Génesis 47:4 - Bible in Tzotzil de Chenalhó with Deuterocanon

⁴ Li' litalcutic yu'un li' chinaquicutic o ta avosilalic. Yu'un te ta Canaán banamile oy ep vi'nal, xchi'uc mu'yuc xa sve'el jchijcutic te. Ja' yu'un ajvalil, ta jc'ancutic vocol ta atojol ti avac'uc naquicuncutic te ta Gosén banamile —xutic.

Bible in Tzotzil de Chamula

⁴ Ti litalcutic ta naclej li' ta jteclume, yu'un ta Canaán liquem vi'nal. Ja' jech xtoc mu'yuc xa yaxal ta slo' ti jchijcutique. Ja' yu'un un, Jcuch abtel, avocoluc, ac'o ave ati' ti xu' ta xicomcutic ta naclej ta yosilal ti Gosene.

Génesis 47:4 Iomraidhean Croise

Génesis 12:10

Ts'acal to ital vi'nal ta scotol yosilal Canaán banamil. Li Abrame ibat nacluc ta Egipto jayibuc c'ac'al, yu'un toj tsots ital li vi'nale, yu'un mu'yuc xa c'usi tsve'ic ti bu oyique.

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Génesis 43:1

Te ta Canaán banamile, itsatsub ta jyalel li vi'nale.

Génesis 45:10

Li' no'ox chvul naclanic ta jun banamil Gosene. Li' chanaquiic achi'uc scotol anich'nabtaquic, amomnich'nabtaquic, xchi'uc scotol li ats'unub avovolique, xchi'uc scotol li c'usitic oy avu'unique. Jech nopol no'ox xquil jbatic chijc'ot.

Génesis 46:34

albeic ti ja' avabtelic o sts'unel chij xchi'uc atot ame'ic ta abic'talique. Me jech chavalbeique, xu' chayac'boxuc avich'ic li osil te ta Gosene. Yu'un li egiptoetique oy mantal yu'unic ti mu xu' co'ol chnaqui xchi'uquic li jchabichijetique —xut sbanquiltac li Josee.

Génesis 47:5

Li faraone jech laj yalbe li Josee: —Li atote xchi'uc li abanquiltaque italic li'i yu'un jech jmoj chatsob abaic acotolic.

Salmos 105:23

Ts'acal ibat ta Egipto li Israele, ja' li Jacobe; te ic'ot nacluc ta Cam banamil.

Isaías 52:4

Ta vo'onee i'ayic ono'ox ta Egipto li jteclum cu'une; te inaquiic jech chac c'u cha'al yanlumetic. Ts'acal to vovil jeche' no'ox laj yich'ic uts'intael batel yu'un asiriaetic noxtoc.

Hechos 7:11

“Ts'acal to ital tsots vi'nal ta scotol Egipto banamil xchi'uc ta Canaán banamil. Jech toj tsots svocol laj ya'yic li cristianoetique. Li jmoltotactic ta vo'onee mu'yuc xa bu tsta sve'elic.

Hechos 7:6

I'albat yu'un Dios noxtoc ti ta to xbat naquiicuc ta yan banamil li smomnich'nabe, jech yanlum cristianoetic ta xc'otic. Te ta xich'ic mozoinel, te ta xich'ic uts'intael chanib ciento (400) jabil.

Deuteronomio 26:5

Ts'acal jech xavalic ta stojol li Muc'ul Dios cu'untique: ‘Li jmoltot jyame' ta vo'onee, unin juteb to'ox tsobolic, mu'yuc to'ox epic. Ja' arametic ti puru xanubal tspasique. Ibatic ta Egipto, te c'ot naquiicuc. Pero ts'acal ipasic ta jun muc'ta lum. I'epajic, itsatsubic ta jyalel.