Génesis 48:7 - Bible in Tzotzil de Chenalhó with Deuterocanon

⁷ C'alal liloc' ta Padan-arame, te icham tal ta be ta yosilal Canaán li ame'e, ja' li Raquele. Jutuc xa'ox sc'an xivulcutic ta Efrata ti c'alal ichame. Jech te la jmuc comel ta sbelal Efrata, ti bu Belén xa sbi ta orae —xi li Israele.

Bible in Tzotzil de Chamula

⁷ C'alal lisut talel ta Padán-arame, cham ti ame' Raquel c'alal nopol xa sc'an xic'otcutic ta Efrata ti oy ta Canaane. Laj jmuc xtoc ta sbelel Efrata ti Belén sbi avi tanae.

Génesis 48:7 Iomraidhean Croise

Génesis 25:20

Li Isaaque yich'oj xa'ox cha'vinic jabil (40) c'alal laj yic' sbaic xchi'uc li Rebecae, ja' li xnich'on Betuele, ja' li yixlal Labane, ja' li arameo cristianoetic te nacalic ta Padan-arame.

Génesis 33:18

C'alal isut tal ta Padan-aram li Jacobe, lec tsots, lec jun yo'nton ic'ot ta Canaán. Te ic'ot spas scarpana ta yeloval lum Siquem.

Génesis 35:20

Li Jacobe la sva'an comel jun ton sventa senyail smuquinal li Raquele. Te oy o c'alal to tana.

Génesis 35:9

C'alal isut tal ta Padan-aram li Jacobe, li Diose laj yac' sba ta ilel yan velta ta stojol. Te i'ac'bat bendición,

Génesis 48:6

Li yantic anich'nab ta xvoc' ta ts'acale, ja' xa avu'un. Pero oy ta sventaic chich'ic jutuc ec ti c'u yepal yosil tsta li chib sbanquiltaque yu'un ja' yits'inic.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

San Mateo 2:18

“Chvinaj tsots oq'uel ta Ramá; oy ep oq'uel xchi'uc at-o'nton. Ja' Raquel ta xoc'ta yalabtac; muc sbalin patbel yo'nton, yu'un j'ech'el ilaj o li yalabe”, xi ono'ox li j'alc'op Jeremiase.

Rut 1:2

Li vinique ja' Elimelec sbi. Li yajnile ja' Noemí sbi. Yan li xnich'nabe ja' Mahlón xchi'uc Quelión sbiic. Ja' efrataetic, liquemic ta Belén ta yosilal Judá. C'alal ic'otic ta Moabe, te inaquiic o.

1 Samuel 1:1

Oy jun vinic te nacal ta Ramá ta vitsetic ta yosilal Efraín. Li vinique Elcana sbi; ja' xnich'on Jeroham. Li Jerohame ja' xnich'on Eliú. Li Eliue ja' xnich'on Tohu. Li Tohue ja' xnich'on Zuf; ja' muc'ta moltotil yu'unic. Le'e efrata la sbiinic.

1 Samuel 10:2

C'alal chaloc' batel tanae, te chanup ta be chib vinic ta nopol smuquinal anima Raquel te ta Selsa ta yosilal Benjamín. Te chayalbot ti laj xa staic li me' buroetic chat'unique, xchi'uc ti mu'yuc xa chat yo'nton li atote, ti ja' xa no'ox chat yo'nton ta aventaic li vo'oxuque, ti mu xa sna' c'usi tspase.

1 Samuel 16:4

Li Samuele la spas c'usi i'albat yu'un li Muc'ul Diose. C'alal ic'ot ta Belene, te ital nupatuc ta be yu'un li moletic te ta lume, pero ta xi'el italic. Jech la sjac'beic: —¿Me tal apatbun co'ntoncutic? —xutic.

1 Samuel 17:12

Oy jun vinic te nacal ta Belén, Isaí sbi. C'alal ja'o ochem ta ajvalilal li Saule, mol xa'ox li vinique. Oy vaxquib xnich'nab; li slajebe ja' David sbi.