Génesis 4:4 - Bible in Tzotzil de Chenalhó with Deuterocanon

⁴ Jech ec li Abele laj yich'be tal ta smoton Muc'ul Dios sba yoltac xchij ti lec jubenique. Li Muc'ul Diose lec laj yil li Abele xchi'uc li matanal laj yaq'ue.

Bible in Tzotzil de Chamula

⁴ Ja' jech xtoc ti Abele laj yich' batel ta smoton Dios ti sba yol xchij ti lec t'ujome. Va'i un, ti Abele lec ilat yu'un ti Diose, lec ilat ti matanal laj yaq'ue.

Génesis 4:4 Iomraidhean Croise

Génesis 15:17

C'alal och xa'ox ac'ubale, bats'i ic' li osile, te ivinaj jun horno chloc' ep xch'ayilal xchi'uc jch'om toj; te xch'omet jelovel ta o'lol ti bu voc'anbil li vacax, li chijetic, xchi'uc li mutetique.

Génesis 4:3

C'alal i'ech' xa'ox jayibuc jabile, li Caine te laj yich'be tal ta smoton Muc'ul Dios li sat c'usitic sts'unoje.

1 Reyes 18:24

Li vo'oxuque c'opanic li diosetic avu'unique. Jech ec li vu'une ja' ta jc'opan li Muc'ul Diose. Li boch'o ta x'aybat sc'ope, ti ta xtacbat tal c'oc' yu'un li sdiose yu'un ja' cuxul Dios obi —xut. Itac'ovic li israeletique: —¡Toj lec li c'usi laj avale! —xiic.

1 Reyes 18:38

Li Muc'ul Diose la stac tal c'oc' ta vinajel, jech ic'ac' li matanale, li si'e, li tonetique, xchi'uc li banamile, xchi'uc ic'ac' noxtoc li vo' te ts'anal ta sbevo'al ta joyobe.

1 Crónicas 21:26

Jech te lic spasbe jun scajleb smoton li Muc'ul Diose. La xchic'be smoton, xchi'uc la smilbe smoton sventa co'ol yo'ntonic xchi'uc. Lic sc'anbe vocol li Muc'ul Diose. Li Muc'ul Diose la stac'be sc'op li Davide; la stac yalel tal c'oc' ta vinajel te ta sba li scajleb smotone.

2 Crónicas 7:1

C'alal ilaj yo'nton ta sc'opanel Dios li Salomone, iyal tal c'oc' ta vinajel; la xchic' scotol li smoton Diose. Li ch'ulnae inoj ta xojobal Muc'ul Dios.

Salmos 20:3

Mu me xch'ay ta yo'nton li matanaletic avac'ojbee; lec ac'o yil li smoton chachic'bee.

Éxodo 13:12

ja' tsc'an chavac'beic o li sba aqueremique xchi'uc li sba yol ats'unub avovolic ti me stote, yu'un ja' yu'un li Muc'ul Diose.

Proverbios 3:9

Ich'o ta muc' Muc'ul Dios ta sventa li c'usitic oy avu'une, xchi'uc ta sventa li sba sat c'usitic chloc' avu'une.

Eclesiastés 4:4

Laj quil noxtoc, ti c'alal tsots chij'abtejutique ti c'alal lec chbat cu'untic li c'usi ta jpastique, ja' no'ox te ta xlic jti'-o'nta jbatic o. Scotol le'e mu'yuc stu; ja' jech chac c'u cha'al me ta jc'an ta jnutstic li iq'ue, mu'yuc c'usi ta jtatic o.

Levítico 9:24

Itsan loq'uel c'oc' te ta stojol li Muc'ul Diose. La xchic' li matanal ti sc'oplal xa'ox chchiq'uique xchi'uc xepuetic te oy ta scajleb smoton Diose. C'alal laj yilic li israeletique, tsots i'avanic; xcuxet no'ox yo'ntonic, xchi'uc la squejan spatan sbaic ta banamil.

Números 16:15

Li Moisese tsots lic ilinuc. Jech laj yalbe li Muc'ul Diose: —Mu me xatsacbe li amoton chayac'boxuque. Li vu'une mu'yuc c'usi la jpojbeic, me jcotuc sburoic mu'yuc jpojojbeic. Xchi'uc me jutuc mu'yuc c'usi chopol jpasojbeic —xut.

Números 16:35

Jech noxtoc la stac tal c'oc' li Muc'ul Diose, jech la smil ta c'oc' scotol li o'lol yoxibal ciento (250) viniquetic ti la xchiq'uic pom ta stojol Diose.

Números 18:12

Jech noxtoc li sba sat c'usi chloc' yu'unic li achi'iltac ti chiyich'bicun tal ta jujun jabile, xchi'uc li aceite ti ven lequic oy yu'unique, li ya'lel ts'usube, xchi'uc li trigoe, vo'ot chacac'bot scotol.

Números 18:17

Pero mu me xavac' ti ac'o yac'beic xq'uexol noxtoc li sba yol xvacaxic, li xchijic, o me stentsunique. Yu'un le'e ja' voc'bilic o cu'un. Tsc'an chamil. Li xch'ich'ale ja' xamalta o li scajleb jmotone. Li xepuale xachic'bun sventa jmoton ti lec mu yiq'ue.

Hebreos 11:4

Ta sventa xch'unojel yo'nton li Abele, jech ja' xjelov slequil smoton Dios laj yac'be jech chac c'u cha'al li Caine. Jech tuc' yo'nton i'ilat yu'un Dios ta sventa xch'unojel yo'nton; lec i'albat sc'oplal yu'un Dios ta sventa li smoton laj yac'bee. Ac'o me chamen xa, pero li' to chc'opoj ya'yel.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Jueces 6:21

Li yaj'almantal Muc'ul Diose te yich'oj jch'ix snamte'. Jech la stijan sni' snamte' ta sba li ti'bol xchi'uc pane, jech te iloc' tal c'oc' ta ton; la xchic' li ti'bol xchi'uc pane. Li j'almantal yu'un Muc'ul Diose ta ora no'ox te isacch'ay batel.

1 Samuel 15:22

Li Samuele jech laj yalbe: “Li Muc'ul Diose ma'uc no'ox lec chil ti ta jmilbetic, ti ta jchic'betic smotone; ja' toj lec chil me ta jch'unbetic smantale. Yu'un ja' toj lec li xch'unbel smantale; ja' mu sta jech li smoton ta jmilbetic xchi'uc li xepual chijetic chcac'betique.