Génesis 48:5 - Bible in Tzotzil de Chenalhó with Deuterocanon

⁵ Ja' yu'un li anich'nab ti ivoc' li' ta Egipto c'alal mu'yuc to'ox li' jmoj tsobolutique, ja' li Efraín xchi'uc Manasese, ja' cu'untac chc'otic. Jech chac c'u cha'al ja' cu'un li Rubén xchi'uc Simeone, ja' no'ox jech ja' mero cu'untac chc'ot ec li chib anich'nabe.

Bible in Tzotzil de Chamula

⁵ Ja' yu'un un, ti anich'on Efraine xchi'uc ti Manasese, ti laj voq'uicuc li' ta Egipto c'alal mu'yuc to ox bu ta jtsob jbatic ta jteclum li'e, ja' jmamobtac. Mu yanuc bu liquic talel. Ja' jnich'nabtac jech c'u cha'al ti Rubene xchi'uc ti Simeone.

Génesis 48:5 Iomraidhean Croise

Génesis 46:20

Li xnich'nabtac José ti ivoc' te ta Egiptoe ja' Manasés xchi'uc Efraín. Ja' yol li Asenate, ja' li stseb jun pale te ta lum On, Potifera sbie.

Génesis 48:1

Ta jayibuc no'ox c'ac'al ital albatuc José ti ip xa li stote. Li Josee ibat sq'uel li stote. Laj yic' batel li chib xnich'nabe, ja' li Efraín xchi'uc Manasese.

Génesis 48:6

Li yantic anich'nab ta xvoc' ta ts'acale, ja' xa avu'un. Pero oy ta sventaic chich'ic jutuc ec ti c'u yepal yosil tsta li chib sbanquiltaque yu'un ja' yits'inic.

Salmos 77:16

Dios cu'un, c'alal laj yilot li nabe, ixi'; inic ta xi'el c'alal to ta xchac li natil nabe.

Isaías 43:1

Jacob, jech chayalbot li Muc'ul Diose, ja' li Boch'o la spasote; Israel, jech chayalbot li Boch'o laj yac'ote: “Mu xaxi', vu'un ta jcoltaot; vu'un laj quic'ot ta abi, vu'un cu'unot o.

Ezequiel 16:8

‘Ts'acal lijelov yan velta ta ats'el, la jq'uelot; laj quil ti ja' xa yorail chamalije. Te lic jlambot jnatil c'u', la jmacot lec. Te lic jam que ta atojol, lic jchaptic ti chacu'uninot o, vu'un li Muc'ul Diosune.

Ezequiel 47:13

Jech chal li Cajvaltic Muc'ul Diose: “Li sts'aquiltac osil ti chich'ic voc'bel li lajcha'chop (12) sts'unubal Israele ja' jech chac li'i: Li Josee ja' cha'sep spuculal osil chich'.

Levítico 20:26

Ja' yu'un tuc' me xapas abaic ta jtojol, yu'un vu'un li Muc'ul Diosune tuc' co'nton. Vu'un la jt'ujoxuc loq'uel ta stojol li yantic lumetique, yu'un jech jteclumal chac'otic.

Malaquías 3:17

Li Muc'ul Dios ti tspas ta mantal scotol te ta vinajele jech chal: “C'alal chc'ot sc'ac'alil c'usi ora chapal cu'un chi'abtej ta stojolique, ja' mero jc'ulejalic chc'ot; ja' cu'untac chc'otic o. Ta xc'uxubajic ta co'nton jech chac c'u cha'al jun totil ti chlic c'uxubajuc ta yo'nton xnich'on ti c'alal chtun yu'une.

Números 1:10

“Ta sventa li cha'chop liquemic ta xnich'nab Josee ja' Elisama, xnich'on Amiud, ja' ta sventa li Efraine. Ta sventa li Manasese ja' Gamaliel, xnich'on Pedasur.

2 Corintios 6:18

Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”

Efesios 1:5

Nopbil ono'ox yu'un ti chijc'ot ta mero xnich'on ta sventa li Jesucristoe, yu'un jech la sc'an ta slequil yo'nton stuc.

Hebreos 11:21

Ta sventa xch'unojel yo'nton li Jacobe, jech c'alal po'ot xa'ox chchame, la sc'anbe bendición ta stojol li chib smomnich'nabe, ja' li xnich'nab Josee. Va'al xoq'uioj sba ta sjol snamte' la stojbe ta vocol Dios.

Josué 13:7

Scotol li banamil le'e ja' xavoc'be li balunchop achi'iltaque xchi'uc li yan o'lol jchop sts'unubal Manasese”, xut.

Josué 14:4

Li smomnich'nab Josee cha'chop iloc' israeletic te. Jchop iloc' ta sventa Manasés; jchop iloc' ta sventa Efraín. Yan li levietique mu'yuc laj yich'ic yosilic; ja' no'ox laj yich'ic lumetic sventa chnaquiic xchi'uc yosilal sventa tsts'ites xvacax xchi'uc xchijic.