Génesis 4:6 - Bible in Tzotzil de Chenalhó with Deuterocanon

⁶ Jech i'albat yu'un li Muc'ul Diose: “¿C'u yu'un ti solel cha'iline, ti cotsbijem asate?

Bible in Tzotzil de Chamula

⁶ Va'i un, xi i'albat yu'un ti Diose: “¿C'u cha'al ta xa'ilin, ti toj yanijem asat ta xapase?

Génesis 4:6 Iomraidhean Croise

Génesis 4:7

Me chajel li c'usi chanope, mu xastsalot li sc'ac'al avo'ntone. Pero me mu xajele, li mulile te xa smalaojot yu'un ac'o xastsalot. Pero vo'ot xu' chatsal ti me chac'ane”, x'utat.

Job 5:2

Ta melel li bol cristianoe ta xmilat yu'un li sc'ac'al yo'ntone; ta xmilat yu'un li c'usi batem ta yo'nton tsc'upine.

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Jeremías 2:31

Vo'oxuc ti cuxuloxuc li' ta orae, a'yo ava'yic c'usi chcal, vu'un li Muc'ul Diosune. ¿Me yu'un ja' jechun jech chac c'u cha'al xocol banamil? ¿Me ja' jechun jech chac c'u cha'al ic'al osil chavilic? Jteclumal, ¿c'u yu'un ti jech chavalique: ‘Mu'yuc boch'o sventauncutic, mu'yuc xa chisutcutic o tal ta atojol?’, ti xachiique.

Jeremías 2:5

Jech chayalboxuc: “¿C'usi chopol la stabicun li amoltotaquic ta vo'one ti inamajic loq'uel ta jtojol, ti ja' ibatic ta stojol li yan diosetic ti mu'yuc stue, ti ja' jech mu'yuc stu ic'ot o xchi'uquique?

Jonás 4:4

Li Muc'ul Diose jech laj yal: —¿Me ja' lec chava'ay ti toj ep cha'iline? —x'utat.

Jonás 4:9

Ja' yu'un li Diose jech laj yalbe li Jonase: —¿Me toj tsots cha'ilin ta scoj li jpets vomole? —xut. Itac'ov li Jonase: —¡Jech, tsots chi'ilin! Ac'o chamcun o ta sc'ac'al co'nton —xi.

San Mateo 20:15

¿Me mu xu' ta jpas c'usi lec chca'ay jchi'uc li c'usi oy cu'une? ¿Me smelol ti xti'et avo'ntonic ta sventa ti toj lec co'ntone?’, xut.