Génesis 45:2 - Bible in Tzotzil de Chenalhó with Deuterocanon

² Tsots lic oc'uc li Josee. Laj ya'yic li egiptoetique, xchi'uc ic'ot a'yej ta stojol li boch'otic te oyic ta sna faraone.

Bible in Tzotzil de Chamula

² Va'i un, tsots x'avet xa liquel ta oq'uel ti laj ya'iic scotol ti egipcioetique, ti c'ot ya'yejal xtoc c'alal ta sna ti faraone.

Génesis 45:2 Iomraidhean Croise

Génesis 42:24

Li Josee la svoc' sba loq'uel; te lic oc'uc. C'alal isut batel yo' bu oyique, la sc'opan. Te ta satic la stsac li Simeone, la xchuc.

Génesis 43:30

Li Josee toj yan sba yo'nton laj ya'ay ti c'alal laj yilbe sat li yits'ine; c'an xa te oc'uc. Jech i'och batel ta ora ta yut scuarto; te bat oc'uc.

Génesis 45:14

Li Josee la smey li yits'in Benjamine; te lic oc'uc. Jech ec li Benjamine la smey ec li sbanquile; i'oc' ec.

Génesis 45:15

Li Josee ts'acal la smeyan scotol li sbanquiltaque; te i'oc' noxtoc. C'alal jech ic'ot ta pasele, li sbanquiltac Josee itsatsub yo'ntonic, lic sc'opanic lec li yits'inic Josee.

Génesis 46:29

Li Josee laj yac' ta chapanel scareta sventa chcaji batel, yu'un chbat snup ta Gosén li stote. C'alal ic'ot yo' bu oy li stote, c'ot xvoch' ta meyel. Jal laj yoc'ta sbaic.

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

Zacarías 12:10

“Li smomnich'nab David xchi'uc li jnaclumetic ta Jerusalene ta xcac'be ta yo'ntonic ti tstaic c'uxubinele, xchi'uc ti chisc'opanicune. Ta to xilic li boch'o xenbil xocon yu'unique. Ta to xlic yoc'taic jech chac c'u cha'al ch-oc' boch'o chcham xnich'on ti c'ajumal jun xnich'one. Ta xlic yat yo'ntonic jech chac c'u cha'al li boch'o chcham sba xnich'one.

Números 14:1

Jech scotol li israeletique lic avanicuc. Sbejel ac'ubal puru oq'uel la spasic.

Hechos 20:37

Jech iliquic ta oq'uel scotolic; la smeyic li Pabloe, la sts'uts'ic.

Rut 1:9

Muc'ul Dios chac' nupinanic yan velta, yu'un jech xcuxet no'ox avo'ntonic achi'uc amalalic ta anaic —xut. Li Noemie lic sts'uts'an li yalibtaque yu'un xa tsvoc' sbaic o. Pero li stuquique lic oq'uicuc.