Génesis 40:8 - Bible in Tzotzil de Chenalhó with Deuterocanon

⁸ Itac'ovic: —Yu'un oy jvayechcutic, pero mu'yuc boch'o chiyalbuncutic c'usi smelol —xiic. —¿Me mu xu' yu'un chiyalbutic c'usi smelol li Diose? Albicun ca'ay c'usi li avayechique —xut.

Bible in Tzotzil de Chamula

⁸ Xi laj staq'uique: —Yu'un livaichinajcutic. Ja' no'ox un, mu'yuc buch'u xiyalbuncutic c'usi smelol ta xal ti jvaichcutique. Xi laj stac' ti Josee: —¿Mi mu ja'uc xu' svinajesbe smelol ti Diose? Alic ca'itic c'usi ti avaichique.

Génesis 40:8 Iomraidhean Croise

Génesis 40:9

Li banquilal j'ac'ya'lel ts'usube lic yalbe ya'ay José li c'usi la xvaychine. Jech laj yalbe: —Laj quil jpets ts'usub ta jvayech.

Génesis 41:25

Ja' yu'un li Josee jech la stac'be li faraone: —Li chib avayeche, ajvalil, jun no'ox smelol. Yu'un li Diose ja' laj yac'bot avil li c'usi ta to spase.

Job 33:23

Pero me chtal c'opanatuc yu'un jun yaj'almantal Dios ti t'ujbil chloc' tal ta epal mil j'almantaletique, me ja' chalbe ta jamal Dios ti ta melel tuc' yo'nton li vinique,

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Isaías 8:19

Me oy boch'o jech chayalboxuque: “Bat jac'beic li j'ic'ch'ulelaletique xchi'uc li jt'unuletic ti mucul svislajet chlo'ilajique”, me xayutoxuque, jech xatac'beic: “Li steclumal Diose ¿me mu ja'uc tsjac'beic Dios yu'unic li c'usi tsc'an tsna'ique? ¿Me smelol ja' tsjac'beic boch'otic chamenic c'usi mu sna'ic li boch'otic cuxajtique?”, utic.

Daniel 2:11

Li c'usi chajaq'ue ajvalil, toj tsots; mu'yuc boch'o xu' chastac'bot. Ja' no'ox xu' chastac'bot li diosetic ti muc li'uc xchi'inoj ta naclej cristianoetique —xiic.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 2:28

Pero oy jun Dios te ta vinajel, ja' xu' yu'un tsvinajes li c'usitic mucule. Ja' tsc'an chac'bot ana' li c'usi ta to xc'ot ta pasel ta atojol ta ts'acal, vo'ot li ajvalilote. Li c'usi laj avil ta avayeche, li c'usi laj avil ta ach'ulele, ja' jech chac li'i:

Daniel 2:3

Li ajvalile jech laj yalbe: —Oy c'usi laj quil ta jvayech, pero solel i'ech' xa co'nton ta snopel c'usi smelol —xut.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

Daniel 4:8

Ja' to ti c'alal ital ta jtojol li Daniel, ja' li Beltsasar yan sbi jech chac c'u cha'al sbi li dios cu'une, ti ja' yich'ojbe sbijil li ch'ul diosetique, te lic jcholbe ya'ay li jvayeche, jech laj calbe:

Daniel 5:16

Jech laj ca'ay ti vo'ot xu' avu'un chavalbe smelol li c'usi tsotsique, li c'usi mu stac' na'ele. Me chavalbun c'usi chal li c'usi li' ts'ibabile xchi'uc me xu' avu'un chavalbun c'usi smelole, chavich' ac'bel alap yax'elan c'u'il, xchi'uc jlic nats'il pasbil ta c'anal taq'uin. Jech noxtoc vo'ot yoxibal ajvalil chac'ot ta scotol ti c'u smuc'ul jventainoje —xut.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.