' li c'usi sc'oplal chich'e. Ja' laj yich' li Josee, ja' li yan xnich'on Israele. Li Rubene muc xcom jech chac c'u cha'al ba nich'onil. Pero ta ts'acal ja' banquilal ic'ot yu'un scotol li judaetique, yu'un ja' te iloc' jun banquilal yu'unic. Pero li c'usi sc'oplal chich' li banquilale ja' laj yich' o li Josee.

Salmos 105:36

La smilbe noxtoc scotol li sba squeremic te ta sjunul yosilalique, ja' li sba sts'unubique.

Salmos 78:51

Jech noxtoc la smilbe scotol li sba xnich'nab egiptoetique, ja' li sba sts'unubic smomnich'nabtac Came.

Ezequiel 48:6

Ta sts'ac li Efraine ja' te lic yich' yosil ec li Rubene. Li sjamalile xlic ta sloq'ueb c'ac'al c'alal ta smaleb c'ac'al.

Números 1:20

Jech la stsacbeic sbi scotol ta jujuchop sbiic, xchi'uc ta jujubej snaique, xquechet la stsacbeic sbi ta jujun li viniquetic ti xlic ta jtob (20) jabil sjabilalique, ja' jech yepal iloc' chac li'i: Li jchop liquem ta Rubene, ja' li banquilal xnich'on Israele, ja' o'lol svucubal yoxvinic ta mil (46,500) iloc' ta scotol li viniquetic ti xu' xa yu'unic paspleitoe.

Números 26:5

Li xnich'nab Rubén, ja' li banquilal xnich'on Israele, ja' Enoc, Falú, Hezrón, xchi'uc Carmi. Le'e ja' te ilic li smomnich'nab Rubén ta jujuchop sbiique.

Deuteronomio 21:17

Persa tsc'an chc'ot lec ta yo'nton ti ta melel ja' sba xnich'one, xchi'uc ti tsc'an jech yepal jeloven chich' jech chac c'u cha'al sc'oplal chich'ic li yantique yu'un ja' sba sat sts'unub c'otem. Jech oy ta sventa xu' chich' scotol yu'un ja' ba olol.

Deuteronomio 27:13

Li yan vacchop liquemic ta Rubén, ta Gad, ta Aser, ta Zabulón, ta Dan xchi'uc ta Neftalie, te ac'o baticuc ta jolvits Ebal sventa chalbeic sc'oplal li stojol smulic chich' jchi'iltactique.

Deuteronomio 33:6

Jech laj yich' alel ta sventa li Rubene: “Ac'o cuxiuc li Rubene. Mu me xcham, ac'o me mu'yuc ep li svinictaque”, xi.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye: