Génesis 42:9 - Bible in Tzotzil de Chenalhó with Deuterocanon

⁹ Li Josee te it'ab ta yo'nton li xvayech ono'ox ta vo'onee. Jech lic yalbe li sbanquiltaque: —Li vo'oxuque jpamuc'tavanejoxuc no'ox. Ja' no'ox tal aq'uelic c'u x'elan xu' avu'unic chatsalic li jlumalcutique —xut.

Bible in Tzotzil de Chamula

⁹ Va'i un, ti Josee vul ta sjol ti xvaiche. Yu'un ti c'usi laj yile, ja' sc'oplalic ti xchi'iltac ta voq'uele. Ja' yu'un un, xi laj yalbee: —Ti vo'oxuque, jpa'ivanejoxuc. Ja' no'ox tal aq'uelic bu xu' ta xa'ochic talel li' ta jteclume.

Génesis 42:9 Iomraidhean Croise

Génesis 37:11

Li sbanquiltaque te xa xti'et yo'ntonic ta stojol. Yan li stote te ta snopilan c'usi smelol.

Génesis 42:16

Sutanic junucal yu'un ac'o bat yic' tal li avits'inique. Li yantique li' chcomic ta chuquel. Jq'ueltiquic me melel li c'usi laj avalique, o me mu meleluc, o me ja' melel ti ja' no'ox tal apamuc'tauncutique. Ta sventa faraón jech jamal chacalboxuc ti jech ta jpase —xi.

Génesis 42:34

Bat ic'bicun tal li avits'inique. Jech ta jna' o ti ta melel vo'oxuc lec ac'oplalic, ti ich'biloxuc ta muq'ue, xchi'uc ti muc jpamuc'tavanejucoxuque. Me ital avu'unique, ta jcolta batel li jun achi'ilique. Junuc xa avo'ntonic xu' chaxanovic li' ta cosilalcutic’, xiyutuncutic tal —xut c'otel li stotique.

2 Samuel 10:3

li banquilaletic te ta Amone jech laj yalbeic li ajvalil yu'unique, ja' li Hanune: “¿Me chacuy ti yu'un yich'oj ta muc' atot li David ti la stac tal boch'o tspat avo'ntone? Le'e ja' no'ox la stac tal svinictac sventa tal sq'uelic, tal spamuc'taic lec yilic c'u x'elan li jlumaltique yu'un tsc'an chtal stsalutic”, xutic.

Éxodo 32:35

Li Muc'ul Diose la stac tal tsatsal chamel ta stojol li israeletic ta sventa ti ja' laj yich'ic ta muc' li sloc'obal ch'ium tot vacax la spas Aarone.

Números 13:2

“Taco batel jayibuc viniquetic yu'un ac'o bat sq'uelic tal c'u x'elan li osil te ta Canaán ti chcac'be yich'ic li achi'iltac ta israelale. Taco batel jujun vinic ta jujuchop achi'iltac, ja' xatac batel li boch'otic oy yabtelic ta stojol achi'iltaquique”, xi.

San Lucas 20:20

La staquic batel jayibuc boch'o chbat sq'uelbeic yo'nton li Jesuse. Jun xa yo'ntonic ta stojol Jesús yilel ti c'alal ibatique, yu'un oy c'usi chbat sjac'beic, yu'un ta sq'uelic me oy c'usi chopol chloc' ta ye, yu'un jech xu' ta stsaquic batel, chbat yaq'uic ta sc'ob li ajvalile.

Hebreos 11:31

Ta sventa xch'unojel yo'nton li jmulavil ants Rahabe, jech mu co'oluc te icham xchi'uc li xchi'iltac ti mu'yuc xch'unojique. Yu'un li Rahabe laj yic' ochel ta yutsil yo'nton li chib viniquetic c'alal ay sq'uelic ba'yuc c'u x'elan li osile.

Josué 2:1

C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Josué 6:23

Jech ibatic li chib viniquetique; laj yiq'uic loq'uel li Rahabe, xchi'uc li stot sme'e, xchi'uc li xchi'iltac ta voq'uele, xchi'uc scotol li yuts' yalaltaque. Te bat sa'beic lec yavilic ta spat to yo' bu spasoj scarpanaic li israeletique.

Jueces 1:24

Li boch'o ibatique laj yilic jun vinic te iloc' tal ta lum, jech laj yalbeic: “Ac'bun quilcutic c'u x'elan xu' chij'och ta yut li lume. Me chavac'bun quilcutique, ta xajc'uxubinotcutic”, xutic.

1 Samuel 26:4

Ja' yu'un la stac batel jayibuc viniquetic yu'un ac'o bat sq'uelic lec bu xa stuq'uil oy li Saule.