Génesis 47:7 - Bible in Tzotzil de Chenalhó with Deuterocanon

⁷ Li Josee laj yic' batel ta stojol faraón noxtoc li stote, ja' li Jacobe. Li Jacobe lec laj yich' ta muc' li ajvalile; la sc'anbe bendición ta stojol.

Bible in Tzotzil de Chamula

⁷ Ti Josee laj yic' batel xtoc ta stojol faraón ti Jacob ti ja' stote. Ti Jacobe biq'uit laj yac' sba c'alal c'ot sc'opon ti faraone.

Génesis 47:7 Iomraidhean Croise

Génesis 14:19

Laj yac'be bendición li Abrame, jech laj yalbe: “Ac'o yac'bot ep bendición li Dios te oy ta vinajele, ja' li yajval vinajel banamile.

Génesis 35:27

Li Jacobe ibat sq'uel li stot te ta Mamree, ja' li Isaaque. Ja' te ta lum Arba, ja' li Hebrón yan sbie. Ja' to'ox te inaquiic li Abraham xchi'uc Isaaque.

Génesis 47:10

Li Jacobe la sc'opan comel li faraone, jech iloc' batel.

Génesis 47:8

Jech ijac'bat yu'un li faraone: —¿Jayib xa jabil avich'oj? —x'utat.

2 Samuel 14:22

Li Joabe la spatan sba c'alal ta banamil yu'un laj yich' ta muc' li ajvalile; la sc'anbe bendición jech laj yalbe: —Ajvalil, li' ta orae laj xa jna' ti ta melel lec chavilune, yu'un laj apasbun li c'usi laj calbote —xut.

2 Samuel 19:39

Scotolic ijelovic ta jot uc'um Jordán. C'alal ijelov ec li ajvalile, la sts'uts' li Barzilaie; la sc'anbe bendición, jech isut batel ta sna.

2 Samuel 8:10

la stac tal xnich'on ta stojol li Davide; Joram sbi. Yich'oj tal saquil taq'uinetic, c'anal taq'uinetic, xchi'uc bronce, yu'un tal sc'opanic li Davide, tal spatbeic yo'nton ta sventa ti la stsal li Hadad-ezere. Yu'un li ajvalil Toie laj ono'ox spasic pleito xchi'uc ec.

1 Reyes 1:47

Li xchi'iltac ta abtel ajvalile laj xa spatbeic yo'nton li ajvalil Davide, jech laj yalbeic: “Ac'o coltaatuc yu'un Dios li Salomón jech chac c'u cha'al coltabilot yu'un Diose. Toj tsots yabtel ac'o c'otuc jech chac c'u cha'al tsots avabtel li vo'ote”, xutic. Jech ec li ajvalil Davide la squejan sba ta svayab. Laj yich' ta muc' li Diose,

1 Reyes 8:66

Ta xvaxquibal c'ac'ale li ajvalile laj yalbe scotol xchi'iltac ti xu' xa ac'o suticuc batel ta snaique; te la sc'opanan batel. Jech ec li israeletique la sc'anbeic comel bendición ta stojol li ajvalile. Toj xcuxet no'ox yo'nton isutic batel ta sventa ti toj lec scotol c'usi la spas Muc'ul Dios ta stojol li Davide, ja' li yajtunele, xchi'uc ta stojol scotol li jun ta lum israeletique.

2 Reyes 4:29

Li Eliseoe jech laj yalbe li Giezie: —Chapano aba. Batan ta sna li antse; ich'o batel li jnamte'e. Me oy boch'o laj anup ta bee, mu xac'opan comel. Me oy boch'o ch-ech' sc'opanote, mu xatac'be. Xc'ot ametsanbe ta sat querem li jnamte'e —xut.

Éxodo 12:32

Iq'uic batel li achijic, li avacaxic jech chac c'u cha'al chac'anique. Te xac'anbicun bendición ta jtojol ec —xi li faraone.

San Mateo 26:26

C'alal chve'ique, la stsac jun pan li Jesuse, la stojbe ta vocol Dios; la svoc' li pane, laj yac'be li yajchanc'optaque: —Ilo, ve'anic. Li'i ja' jbec'tal —xut.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.

Josué 14:13

Ja' yu'un li Josuee la sc'anbe bendición li Calebe, xchi'uc ja' laj yac'be yich' o xchi'uc smomnich'nab li Hebrone.

Josué 22:6

Jech li Josuee la sc'anbe bendición ta stojolic; la sc'opanan batel jech isutic o batel ta scarpanaic.

1 Pedro 2:17

Ich'ic me ta muc' scotol li cristianoetique. C'anic me li boch'o co'ol jch'unojtic Dios jchi'uctique. Ich'ic ta muc' li Diose; ich'ic ta muc' noxtoc li muc'ta ajvalile.

1 Samuel 2:20

Ja' yu'un li pale Elie chac'be bendición li Elcana xchi'uc yajnile, jech chalbe: “Ac'o yac'bot yan anich'nab li Muc'ul Diose; ja' xq'uexol ti li' laj yac' o ta stojol Muc'ul Dios li avajnile”, xut. Jech tsutic batel ta snaic.