Génesis 47:9 - Bible in Tzotzil de Chenalhó with Deuterocanon

⁹ Itac'ov li Jacobe: —Oy xa lajuneb svucvinic (130) jabil li' chixanov ta sba banamil. Mu'yuc to ep jabil jch'iel. Ti c'u xa yepal jabil jch'iele, oy ono'ox ep jvocol. Mu sta jech yepal jabil jch'iel jech chac c'u cha'al ich'iic li jtot jme'taque —xi.

Bible in Tzotzil de Chamula

⁹ Xi laj stac' ti Jacobe: —Quich'oj xa lajuneb yucvinic (130) jabil ti yalel muyelune. Jutuc to jabilal, yu'un oy vocol ta banomil. Mu to ta jta jech c'u cha'al laj ech'icuc ti jmolmuc'totaque.

Génesis 47:9 Iomraidhean Croise

Génesis 11:11

Li Seme icuxi to batel yan vo'ob ciento (500) jabil. Jech ivoc' to yan squeremetic xchi'uc stsebetic.

Génesis 35:28

Li Isaaque ja' icuxi balunvinic (180) jabil.

Génesis 47:28

Li Jacobe vuclajuneb (17) jabil to icuxi te ta Egipto. Ja' vucub xvaxacvinic (147) jabil icuxi ta scotol.

Génesis 47:8

Jech ijac'bat yu'un li faraone: —¿Jayib xa jabil avich'oj? —x'utat.

Génesis 5:27

Ti c'u yepal jabil icuxie ja' baluneb ciento xchi'uc baluneb xchanvinic (969) jabil ta scotol. C'alal jech yepal sjabilale, icham.

Génesis 50:26

Li Josee te icham ta Egipto. Yich'oj xa'ox lajuneb svacvinic (110) jabil ti c'alal ichame. La xpoxtabeic lec li sbec'tale yu'un jech mu xc'a'. La stiq'uic ochel ta cajón.

1 Crónicas 29:15

Yu'un li vu'uncutique jxanubaluncutic no'ox; j'ech'el beuncutic no'ox ta atojol jech chac c'u cha'al li jtot jme'cutic ta vo'onee. Yu'un li jcuxlejalcutic li' ta sba banamile ja' no'ox jech chac c'u cha'al yaxinaltic ti mu xjalije.

Job 14:1

“Li boch'o voq'uem no'ox ta antse comcom no'ox yorail, xchi'uc ta vocol no'ox chcuxi.

Salmos 119:19

Yanlum no'ox c'otemun li' ta banamile; mu me xanac'bun ta jtojol li mantaletic avu'une.

Salmos 119:54

Li chanubtaseletic avu'une ja' jun lequil q'ueoj laj ca'ay li' ta banamil ti j'ech'elbe no'ox chijelove.

Salmos 39:12

“Muc'ul Dios, tsacbun li jc'ope; a'ibun ti xi'oc'olet chajc'opanote. Mu me teuc no'ox aq'ueloj ti chloc' ya'lel jsate, yu'un li vu'une j'ech'el beun no'ox ta atojol; jxanubalun no'ox jech chac c'u cha'al ijelovic li jmoltot jyame'taque.

Salmos 39:13

Loq'uesbun xa li jvocole, ac'bun jcux jutuc, yu'un yo'to mu'yuc chicham, yo'to li' to oyun”, xcut li Muc'ul Diose.

Salmos 39:5

Ta jna' ti comcom li jcuxlejal avac'ojbune, unin jliquel cuxulun ta asat; scotol cristianoetic jmaq'uel no'ox ta satil cuxulic ta atojol.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Éxodo 7:7

Li Moisese yich'oj xa'ox chanvinic (80) jabil; yan li Aarone yich'oj xa'ox oxib yo'vinic (83) jabil ti c'alal ay sc'opanic li faraone.

2 Corintios 5:6

Ja' yu'un ja' spatubil co'ntontic o, ac'o me mu to xquiltic Cajvaltic ta sventa ti li' to quich'ojtic li jbec'taltique.

Deuteronomio 34:7

C'alal icham li Moisese, yich'oj vacvinic (120) jabil. Mu'yuc maquem sat, mu'yuc lajem stsatsal.

Hebreos 13:14

Yu'un li' ta banamile mu'yuc bu ta jtatic junuc lum ti xu' te chijnaquiutic o sbatel osile. Ja' yu'un ja' jsa'tic batel li lum ti ca'yojbetic sc'oplal ta to jtatique.

Santiago 4:14

Pero mu xana'ic me cuxuloxuc ta yoc'omal. Yu'un ja' jechoxuc jech chac c'u cha'al lumal toc ti ta anil no'ox ta xtale, xchi'uc ti ta anil no'ox ta sacch'ay batele.

Josué 24:29

C'alal i'ech' jayibuc c'ac'ale, icham li Josuee, ja' li yajtunel Muc'ul Diose; yich'oj xa'ox lajuneb svacvinic (110) jabil.

1 Pedro 2:11

Vo'oxuc ti lec jc'anojoxuque, ta jc'anboxuc vocol ta atojolic vo'oxuc ti ja' jechoxuc jech chac c'u cha'al yanlum, ti jxanubaletic no'oxe, ti jelovel no'ox chjelovic li' ta banamile. Mu me xach'unic li c'usi tsc'an abec'talique, yu'un scontra sbaic xchi'uc li c'usi tsc'an co'ntontique.