Génesis 4:2 - Bible in Tzotzil de Chenalhó with Deuterocanon

² Ts'acal ivoc' noxtoc li Abele, ja' li yits'in Caine. Li Abele ja' yabtel ta sts'un chij. Yan li Caine ja' yabtel tsts'un c'usitic chloc' ta banamil.

Bible in Tzotzil de Chamula

² Ts'acal to un, laj svoq'ues ti Abele, yits'in ti Caine. Ti Abele naca ts'un chij lic yabtelan. Ja'uc ti Caine naca ts'unubajel ta banomil lic yabtelan.

Génesis 4:2 Iomraidhean Croise

Génesis 3:23

Ja' yu'un li Muc'ul Diose la sloq'ues batel ta ts'unubaltic Edén li vinique. Lic yac' abtejuc ta banamil ti bu ono'ox ilic tal sbec'tale.

Génesis 37:13

Li Israele jech laj yalbe li Josee: —Li abanquiltaque te oyic ta Siquem ta xchabiic li chijetique, pero ta jc'an chbat aq'uel —xut. —Lec oy, xu' chbat jq'uel —xi li Josee.

Génesis 4:1

Li Adane la xchi'in sbaic xchi'uc li yajnile, ja' li Evae. Li Evae lic xchi'in yol. Ivoc' li yole, Caín sbi, jech laj yal li Evae: “Oy xa jun jquerem; ja' laj yac'bun li Muc'ul Diose”, xi.

Génesis 4:3

C'alal i'ech' xa'ox jayibuc jabile, li Caine te laj yich'be tal ta smoton Muc'ul Dios li sat c'usitic sts'unoje.

Génesis 47:3

Li faraone jech la sjac'be li sbanquiltac Josee: —¿C'usi avabtelic li vo'oxuque? —xut. Itac'ovic: —Li vu'uncutique, ajvalil, ja' cabtelcutic sts'unel chij jech chac c'u cha'al li jtot jme'cutic ta vo'onee.

Génesis 9:20

Li Noee lic abtejuc ta banamil; lic sts'un ts'usubtic yu'un.

Salmos 127:3

Li col jnich'ontic chijyac'butic Muc'ul Diose ja' jc'ulejaltic, ja' jun muc' bendición chquich'tic.

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Amós 7:15

Pero li Muc'ul Diose laj yic'un ti c'alal te nabalun ta spat jchijtaque, jech laj yalbun: ‘Batan, bat alo c'usi chc'ot ta pasel ta stojol li jteclumale, ja' li Israele’, xiyutun.

San Lucas 11:50

Jech vo'oxuc chcom ta aventaic scotol li xch'ich'al j'alc'opetic la smalic c'alal ilic li banamile, vo'oxuc ti li' cuxuloxuc ta orae.

San Lucas 11:51

Vo'oxuc chacuchinic c'alal lic smal xch'ich'al li Abele xchi'uc c'alal to la smal xch'ich'al li Zacarías c'alal imilat ta sts'el scajleb smoton Dios te ta ch'ulnae.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

1 Juan 3:15

Scotol li boch'o xti'et yo'nton yu'un xchi'ile ja' jmilvanej chc'ot. Jna'ojtic ti mu xcuxi sbatel osil li jmilvaneje.