Génesis 48:1 - Bible in Tzotzil de Chenalhó with Deuterocanon

¹ Ta jayibuc no'ox c'ac'al ital albatuc José ti ip xa li stote. Li Josee ibat sq'uel li stote. Laj yic' batel li chib xnich'nabe, ja' li Efraín xchi'uc Manasese.

Bible in Tzotzil de Chamula

¹ Mu xa jaluc c'ac'al bat, tal albatuc ti Josee ip ta xa'i ti stote. Ja' yu'un un, ti Josee bat sq'uel, xchi'uc yic'oj batel ti cha'vo' xnich'nabe, ti Manasese xchi'uc ti Efraine.

Génesis 48:1 Iomraidhean Croise

Génesis 46:20

Li xnich'nabtac José ti ivoc' te ta Egiptoe ja' Manasés xchi'uc Efraín. Ja' yol li Asenate, ja' li stseb jun pale te ta lum On, Potifera sbie.

Génesis 48:2

C'alal i'albat Jacob ti te xa oy li xnich'on Josee, laj to yac' persa ichoti ta svayab.

Génesis 48:5

Ja' yu'un li anich'nab ti ivoc' li' ta Egipto c'alal mu'yuc to'ox li' jmoj tsobolutique, ja' li Efraín xchi'uc Manasese, ja' cu'untac chc'otic. Jech chac c'u cha'al ja' cu'un li Rubén xchi'uc Simeone, ja' no'ox jech ja' mero cu'untac chc'ot ec li chib anich'nabe.

Génesis 50:23

Laj to yilbe sat li xcha'c'olal smomnich'nab ta sventa Efraine. Xchi'uc laj to sventain lec jech chac c'u cha'al mero xnich'on li xnich'nab Maquire, ja' li xnich'on Manasese.

2 Reyes 13:14

Li Eliseoe itsaque ta chamel sventa chcham o. Li Joás, ajvalil ta Israele, ibat svu'lan li Eliseoe; c'ot smey, laj yoc'ta, jech laj yalbe: —Tati, Tati. Vo'ot spojobbailot ono'ox li israeletique —xut.

2 Reyes 13:20

Li Eliseoe icham, jech bat smuquic. Scotol ono'ox jabil te chtal stiq'uilan sbaic ta slumal israeletic li jtsob j'eleq'uetic liquemic ta Moabe.

Job 42:16

Li Jobe icuxi to batel vucvinic (140) jabil. Laj to yil c'alal to ta xchanc'olal smomnich'nab.

Salmos 128:6

Ac'o yil c'alal ta xnich'nab, c'alal ta smomnich'nab. Ac'o junuc yo'nton o li smomnich'nab Israele.

San Juan 11:3

Li yixlaltac Lazaroe la staquic ta iq'uel li Jesuse, jech laj yalbeic: —Cajval, ip cha'ay li Lazaroe, ja' ti lec ac'anoj aba achi'uque —xutic c'otel.

Hebreos 11:21

Ta sventa xch'unojel yo'nton li Jacobe, jech c'alal po'ot xa'ox chchame, la sc'anbe bendición ta stojol li chib smomnich'nabe, ja' li xnich'nab Josee. Va'al xoq'uioj sba ta sjol snamte' la stojbe ta vocol Dios.

Josué 14:4

Li smomnich'nab Josee cha'chop iloc' israeletic te. Jchop iloc' ta sventa Manasés; jchop iloc' ta sventa Efraín. Yan li levietique mu'yuc laj yich'ic yosilic; ja' no'ox laj yich'ic lumetic sventa chnaquiic xchi'uc yosilal sventa tsts'ites xvacax xchi'uc xchijic.