Génesis 48:12 - Bible in Tzotzil de Chenalhó with Deuterocanon

¹² Li Josee la snit loq'uel li chib xnich'nab te patajtic ta yo' stote. Lic spatan sba ta banamil ta stojol li stote.

Bible in Tzotzil de Chamula

¹² Ti Josee laj snit loq'uel ti ololetic quicajtic ta sjol yoc ti stote. Snupilan xa banomil laj snijan sba ta stojol.

Génesis 48:12 Iomraidhean Croise

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 19:1

C'alal ic'otic ta Sodoma li chib yaj'almantal Diose, yu'un xa'ox ch-ic'ub osil. Li Lote te chotol ta ti'coralton yu'un li lume, ja' te yo' bu stsobobbailic li cristianoetique. C'alal laj yil li Lote, ilic; bat snup ta be ta ora. La squejan spatan sba ta banamil.

Génesis 23:7

Li Abrahame iva'i. Te la snijan sba ta stojol li hetetique.

Génesis 33:3

Li stuque ijelov batel. Vucub velta la spatan sba ta banamil c'alal nopol xa'ox xtal li sbanquile.

Génesis 42:6

Li Josee ja' xchibal ajvalil te ta Egipto banamil, xchi'uc ja' oy ta sventa chchonbe batel trigo scotol li boch'ouc no'ox ta xc'ote. C'alal ic'otic li sbanquiltaque, la squejan spatan sbaic ta stojol.

Génesis 48:11

Ts'acal jech laj yalbe li xnich'one, ja' li Josee: —La jnop ti mu'yuc xa ta xquilbot asate. Pero li Diose laj to yac' quilbot asat, xchi'uc laj quilbe satic ec li anich'nabe —xi.

Génesis 48:13

Ts'acal laj yic' li chib xnich'nabe. Li Efraine la snit ta sbats'ic'ob. Li Manasese la snit ta sts'et. La snopajes batel ta stojol li stote. C'alal c'ot sva'an ta stojol li stote, li Efraine ja' ta stuq'uil sts'et smoltot ic'ot. Yan li Manasese ja' ta stuq'uil sbats'ic'ob smoltot ic'ot.

1 Reyes 2:19

Jech li Betsabee ibat sc'opan li ajvalil Salomón ta sventa li Adoniase. Li ajvalile itots, la snup li sme'e; la squejan sba ta stojol. Ts'acal bat chotiuc ta xchotleb yan velta. Laj yal mantal ti ac'o yich'ic tal jun xila sventa chchoti li sme'e; te la xchotan ta sbats'ic'ob.

2 Reyes 4:37

Li antse inopaj batel. La squejan sba ta sts'el yacan li Eliseoe; ts'acal te laj yic' loq'uel li yole.

Éxodo 20:12

“Ich'o ta muc' atot ame', yu'un jech jal chacuxi te ta banamil ti bu chacac'boxuc vu'un li Muc'ul Diosun avu'unique.

Éxodo 34:8

Li Moisese ta anil la squejan spatan sba ta banamil; laj yich' ta muc' li Muc'ul Diose.

Proverbios 31:28

Jech ta xliquic li yalabtaque, chalic ti toj leque, xchi'uc toj lec ch-ilat yu'un li smalale, jech chalic;

Levítico 19:3

“Jujunoxuc ich'ic ta muc' li atot ame'ique. “Chabiic me li sc'ac'alil chacux avo'ntonique, vu'un li Muc'ul Diosun avu'unique.

Levítico 19:32

“Va'ano me abaic; ich'ic me ta muc' li moletique. Ich'icun ta muc'; Vu'un li Muc'ul Diosun avu'unique.

Efesios 6:1

Alab nich'nabetic, ch'unbeic smantal atot ame'ic ta sventa Cajvaltic, yu'un ja' jech tsc'an pasel.