Génesis 4:15 - Bible in Tzotzil de Chenalhó with Deuterocanon

¹⁵ Li Muc'ul Diose jech la stac'be: —Me oy boch'o chasmilote, vucub velta ta xich'be stojol —xi. Ja' yu'un li Muc'ul Diose laj yac'be senyail ta sbec'tal li Caine, yu'un jech mu xmilat ti me oy bu chtaat yu'un li cristianoetique.

Bible in Tzotzil de Chamula

¹⁵ Xi tac'bat yu'un ti Diose: —Ti mi oy buch'u ta smilote, vuc-coj xjelav to ta xich' ti svocole. Ja' yu'un un, ti Diose laj yac'be senyail ti Caine yo' jech ti stuque mu xlaj ta milel mi oy bu ta x'ilat yu'une.

Génesis 4:15 Iomraidhean Croise

Génesis 4:24

Me ta xpacbat sutel vucub velta me oy boch'o ta smil li Caine, ta jventa li vu'une ac'o pacbatuc sutel vuclajuneb xchanvinic (77) velta li boch'o chismilune”, xut.

1 Reyes 16:7

Pero li c'usi laj yal Muc'ul Dios ta sventa j'alc'op Jehú, xnich'on Hananie, ti laj yal ti ch-ul o sts'unubal xchi'uc yalab xnich'nab li Baasa ta sventa ti toj chopol c'usitic la spase, ti la sa'be sc'ac'al yo'nton Muc'ul Dios ta sventa li c'usitic la spase, ja' yu'un jech ipasbat jech chac c'u cha'al li Jeroboame. J'ech'el i'ulesat o yu'un li Muc'ul Diose.

Salmos 59:11

Mu me xamil o ta j'ech'el, yu'un jech mu xch'ay o ta yo'ntonic li jchi'iltaque. Ja' no'ox puco batel ta atsatsal; j'ech'el tsalbil ac'o comicuc o. Li vo'ote, Muc'ul Dios, jmacubbail c'otemot.

Salmos 79:12

Muc'ul Dios, pacbo sutel vucub velta li boch'o li' nopol nacalique, yu'un toj ep la xchopolc'optaicot.

Proverbios 6:31

Persa ta stoj vucub velta, persa chac' scotol li c'usi oy yu'une.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Ezequiel 9:6

Milic li moletique, li queremetique, li tsebetique, li ololetique, xchi'uc li antsetique; me junuc mu me xacomtsanic. Te xaliquesic ta jch'ulna. Yan li boch'otic yich'ojbeic senyaile mu me xavac' ac'obic ta stojol”, xut. Jech la sliques yabtelic ta stojol li moletic te oyic ta ch'ulnae.

Oseas 1:4

Li Muc'ul Diose jech laj yalbe li Osease: “Jezreel xavac'be sbi li avunin quereme, yu'un jutuc xa sc'an xcac'be stoj smulic li smomnich'nabtac ajvalil Jehú ta scoj ti la smal ch'ich' te ta Jezreele. Jech chcac' lajuc o sc'oplal ti tspas mantal stuc li Israele.

Levítico 26:18

“Pero me mu xavich' avo'ntonic o c'alal jech chc'ot ta pasele, x'ech' to vucub velta ta xcac'boxuc stojol li amulique.

Levítico 26:21

“Me ja' no'ox jech chopol c'usi chapasic o ta jtojole, me mu xac'an xach'unic o li jmantaltaque, ta xacac'boxuc to yan vucub velta stojol li amulique.

Levítico 26:24

ja' no'ox jech ec li vu'une ta jcontrainoxuc o ec. Ta xcac'boxuc to yan vucub velta stojol li amulique.

Levítico 26:28

jech ec li vu'une ta jcontrainoxuc ec; ta xlic ep sc'ac'al co'nton avu'unic, jech chacac'boxuc to yan vucub velta stojol li amulique.

San Mateo 26:52

Li Jesuse jech laj yalbe: —Tic'o ochel ta sna li avespadae. Li boch'o ta xac' espadae ja' jech ta espada ta xcham ec.

Apocalipsis 14:11

Sbatel osil te chloc' o xch'ayilal ti bu chich'ic vocole. Ta c'ac'al ta ac'ubal mu'yuc chcux yo'ntonic o ta ich' vocol li boch'otic laj yich'ic ta muc' li jti'vanej bolome xchi'uc li sloc'obale, xchi'uc ti laj yich'beic smarcail sbie.

Apocalipsis 14:9

Ts'acal ibat yoxibal j'almantal noxtoc. Tsots ic'opoj, jech laj yal: “Li boch'o chich' ta muc' li jti'vanej bolome xchi'uc li sloc'obale, me ta xich'beic smarcail ta sti'baic, o me ta sc'obique,