Génesis 44:8 - Bible in Tzotzil de Chenalhó with Deuterocanon

⁸ Q'uelavil, tal jsutescutic li taq'uin tic'ajtic ta jcoxtal la jtacutique. Ac'o me ta Canaán banamil to nacaluncutic, pero persa tal jsutescutic. ¿C'u x'elan xu' ja' chquelc'anbecutic batel noxtoc li c'usitic pasbil ta c'anal taq'uin, ta saquil taq'uin yu'un li avajvale?

Bible in Tzotzil de Chamula

⁸ ¿Mi mu ta Canaanuc to liliccutic talel, tal jsutescutic ti taq'uin tiq'uil laj jtacutic ta jcoxtalcutique? ¿C'u ono'ox xi ta xquelc'ancutic ti platae, ti oro ta sna ti avajvale?

Génesis 44:8 Iomraidhean Croise

Génesis 42:21

Jech lic yalbe sbaic ta jujuntal: —Ta melel mu'yuc lec c'usi la jpasbetic li quits'intique. Laj ono'ox quiltic ti ep laj yat yo'ntone, xchi'uc laj yalbutic ti mu me jpasbetic jeche, pero muc jch'untic. Ja' yu'un li' ta orae, oy ep jvocoltic ta at-o'nton ec —xut sbaic.

Génesis 42:27

C'alal te xa oyic yo' bu chvayic ta bee, oy jun la stitunbe sti' li xcoxtale yu'un chac'be jutuc sve'el li sburoe. Ja' to laj yil te tiq'uil la sta li staq'uine.

Génesis 42:35

C'alal c'ot xocobtas xcoxtalic li sbanquiltac Josee, ja' to laj yilic ti te chupajtic batel ta yavil li staq'uinic jujunique. Te tic'ajtic ta xcoxtalic la staic. C'alal laj yilique, ep laj yat yo'ntonic c'alal ta stotic.

Génesis 43:12

Ich'ic xa batel yan ataq'uinic. Jech to yepal xavich'ic batel jech chac c'u cha'al avich'ojic xae. Xchi'uc xc'ot avac'beic sutel ta sc'ob stuc li taq'uin laj ataic ta acoxtalique. Oy yic'al yu'un ich'ay yo'ntonic ti te la stic'boxuc sutel tale.

Génesis 43:18

Pero li stuquique ep ixi'ic, yu'un laj yilic ti ic'bil ibatic ta sna li Josee, jech laj yalbe sbaic: —Li'i, lo'lael no'ox la jtatic tana. Ja' xa li' ic'bil lijtal ta scoj li taq'uin tiq'uil la jta ta jcoxtaltic c'alal lij'ay ono'ox ta jun veltae. Li' xa chixchucutic comel. Li' xa chijcom o ta smozoic xchi'uc li jburotique —xut sbaic.

Génesis 44:7

C'alal laj ya'yic li sbanquiltac Josee, jech laj yalic: —¿C'u yu'un ti jech chavalbuncutique? Mu baq'uin jech jpascutic li vu'uncutique.

Éxodo 20:15

“Mu me xa'elc'ajic.

San Mateo 19:18

Jech la sjac' li vinique: —¿C'usitic mantalil ti tsc'an ta jch'une? —xi. Itac'ov li Jesuse: —‘Mu me xamilvan. Mu me xamulivaj. Mu me xa'elc'aj. Mu me xanopbe smul achi'il.

Romanos 13:9

Yu'un li mantale jech chal: “Mu me xamulivaj; mu me xamilvan; mu me xa'elc'aj; mu me xac'upinbe c'usi oy yu'un achi'il”, xi. Li yantic mantaletic yaloj Diose jmoj xa tsobol o xchi'uc li jun mantal yaloj Dios jech chac li'i: “C'ano achi'il jech chac c'u cha'al c'ux ta avo'nton abec'tal atuc”, ti xie.

Deuteronomio 5:19

‘Mu me xa'elc'ajic.