Génesis 41:8 - Bible in Tzotzil de Chenalhó with Deuterocanon

⁸ C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

Bible in Tzotzil de Chamula

⁸ Ja'uc le' une, c'alal sacub ti osil ta yoc'omale, ochem xa ta vul o'nton. Ja' yu'un un, laj yal mantal talicuc scotol ti jt'unvanejetique, ti bijil viniquetic oy ta Egiptoe. Jech ti faraone laj xchapbe ya'iic ti xvaiche. Ja' no'ox un, mi ja'uc junuc oy buch'u al yu'unic ta yalel ti c'usi smelole.

Génesis 41:8 Iomraidhean Croise

Génesis 40:6

Ta sob yoc'omal ibat li Josee yu'un bat sq'uel, pero toj ep chat yo'ntonic c'ot sta.

Génesis 40:8

Itac'ovic: —Yu'un oy jvayechcutic, pero mu'yuc boch'o chiyalbuncutic c'usi smelol —xiic. —¿Me mu xu' yu'un chiyalbutic c'usi smelol li Diose? Albicun ca'ay c'usi li avayechique —xut.

Génesis 41:15

Li faraone jech laj yalbe: —Oy jvayech, pero mu'yuc boch'o xu' yu'un chiyalbun c'usi smelol. Ca'yoj ac'oplal ti vo'ot xu' avu'un chavalbe smelol c'alal me oy bu laj ava'ay jun vaychile —xut.

Génesis 41:24

Li trigo ti mats'emique, ja' bat sve'ic li vuclic lec c'upilic sbae. Laj xa jcholbe ya'yic scotol li bijil viniquetique, pero me junuc mu'yuc boch'o xu' yu'un chiyalbun c'usi smelol —xi.

Génesis 41:7

Pero li vuclic ti mu'yuc leque ive'van. Ja' bat sve' li vuclic ti lec yac'oj sbeq'ue. Li faraone toj julovel ic'ot. Ja' to laj yil ti ta xvayech no'oxe.

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Éxodo 7:11

Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Éxodo 7:22

Pero li boch'otic xu' yu'un chac' ta ilel svu'elic te ta Egiptoe ja' jech la spasic ec. Jech yo'to itsatsub lec yo'nton li faraone; muc xich'be o ta muc' sc'opic li Moisés xchi'uc Aarone, ja' li c'usi albilic yu'un Muc'ul Diose.

Éxodo 8:7

Pero li boch'otic xchanojic mágia ti xu' yu'un chaq'uic ta ilel svu'elique ja' jech la spasic ec, jech iloc' tal xch'uch'etic yu'unic ec te ta yosilal li Egiptoe.

Éxodo 9:11

Li boch'otic xu' yu'un chac' ta ilel svu'elique muc xa xu' yu'unic la stsal sbaic xchi'uc li Moisese, yu'un tabilic ta ch'iel ec jech chac c'u cha'al tsacbilic scotol li egiptoetique.

Isaías 19:3

Ta jch'aybe yo'ntonic li egiptoetique; ta jsocbe li c'usi chapal yu'unique; chlic sjac'be c'usi tspasic li sloc'obal sdiosique, li j'ac'chameletic yu'unique, li jt'unuletic yu'unique, xchi'uc xch'ulelic li boch'otic chamenic xae.

Isaías 29:14

Ja' yu'un, ta sventa sq'uelubiltac jtsatsal ta jch'aybe yo'ntonic li cristianoetic le'e; ta jch'aybe sbijilic li boch'otic bijique; ta jch'aybe sjolic li boch'otic oy c'usi lec sna'ique”, xi.

Isaías 8:19

Me oy boch'o jech chayalboxuque: “Bat jac'beic li j'ic'ch'ulelaletique xchi'uc li jt'unuletic ti mucul svislajet chlo'ilajique”, me xayutoxuque, jech xatac'beic: “Li steclumal Diose ¿me mu ja'uc tsjac'beic Dios yu'unic li c'usi tsc'an tsna'ique? ¿Me smelol ja' tsjac'beic boch'otic chamenic c'usi mu sna'ic li boch'otic cuxajtique?”, utic.

Daniel 1:20

Scotol li c'usitic toj tsotsic la sjac' ajvalil ta sventa li bijililetique, lajuneb velta xjelov sbijilic laj yil ta scotol li boch'otic sna'ic sq'uelel senyail ta vinajele xchi'uc li jt'unuletic ta scotol ti c'u smuc'ul sventainoje.

Daniel 4:18

“Ja' jech laj quil ta jvayech, vu'un li ajvalil Nabucodonosorune. Beltsasar, albun ca'ay c'usi smelol li jvayeche, yu'un scotol li bijil viniquetic oy c'u smuc'ul jventainoje muc xu' yu'un xiyalbicun c'usi smelol. Yan li vo'ote xu' avu'un, yu'un te oy ta atojol sbijil li ch'ul diosetique.

