Génesis 4:10 - Bible in Tzotzil de Chenalhó with Deuterocanon

¹⁰ Jech i'albat yu'un li Muc'ul Diose: —¿C'u yu'un ti jech laj apase? Li xch'ich'al avits'in laj amalbee x'avet ta jtojol, yu'un chisc'anbun vocol ti ac'o jchapanote.

Bible in Tzotzil de Chamula

¹⁰ Xi albat yu'un ti Diose: —¿C'u cha'al jech laj apas le'e? Ti xch'ich'el avits'in ti laj xa amalbe ta banomile, x'avet xa ta xisc'anbun ti ac'o jchapanote.

Génesis 4:10 Iomraidhean Croise

Génesis 18:20

Ja' yu'un li Muc'ul Diose jech laj yalbe li Abrahame: —Li jnaclumetic ta lum Sodoma xchi'uc ta Gomorrae isoc xa sc'oplalic ta jyalel yu'un toj tsots li smulique.

Génesis 3:13

Li Muc'ul Diose jech la sjac'be ec li antse: —¿C'u yu'un ti jech laj apase? —xut. Itac'ov li antse: —Ja' la slo'laun li chone jech la jlo' —xi.

Génesis 9:5

Vu'un ta xcac'be stoj jujun cristiano xchi'uc jujun chonbolom ti ta smal ach'ich'alique. Li boch'o chmilvane ta xquich'be sc'op ta sventa xcuxlejal li xchi'ile.

2 Reyes 9:26

‘Jech chac c'u cha'al laj quilbe xch'ich'al volje li Nabot xchi'uc xnich'nabe; ja' jech chavich'be spacol ec te ta yosil li Nabote. Vu'un li Muc'ul Diosune ta xcal ti persa ta xc'ot ta pasele’, xi ono'ox. Ja' yu'un checho loq'uel; jipo comel li' ta yosil Nabot jech chac c'u cha'al yaloj ono'ox li Muc'ul Diose —xut.

2 Crónicas 28:9

Te oy jun j'alc'op yu'un Muc'ul Dios, Obed sbi. Iloc' snup ta be li soldadoetic c'alal ch-ochic xa'ox batel ta Samariae, jech laj yalbe: —Li Muc'ul Dios yu'un jmoltotactic ta vo'onee i'ilin ta stojol li Judae, jech laj yac' ta ac'obic. Pero li vo'oxuque laj amilic ta sc'ac'al avo'ntonic; ic'ot xa c'alal ta vinajel ti jech laj apasique.

Job 16:18

“Banamil, mu to xabut'bun li jch'ich'ale; mu me teuc macal xcom li chapanel ta jc'an ta stojol Diose.

Job 24:12

Te x'ajetic ta yut lum li boch'otic chchamic xae; te x'avetic ta sc'anel vocol li boch'otic yayijemique, pero mu x'aybat sc'opic yu'un li Diose.

Salmos 50:21

C'alal jech laj apase, te no'ox ch'an xichi; laj anop ti ja' jech co'nton ec jech chac c'u cha'al avo'ntone. Pero tana ta asat chacalbot ava'ay lec li amule; chacac'bot avil c'u yepal.

Salmos 72:14

Tscolta noxtoc ta sventa svocolic, xchi'uc ta sventa uts'intael, yu'un toj tsots sc'oplal cha'ibe li xcuxlejalique.

Salmos 9:12

Li Diose sna'oj li boch'otic oy svocolique; mu xch'ay ta yo'nton ti ep choc'ta sbaique; chac'be stojic li boch'otic ts-uts'intavanique.

Salmos 9:13

Muc'ul Dios, c'uxubinun me, q'uelavil c'u x'elan jvocol yu'un li boch'otic stsoq'uet yo'ntonic cu'une; loq'uesun ta sventa li lajele,

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Isaías 5:7

Li ts'usubtic yu'un Muc'ul Dios ti ech'em svu'ele, ja' li smomnich'nab Israele; ja' li jnaclumetic ta Judae, yu'un ja' la sts'un stuc, toj lec sc'anoj. La smala ti ac'o ch'unbatuc smantaltaque, pero puru milvanej no'ox la spasic; la smala ti ac'o spasic c'usi tuq'ue, pero puru oq'uel avanel no'ox ivinaj ta scojic.

Números 35:33

“Mu me xavaq'uic socuc sc'oplal ta scoj jmilvanejetic li avosilalic bu chc'ot naclanique. Yu'un li jmilvanejetique ta me soques ac'oplalic te ta avosilalic. Mu'yuc c'usi xu' chac' sventa tspoj sba o jun jmilvanej. Persa ac'o yich' milel o.

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

Hechos 5:9

Li Pedroe jech laj yalbe: —¿C'u yu'un co'ol laj anop achi'uc amalal ti chaq'uelbeic yo'nton li Ch'ul Espíritu yu'un Cajvaltique? Q'uelavil, li' xa xtalic ta ti'na li boch'otic ay smuquic amalale. Ja' no'ox jech chaxcuchicot loq'uel ec —xut.

Deuteronomio 21:1

“Me oy boch'o chlaj ta milel ti te telel chatabeic sbec'tal ta avosilalic yo' bu chayac'boxuc li Muc'ul Dios cu'untique, me mu xana'ic boch'o la smile,

Hebreos 11:4

Ta sventa xch'unojel yo'nton li Abele, jech ja' xjelov slequil smoton Dios laj yac'be jech chac c'u cha'al li Caine. Jech tuc' yo'nton i'ilat yu'un Dios ta sventa xch'unojel yo'nton; lec i'albat sc'oplal yu'un Dios ta sventa li smoton laj yac'bee. Ac'o me chamen xa, pero li' to chc'opoj ya'yel.

Hebreos 12:24

Ja' te yo' bu oy li Jesús ti ja' Jc'opojel cu'untic ta sventa li c'usi ach' chapanbile, ja' li boch'o la smal xch'ich'al sventa lecubtasele. Li xch'ich'al la smale toj lec c'usi ta jtatic yu'un; mu jechuc jech chac c'u cha'al li xch'ich'al la smal Abele.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.

Josué 7:19

Li Josuee jech laj yalbe li Acane: —Quits'in Acán, ac'o ta ich'el ta muc' li Muc'ul Dios cu'untic, vu'utic li israelutique. Ac'o vinajuc slequilal avu'un. Jamal xavalbun li c'usi laj apase; mu me xamuc ta avo'nton —xut.

1 Samuel 13:11

Li Samuele jech laj yal: —¿C'u yu'un ti jech laj apase? —xut. Itac'ov li Saule: —Yu'un laj quil ti ta xa sutic batel scotol li jchi'iltactique, xchi'uc ti muc xavul li c'usi c'ac'alil avaloje yu'un li' tsobolic o ta Micmas li filistaetique.