Génesis 42:6 - Bible in Tzotzil de Chenalhó with Deuterocanon

⁶ Li Josee ja' xchibal ajvalil te ta Egipto banamil, xchi'uc ja' oy ta sventa chchonbe batel trigo scotol li boch'ouc no'ox ta xc'ote. C'alal ic'otic li sbanquiltaque, la squejan spatan sbaic ta stojol.

Bible in Tzotzil de Chamula

⁶ Jech ti Josee, ajvalil yu'un scotol ti muc' ta lume, sbainoj ta xchonbel trigo ti jnaclejetic buyuc no'ox chlaj talicuc ta jujujote. C'alal c'otic ec ta stojol ti xchi'iltac ta voq'uele, snupilan xa banomil c'ot squejan sbaic ta stojolal.

Génesis 42:6 Iomraidhean Croise

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 19:1

C'alal ic'otic ta Sodoma li chib yaj'almantal Diose, yu'un xa'ox ch-ic'ub osil. Li Lote te chotol ta ti'coralton yu'un li lume, ja' te yo' bu stsobobbailic li cristianoetique. C'alal laj yil li Lote, ilic; bat snup ta be ta ora. La squejan spatan sba ta banamil.

Génesis 33:3

Li stuque ijelov batel. Vucub velta la spatan sba ta banamil c'alal nopol xa'ox xtal li sbanquile.

Génesis 41:43

Ts'acal laj yac' muyuc ta xchibal careta ti te no'ox nabal chbat ta spat scareta li faraone. Laj yal mantal ti ac'o avanicuc batel ta ba'yucbe yu'une: “¡Jamic be!”, xiic batel. Ja' jech ic'ot ta pasel c'alal la sventain scotol c'u smuc'ul slumal Egipto li Josee.

Génesis 41:54

ja'o ilic li vucub jabil puru vi'nale. Jech ital tsots vi'nal jech chac c'u cha'al laj ono'ox yal li Josee. Ta scotol banamiletic ital li vi'nale. Ja' xa no'ox te ta Egipto ti mu'yuc vi'nale yu'un oy ep sve'elic.

Génesis 41:57

Te italic ta Egipto scotol li cristianoetic ta yantic banamile, yu'un tal smanbeic trigo li Josee, yu'un ta scotol banamil mu'yuc xa bu sta sve'elic.

Génesis 44:14

C'alal ic'otic ta sna José li Judá xchi'uc yits'inabtaque, li Josee yoquel to te oy ta sna la staic. C'ot squejan spatan sbaic ta stojol.

Génesis 45:26

C'alal c'ot yalbe stotic ti cuxul to li Josee, xchi'uc ti ja' xa ochem ta ajvalilal ta scotol yosilal Egiptoe, li Jacobe mu sna' c'usi chal, mu sna' c'usi tspas. Mu xch'un li c'usi i'albate.

Génesis 45:8

Ja' Dios stuc la stacun tal, ma'uc vo'oxuc. Ja' Dios la stic'un ta abtel li'i yu'un jech jchi'inoj ta abtel li muc'ta ajvalil faraone, xchi'uc ja' laj yac'bun jventainbe scotol li c'usitic oy ta snae. Xchi'uc ja' Dios laj yac' ti vu'un ta jpas mantal ta scotol li Egipto banamile.

Génesis 48:12

Li Josee la snit loq'uel li chib xnich'nab te patajtic ta yo' stote. Lic spatan sba ta banamil ta stojol li stote.

Proverbios 11:26

Li boch'o te no'ox tsnac' strigoe chopol sc'oplal yu'un xchi'iltac; yan li boch'o ta xchone lec ch-ilat.

Isaías 60:14

Li xnich'nab boch'otic laj yac' avocolique chlic sbic'tajes sbaic ta atojol; li boch'otic la slabanicote chlic squejan sbaic ta atojol. Ja' ‘Lum yu'un Muc'ul Dios’, ja' ‘Vits Sión yu'un li Ch'ul Dios yu'un Israele’, xi chlic yalic ac'oplal.

Hechos 7:10

La scolta ta sventa svocol. La xc'uxubin, laj yac'be lec sbijil, jech lec i'ilat yu'un li faraón ajvalil ta Egiptoe. Ja' yu'un itic'at ta ajvalilal ta sventa scotol Egipto banamil, xchi'uc i'ac'bat sventain scotol c'usitic oy yu'un ta sna li faraone.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.

1 Samuel 20:41

C'alal ibat xa'ox li quereme, li Davide iloc' tal te ta jot xocon yo' bu busul li tone. Te vul squejan sba ta stojol li Jonatane; oxib velta la squejan sba, la spatan sba ta banamil. Te la sts'uts' sbaic; laj yoc'ta sbaic. Li Davide toj ep i'oc'.