Génesis 42:5 - Bible in Tzotzil de Chenalhó with Deuterocanon

⁵ Li xnich'nabtac Israele ep boch'otic xchi'inojic batel ta Egipto yu'un bat smanic tal strigoic ec. Yu'un ta scotol Canaán banamil oy ep vi'nal.

Bible in Tzotzil de Chamula

⁵ Xnich'nabtac ti Israele capal batic xchi'uc ti buch'utic ta xbatic ta manolajele, yu'un scotol ti banomil Canaane oy vi'nal.

Génesis 42:5 Iomraidhean Croise

Génesis 12:10

Ts'acal to ital vi'nal ta scotol yosilal Canaán banamil. Li Abrame ibat nacluc ta Egipto jayibuc c'ac'al, yu'un toj tsots ital li vi'nale, yu'un mu'yuc xa c'usi tsve'ic ti bu oyique.

Génesis 26:1

C'alal jech orae, ital tsots vi'nal ta scotol banamil yo' bu nacal li Isaaque. Co'ol jech chac c'u cha'al ital vi'nal c'alal cuxul to'ox li Abrahame. Ja' yu'un li Isaaque ibat nacluc ta Gerar yo' bu nacal li Abimelec, ja' li ajvalil yu'un filistaetique.

Génesis 41:54

ja'o ilic li vucub jabil puru vi'nale. Jech ital tsots vi'nal jech chac c'u cha'al laj ono'ox yal li Josee. Ta scotol banamiletic ital li vi'nale. Ja' xa no'ox te ta Egipto ti mu'yuc vi'nale yu'un oy ep sve'elic.

Génesis 41:57

Te italic ta Egipto scotol li cristianoetic ta yantic banamile, yu'un tal smanbeic trigo li Josee, yu'un ta scotol banamil mu'yuc xa bu sta sve'elic.

2 Samuel 21:1

C'alal ochem ta ajvalilal li Davide, ital tsots vi'nal oxib jabil. Li Davide lic sjac' ta stojol li Muc'ul Diose, jech itac'bat: “Li vi'nale ja' ital ta scoj li Saúl xchi'uc xnich'nabtaque, yu'un ja' la smilic li gabaonetique”, x'utat.

Hechos 11:28

Te lic sva'an sba jun li j'alc'ope, Agábo sbi. Ta sbijil Ch'ul Espíritu laj yal ti ta xtal tsots vi'nal ta scotol banamile. C'alal ital li vi'nale, ja'o ochem ta ajvalilal li Claudioe.

Hechos 7:11

“Ts'acal to ital tsots vi'nal ta scotol Egipto banamil xchi'uc ta Canaán banamil. Jech toj tsots svocol laj ya'yic li cristianoetique. Li jmoltotactic ta vo'onee mu'yuc xa bu tsta sve'elic.