Génesis 39:3 - Bible in Tzotzil de Chenalhó with Deuterocanon

³ Li yajvale laj yil ti chi'inbil yu'un Muc'ul Dios li Josee yu'un lec ibat scotol li c'usi la spase.

Bible in Tzotzil de Chamula

³ Ti yajvale laj yil chi'inbil yu'un Dios ti Josee. Jech o xal ti Josee lec ta xbat yu'un scotol.

Génesis 39:3 Iomraidhean Croise

Génesis 21:20

Li Diose la scolta li quereme jech ich'i. Te inaqui ta xocol banamil ta Parán. Lec sna' spiquel flecha ibat.

Génesis 21:22

Ja'tic van jech yorail ti c'alal ibat sc'opan Abraham li Abimeleque. Te xchi'inoj batel Ficol, ja' li banquilal soldado yu'une. Li Abimeleque jech laj yalbe li Abrahame: —Scotol li c'usi chapase chquilcutic ti ja' Dios chascoltaote.

Génesis 21:23

Ja' yu'un albun ta jamal ta stojol Dios ti mu xapasbun c'usi chopol jchi'uc li jnich'nabe xchi'uc li jmomnich'nabtaque. Albun ta jamal ti me chac'uxubinun jech c'u cha'al la jc'uxubinot eq'ue, xchi'uc me chac'uxubin noxtoc li cristianoetic ta lum yo' bu nacalot li' ta orae —xut.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 26:28

Itac'ovic: —Yu'un laj quilcutic ti chi'inbilot yu'un Muc'ul Diose, xchi'uc laj jnopcutic tal ti oy c'usi ac'o jchapantique. Li c'usi ta jc'an ta jchapantique ja' li'i:

Génesis 30:27

Itac'ov li Labane: —Avocoluc li' chi'inun oe yu'un la jna' ti vo'ot ta aventa yac'ojbun bendición li Muc'ul Diose.

Génesis 30:30

C'alal livule, mu'yuc to'ox ep c'usi oy avu'un. C'alal li' xa'ox oyune, laj yac'bot ep bendición li Muc'ul Diose, jech toj ep ibol avu'un. Pero li vu'une ¿baq'uin to ta xlic abtejcun jtuc ta sventa ta jta c'usi oy cu'un jchi'uc li cajnil jnich'nabe? —xut.

Génesis 39:2

Pero li Josee te ono'ox chi'inbil yu'un li Muc'ul Diose, jech toj lec ibat yu'un c'usi la spas c'alal te oy ta sna li yajvale, ja' li egipto vinique.

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

Génesis 39:23

Li banquilal jchabichuquinabe mu xa persauc la sq'uel ti c'u yepal sventainoj li Josee. Yu'un te chi'inbil yu'un Muc'ul Dios li Josee, jech lec ibat yu'un scotol li c'usitic la spase.

2 Reyes 18:7

Te chi'inbil o yu'un li Muc'ul Diose; buyuc no'ox ibat, lec ibat yu'un scotol. Li Ezequiase tsots laj yac' sba ta stojol li ajvalil ta Asiriae; muc sc'an ventainel yu'un.

1 Crónicas 22:13

Jech lec chbat avu'un scotol me chach'un li mantaletic, li chanubtaseletic yu'un Muc'ul Dios ti yaloj comel Moisés ta stojol jchi'iltactique. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton.

1 Crónicas 9:20

Li Finees xnich'on Eleazare ja' banquilal soldado yu'unic, lec chi'inbil yu'un Muc'ul Dios.

2 Crónicas 1:1

Li Salomón xnich'on Davide toj lec ibat li yabtel ta ajvalilale, yu'un icoltaat yu'un li Muc'ul Dios yu'une. Ech'em i'ac'at ta ich'el ta muc'.

2 Crónicas 26:5

Laj yac' yo'nton ta sa'el Muc'ul Dios ti c'alal cuxul li Zacariase, yu'un ja' ichanubtasat ta yich'el ta muc' li Diose. C'alal ja' laj yich' ta muc' li Diose, lec ibat yu'un scotol.

Nehemías 2:20

Jech la jtac'beic: —Li Dios te oy ta vinajele ja' chac' c'otuc ta pasel cu'uncutic scotol. Vu'uncutic li yajtuneluncutique ta jcha'liquescutic spasel li lum Jerusalene. Yan li vo'oxuque mu xatic' abaic, mu aventaicuc yu'un ma'uc alumalic li Jerusalene —xcut.

Salmos 1:3

Li boch'o jech yo'ntone ja' co'ol jech chac c'u cha'al jpets te' ts'unbil ta ti' uc'um, ti lec chac' sat c'alal yorail tsatine, ti mu xlilij li yanale. Scotol li c'usi tspase lec chbat yu'un scotol.

Zacarías 8:23

C'alal me la sta sc'ac'alil le'e, lajuneb viniquetic ta jujuchop c'op ta scotol banamil chbat stsacbeic yoc sc'u' jun judá vinic, jech chalbeic: ‘Ta xbat jchi'inotcutic ec, yu'un laj ca'icutic ti te oy ta atojolic li Diose’, xutic”, xi li Diose.

San Mateo 5:16

Ja' jech tsc'an xaxojobanic ta stojol cristianoetic li vo'oxuque, yu'un jech ac'o yilic ti toj lec avabtelique, jech chlic yich'ic ta muc' li Jtotic Dios te oy ta vinajele.

1 Corintios 16:2

Ta jujun domingo, ja' li sba c'ac'al xemunae, voq'uic c'uuc yepal xu' avu'unic jujunoxuc, ja' ti c'u yepal chapasic canale. Te xanaq'uic, yu'un mu ja'uc to chatsobic ta anil ti c'alal chic'ot ta atojolique.

Deuteronomio 2:7

Li Muc'ul Dios cu'untique yac'ojboxuc xa bendición ta sventa scotol li c'usi chapasique. Te xchi'inoxuc o ti c'alal te chaxanovic ta muc'ta xocol banamil cha'vinic (40) jabile. La xchi'inoxuc scotol c'ac'al ti buyuc no'ox laxanovique, jech mu'yuc c'usi sc'an avu'un laj ava'yic.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.

1 Samuel 18:14

Ta sventa ti coltabil yu'un Muc'ul Dios li Davide, jech oy lec sbijil ta spasel scotol li c'usitic la spase.

1 Samuel 18:28

Pero c'alal laj yil Saúl ti coltabil yu'un Muc'ul Dios li Davide, xchi'uc ti lec sc'anoj sbaic xchi'uc li stsebe,

1 Samuel 3:19

Li Samuele ich'i; lec chi'inbil yu'un Muc'ul Dios. Persa laj yac' c'otuc ta pasel c'usi laj yalbe Samuel li Muc'ul Diose.