Daniel 4:19

“Li Daniele, ja' li Beltsasar yan sbie, toj ch'ayel ic'ot yo'nton ti c'alal laj ya'ye; jliquel te ch'ayem yo'nton, yu'un ixi' ta jyalel. Vu'un li ajvalilune jech laj calbe: ‘Beltsasar, mu me toj ch'ayeluc xc'ot avo'nton yu'un li jvayeche xchi'uc li c'usi smelole’, xcut. Itac'ov li Beltsasare: ‘¡Ay ajvalil, ja' ac'o c'otuc ta stojol avajcontra scotol ti c'u x'elan smelol li avayeche!

Daniel 4:5

Pero c'alal te mocholun chivaye, oy c'usi la jvaychin, toj xi'bal sba. C'alal la jnopilan, c'alal te oy ta jol li c'usi laj quile, ich'ay co'nton yu'un.

Daniel 4:6

Jech lic jtac ta iq'uel scotol li bijil viniquetic ta Babiloniae, yu'un ac'o yalbicun c'usi smelol li jvayeche.

Daniel 4:7

Jech italic scotol li bijil viniquetique, li boch'otic sna'ic sq'uelel senyail ta vinajel c'usitic chc'ot ta pasele, xchi'uc li jt'unuletique. Te lic jcholbe ya'yic li jvayeche, pero muc xu' yu'un laj yalbicun c'usi smelol.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 7:28

“Ja' no'ox jech yepal li c'usi laj quile. Vu'un li Danielune toj ep ilo'ilaj co'nton yu'un, iyanij jsat yu'un, pero te no'ox la jchabi ta co'nton scotol.”

Daniel 8:27

“Vu'un li Danielune, toj alubenun licom o; oy jayibuc c'ac'al jchamelun licom yu'un. C'alal litsatsube, te lic jpas yan velta li cabtel ta stojol ajvalile. Pero te ono'ox chixi' o yu'un li c'usi li'ac'bat quile, yu'un mu xca'ibe o lec smelol.

Levítico 19:31

“Mu me c'usi xbat ajaq'uic ta stojol li j'ic'ch'ulelaletique xchi'uc li jt'unuletique. Mu me xabolibtas abaic ta scojic. Yu'un vu'un Muc'ul Diosun avu'unic.

Levítico 20:6

Me oy boch'o ta xbat ta stojol li j'ic'ch'ulelaletic xchi'uc jt'unuletique, laj xa xch'ay sbaic o. Ta jcontrain li boch'o jech tspase; ta jloq'ues o ta atojolic.

Habacuc 3:16

C'alal laj ca'ye lixi', xnechnun xa ta xi'el li yanal quee. Solel i'alub li cacane, mu xa xu' xiva'i; i'alub scotol noxtoc li jbec'tale. Jech te xa no'ox ta jmala ca'ay c'usi ora ch-ac'bat svocolic yu'un Dios li j'uts'intavanejetic cu'uncutique.

San Mateo 2:1

C'alal ivoc' Jesús te ta lum Belén ta Judea banamile, ja'o ochem ta ajvalilal jun vinic, Herodes sbi. Te ic'otic ta Jerusalén jayibuc bijil viniquetic sna'ic sq'uelel c'analetic liquemic tal ta sloq'ueb c'ac'al.

Hechos 17:18

Jech noxtoc oy jayibuc jchanubtasvanejetic yu'un epicuroetic xchi'uc jchanubtasvanejetic yu'un estoicoetic la stsac sbaic ta lo'il xchi'uc li Pabloe. Oy jayibuc jech laj yalic: —¿C'usi chal li chochob-e vinic le'e? —xiic. Oy yantic jech laj yalic: —Ja' jcholc'op yu'un yan diosetic yilel —xiic. Yu'un li Pabloe ja' la xcholbe sc'oplal li Jesuse, xchi'uc laj yalbe sc'oplal ti icha'cuxie.

Hechos 7:22

Te laj yich' lec chanubtasel ta scotol sbijil li egipto cristianoetique. Oy lec svu'el ta sventa sc'op xchi'uc ta sventa c'usi tspas.

1 Corintios 1:19

Yu'un jech ts'ibabil ta sc'op Dios: “Ta jlajesbe sc'oplal sbijilic li boch'otic bijique; ta jch'aybe sjolic li boch'otic oy c'usi lec sna'ique”, xi ts'ibabil.

1 Samuel 6:2

Li filistaetique la staquic ta iq'uel li paleetic xchi'uc jt'unuletic yu'unique, jech la sjac'beic: —¿C'usi ta jpascutic ta sventa li xcaxail smantal Muc'ul Diose? Albuncutic c'u x'elan xu' ta jtaccutic sutel —xutic.