Génesis 4:8 - Bible in Tzotzil de Chenalhó with Deuterocanon

⁸ Ta yan c'ac'al li Caine laj yic' batel ta paxal li yits'ine. C'alal te oyic xchibalic ta te'tique, li Caine lic stsac li yits'ine; te la smil comel.

Bible in Tzotzil de Chamula

⁸ Ta yan c'ac'al un, ti Caine laj yic' batel ta paxyal ti Abel ti ja' yits'ine. Ti c'alal tey oyic xchibalic ta osiltique, jech ti Caine, tsac xut ti Abel ti ja' yits'ine, laj smil.

Génesis 4:8 Iomraidhean Croise

Génesis 4:25

Li yajnil Adane la xchi'in yol yan velta. Jech ivoc' jun squerem; Set laj yac'beic sbi. Jech laj yal: “Li Diose laj to yac'bun jun col; ja' xq'uexol li Abel ti la smil li Caine”, xi.

2 Samuel 14:6

Oy chib jqueremetic, pero la scontrain sbaic ta te'tic. Ta sventa ti mu'yuc boch'o xvoc'atique, te laj yac'be sbaic, jech te icham o li june.

2 Samuel 3:27

C'alal ic'ot ta Hebrón li Abnere, li Joabe laj yic' batel ta jot xocon ti'na, yu'un te bat sc'opan stuc. Jech te la smil o; ja' la spacbe sutel sc'oplal li yits'in Asael ti laj ono'ox smil eq'ue.

2 Crónicas 21:4

C'alal ichoti o lec ta ajvalilal li Jorame, laj yich' lec stsatsal yo'nton, jech lic smil scotol li yits'inabe, xchi'uc la smil jayibuc li banquilaletic yu'un Israele.

Nehemías 6:2

jech laj yalbicun batel li Sanbalat xchi'uc Geseme: “Bat jtsob jbatic ta junuc biq'uit lum te ta stenlejaltic ta Ono”, xiyuticun. Yu'un snopojic xa'ox c'usi chopol chispasbicun.

Job 11:15

jech jun avo'nton xu' chatoy asat ta stojol yu'un mu'yuc amul; oy stsatsal avo'nton, mu'yuc c'usi chaxi'be.

Salmos 139:19

Dios cu'un, vo'ot chavac' chamuc li boch'otic chopolique; voc'bun loq'uel ta jtojol li jmilvanejetique.

Salmos 36:3

Puru bolc'op, puru lo'lavanej chloc' ta ye; boliben xa'o, mu'yuc xa c'usi lec tspas.

Salmos 55:21

Toj c'upil sba ya'yel li c'usi chloc' ta yeique, pero puru pasc'op oy ta yo'ntonic; lec c'unil c'op chloc' ta yeic ya'yel jech chac c'u cha'al aceite ti lec c'une, pero ja' jech chac c'u cha'al espada ti oy lec yee.

Oseas 4:2

Ja' no'ox epajem li epalc'ope, li lo'lavaneje, li milvaneje, li eleq'ue, li mulivajele, xchi'uc li sa' c'ope. Isoc xa o ta j'ech'el, puru milbail xa no'ox.

Miqueas 7:6

Li queremetique chlic sna'le li stotique, jech noxtoc li tsebetique chlic stoy sbaic ta stojol li sme'ique. Li alibaletique chlic scontrainic li sme'el'alibique; te no'ox chlic scontrain sbaic ta snailal stuquic.

Números 35:20

“Me oy boch'o tspuj ta net'el xchi'il yu'un stsoq'uet yo'nton yu'une, o me oy c'usi tspajbe batel ta scoj ti yu'un chopol c'usi snopoje, me icham ono'ox yu'une, ja' xa jmilvanej chc'ot o. Xchi'uc me oy boch'o tsmaj ta sc'ob xchi'il yu'un scontra ono'oxe, me te icham o yu'une, ja' xa jmilvanej chc'ot noxtoc. Li jmilvaneje, ac'o yich' milel ec. Me oy jech chc'ot ta pasele, li yuts' yalal boch'o chchame ja' me oy ta sventa ac'o spacbe sutel li boch'o imilvan me oy bu la stae.

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

San Lucas 11:51

Vo'oxuc chacuchinic c'alal lic smal xch'ich'al li Abele xchi'uc c'alal to la smal xch'ich'al li Zacarías c'alal imilat ta sts'el scajleb smoton Dios te ta ch'ulnae.

San Lucas 22:48

Pero li Jesuse jech laj yalbe: —Judas, ¿me ta jts'uts'el no'ox chavac'un ta c'abal, vu'un ti Xnich'on cristiano lic'ote? —xut.

Hebreos 11:4

Ta sventa xch'unojel yo'nton li Abele, jech ja' xjelov slequil smoton Dios laj yac'be jech chac c'u cha'al li Caine. Jech tuc' yo'nton i'ilat yu'un Dios ta sventa xch'unojel yo'nton; lec i'albat sc'oplal yu'un Dios ta sventa li smoton laj yac'bee. Ac'o me chamen xa, pero li' to chc'opoj ya'yel.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Judas 1:11

Toj ven abul sbaic. Ja' stamojbeic batel sbe li Caine. Solel ich'ayic o ta be ta scoj taq'uin jech chac c'u cha'al li Balaame. Ich'ayic o batel ta scoj stoyobbailic jech chac c'u cha'al li Coree.