Génesis 44:1 - Bible in Tzotzil de Chenalhó with Deuterocanon

¹ C'alal ilaj yo'ntonic ta ve'ele, li Josee jech laj yalbe li jchabina yu'une: —Nojesbo xcoxtalic li viniquetic li'i. Ac'bo batel ti bu c'alal xu' yu'unic xcuchel batel li trigoe. Xchi'uc te xatic'anbeic batel ta xcoxtalic jujunic noxtoc li staq'uinique.

Bible in Tzotzil de Chamula

¹ Ts'acal to un, ti Josee xi laj yalbe mantal ti jpas-mantal yu'une: —Nojesbo talel ta trigo xcoxtalic ti viniquetic li'e. Ac'o yich'ic batel ti c'u yepal xc'ot yu'unique. Tic'bo ochel ti staq'uinic ta xcoxtalic jujune.

Génesis 44:1 Iomraidhean Croise

Génesis 24:2

Oy jun smozo ti ven mol xae; ja' yac'ojbe sventain scotol li c'usitic oy yu'une. Jech laj yalbe: —Ac'o ac'ob li' ta yolon co'e.

Génesis 42:25

Jech lic yal mantal ti ac'o snojesbeic batel li xcoxtalique, xchi'uc te ac'o stic'beic sutel ta xcoxtal jujunic li staq'uinique. Xchi'uc laj yal noxtoc ti ac'o yac'beic batel sve'elic ta sventa bee. Jech lic spasic.

Génesis 42:35

C'alal c'ot xocobtas xcoxtalic li sbanquiltac Josee, ja' to laj yilic ti te chupajtic batel ta yavil li staq'uinic jujunique. Te tic'ajtic ta xcoxtalic la staic. C'alal laj yilique, ep laj yat yo'ntonic c'alal ta stotic.

Génesis 43:16

Li Josee laj yil ti te xa xchi'uquic batel li Benjamine, jech laj yalbe li jchabina yu'une: —Ic'o batel ta jna li viniquetique. Milic jcotuc vacax; meltsanic lec, yu'un ta jchi'inic ta ve'el ta o'lol c'ac'al tana —xut.

Génesis 43:19

C'alal te xa oyic ta ti'nae, inopajic batel ta stojol li jchabinae.

Génesis 43:2

Li Jacob xchi'uc xnich'nabe ilaj sve'ic scotol li trigo ti c'u yepal ay smanic tal ta Egiptoe. Ja' yu'un jech laj yalbe li xnich'nabe: —Bat xa manic tal jutuc yan velta li jtrigotique —xut.

Génesis 44:2

Te xatic'be batel ta xcoxtal xc'ox its'inic noxtoc li jvaso ti pasbil ta saquil taq'uine. Jmoj xatic' batel xchi'uc li staq'uin ti la stojbot o strigoe —xut. Li jchabinae la spas jech chac c'u cha'al i'albat yu'un li Josee.

Isaías 3:1

Q'uelavil, li Muc'ul Diose ta xlic sloq'ues ta Jerusalén, xchi'uc ta Judá scotol li c'usitic chtun yu'unique, xchi'uc li coltael chich'ique, xchi'uc li ve'liletique, xchi'uc li vo' chtun yu'unique.