Génesis 4:14 - Bible in Tzotzil de Chenalhó with Deuterocanon

¹⁴ yu'un chatacun loq'uel li' ta banamil, xchi'uc ti jcotcovil chibat avu'un. Jech chinamaj o batel ta atojol. Mu'yuc bu ta jta o ti xu' ta jcux co'ntone. C'alal me oy bu chistaicune, boch'ouc no'ox xu' chismilicun —xi.

Bible in Tzotzil de Chamula

¹⁴ Yu'un avi tana li' une, laj xa ajipun loq'uel ta banomil. Ta xlic ti ta xinamaj batel ta atojole, ti yalel muyelun ta banomile, ti mu jta jset'uc xlaet ta xca'i ti osile. Ja' yu'un un, ti buch'uuc no'ox ti ta xiyile ta xismil.

Génesis 4:14 Iomraidhean Croise

Génesis 3:24

C'alal laj xa'ox sloq'ues batel li vinique, la stac tal querubinetic te ta ts'unubaltic ta sloq'ueb c'ac'al, xchi'uc jun espada xpulpun no'ox, yu'un ja' tsjoyibta ta jujujot sventa mu me boch'o xbat yo' bu oy li jpets te' sventa cuxlejale.

Génesis 4:13

Li Caine jech la stac'be li Muc'ul Diose: —Li vu'une mu xcuch cu'un li tsatsal tojol mulil chavac'bune,

2 Samuel 14:7

Pero li' ta orae chiscontrainicun li cuts' calaltaque. Tsc'anic ti ac'o cac' ta c'abal li col ti imilvane, yu'un ac'o chamuc ec, yu'un jech ac'o mu'yucuc boch'o chich' comel li c'usi oy cu'une. Tsc'an chulesic o li yu jun xa col oye. Mu xa xaq'uic ti ac'o boluc smomnich'nab li anima jmalale, xchi'uc ti te ac'o oyuc o sbie —xut.

Salmos 109:10

Ac'o xanovicuc ta buyuc no'ox li xnich'nabe, ac'o pasicuc ta jc'anlimosna; ac'o loq'uesaticuc o batel ta snaic, ac'o bat sa' sve'elic ta nom.

Salmos 109:12

Ac'o mu'yucuc bu tsta o c'uxubinel; ac'o mu'yucuc boch'o abul sba chil li me'on ololetic chcom yu'une.

Salmos 143:7

Muc'ul Dios, tac'bun ta ora no'ox li jc'ope, yu'un ch-alub xa li co'ntone. Mu me xanac' asat ta jtojol; mu me xic'ot jech chac c'u cha'al li boch'otic chich'ic xa muquele.

Proverbios 14:32

Li boch'o chopole chich' ulesel o ta scoj li xchopolile; yan li boch'o leque jun no'ox yo'nton ti c'alal chchame.

Proverbios 28:1

Li boch'o chopol yo'ntone jech no'ox chjatov, ac'o me mu'yuc nutsbil; yan li boch'o tuc' yo'ntonique jun yo'nton chcux jech chac c'u cha'al jcot león.

Isaías 8:22

C'alal tsq'uelic yalel ta banamile, ja' to chilic ti puru vocol, ti puru ic' osil xa oye, solel ic'uben chcom. Scotolic mucul chcomic o ta ic' osil.

Jeremías 52:3

Ja' yu'un li Muc'ul Diose i'ilin ta stojol li Jerusalén xchi'uc Judae, jech lic sloq'ues ta stojol. Ts'acal to, li Sedequiase la scontrain li ajvalil ta Babiloniae.

Oseas 13:3

Ja' yu'un ja' jech ta xc'otic jech chac c'u cha'al lumal toc ta sob, jech chac c'u cha'al job osil ti ta anil no'ox chtaquije, jech chac c'u cha'al taqui jobel ti chcuchat batel ta sutub iq'ue, xchi'uc ja' jech chbatic jech chac c'u cha'al ch'ayil ti chloc' ta jolnae.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Levítico 26:36

“Li boch'o cuxul to chcom avu'unic te ta yosilal avajcontraique, ta xcac'beic ep xi'el. Ta jlic no'ox yanal te' chbaj, ta xjatovic batel ta anil jech chac c'u cha'al nutsbilic ta espada. Te ta xyalic o ta lum ac'o me mu'yuc nutsbilic.

Números 35:19

Li yuts' yalal boch'o chchame ja' oy ta sventa ac'o smil ec li jmilvanej ti bu tstae.

Números 35:27

me oy bu itaat yu'un yuts' yalal li boch'o ichame, muc ja'uc smul chcom me imilate yu'un loq'uem itaat.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

San Mateo 25:46

Jech chbat tstoj smulic o sbatel osil. Yan li boch'otic tuc' yo'ntonique ja' ta xcuxiic sbatel osil”, xi li Jesuse.

Deuteronomio 28:64

Li Muc'ul Diose chaspucoxuc batel acotolic ta yantic banamiletic; ta jot sti', c'alal to ta yan to jot sti' chaspucoxuc batel. Te chc'ot avich'ic ta muc' li c'usitic muc ja'uc Diose, ja' ti pasbilic ta te' xchi'uc ta tone, ti muc xotquinic li amoltot ayame'ic ta vo'onee.

Deuteronomio 28:65

Ti jayib c'ac'al te chanaquiic ta yantic banamile, mu'yuc bu jun avo'ntonic xchi'uc mu'yuc cux o'nton o avu'unic. Yu'un li Muc'ul Diose chac' ti puru xi'el chava'yic scotol c'ac'ale. Toj at-o'ntonoxuc, xchi'uc toj abul abaic ta asatic scotol c'ac'al.

2 Tesalonicenses 1:9

Le'e tsts'ic svocolic o ta ch'ayel sbatel osil. Nom oyic o ta stojol li Cajvaltique. Mu xilbeic o slequilal xchi'uc svu'el.