Génesis 39:2 - Bible in Tzotzil de Chenalhó with Deuterocanon

² Pero li Josee te ono'ox chi'inbil yu'un li Muc'ul Diose, jech toj lec ibat yu'un c'usi la spas c'alal te oy ta sna li yajvale, ja' li egipto vinique.

Bible in Tzotzil de Chamula

² Ja' no'ox un, ti Josee chi'inbil yu'un ti Diose. Jech o xal lec bat yu'un c'alal nacal ta sna ti jun egipcio vinic ti ja' yajvale.

Génesis 39:2 Iomraidhean Croise

Génesis 21:20

Li Diose la scolta li quereme jech ich'i. Te inaqui ta xocol banamil ta Parán. Lec sna' spiquel flecha ibat.

Génesis 21:22

Ja'tic van jech yorail ti c'alal ibat sc'opan Abraham li Abimeleque. Te xchi'inoj batel Ficol, ja' li banquilal soldado yu'une. Li Abimeleque jech laj yalbe li Abrahame: —Scotol li c'usi chapase chquilcutic ti ja' Dios chascoltaote.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 26:28

Itac'ovic: —Yu'un laj quilcutic ti chi'inbilot yu'un Muc'ul Diose, xchi'uc laj jnopcutic tal ti oy c'usi ac'o jchapantique. Li c'usi ta jc'an ta jchapantique ja' li'i:

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 39:23

Li banquilal jchabichuquinabe mu xa persauc la sq'uel ti c'u yepal sventainoj li Josee. Yu'un te chi'inbil yu'un Muc'ul Dios li Josee, jech lec ibat yu'un scotol li c'usitic la spase.

Génesis 39:3

Li yajvale laj yil ti chi'inbil yu'un Muc'ul Dios li Josee yu'un lec ibat scotol li c'usi la spase.

2 Reyes 18:7

Te chi'inbil o yu'un li Muc'ul Diose; buyuc no'ox ibat, lec ibat yu'un scotol. Li Ezequiase tsots laj yac' sba ta stojol li ajvalil ta Asiriae; muc sc'an ventainel yu'un.

1 Crónicas 9:20

Li Finees xnich'on Eleazare ja' banquilal soldado yu'unic, lec chi'inbil yu'un Muc'ul Dios.

2 Crónicas 1:1

Li Salomón xnich'on Davide toj lec ibat li yabtel ta ajvalilale, yu'un icoltaat yu'un li Muc'ul Dios yu'une. Ech'em i'ac'at ta ich'el ta muc'.

Salmos 1:3

Li boch'o jech yo'ntone ja' co'ol jech chac c'u cha'al jpets te' ts'unbil ta ti' uc'um, ti lec chac' sat c'alal yorail tsatine, ti mu xlilij li yanale. Scotol li c'usi tspase lec chbat yu'un scotol.

Salmos 46:11

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:7

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 91:15

C'alal chisc'anbun vocole, ta jtac'be li sc'ope; c'alal oy ep svocole, te ta jchi'in o. Vu'un ta jcolta; ta xcac' ta ich'el ta muc'.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 43:2

C'alal chatuch' jelovel muc'tic nabe, te chajchi'inot; c'alal chatuch' jelovel uc'umetique, mu xaxcuchot batel; c'alal chajelov ta o'lol coq'ue, mu'yuc chac'ac'; mu xaxchic'ot li yat c'oq'ue.

Jeremías 15:20

Ta jva'anot jech chac c'u cha'al coralton pasbil ta bronce taq'uin ta stojolic li jteclumale, ta stsacoxuc ta pleito pero mu'yuc chastsalicot, yu'un vu'un chajchi'inot, chajchabiot, chajpojot, vu'un li Muc'ul Diosune.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

Hechos 8:31

Itac'ov li vinique: —¿C'uxi xu' chca'ibe smelol, yu'un mu'yuc boch'o chiyalbun ca'ay? —xi. Jech te la sc'anbe vocol Felipe ti ac'o muy chi'inatuc ta chotleje.

1 Timoteo 6:1

Li boch'otic ochemic ta mozoile tsc'an oy ta yo'nton chich' ta muc' li yajvalique. Jech mu chopoluc chbat sc'oplal yu'unic li Diose xchi'uc li c'usi jch'unojtique.

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 6:27

Li Josuee chi'inbil o yu'un Muc'ul Dios, jech ipuc batel sc'oplal.

1 Samuel 16:18

Oy jun jech laj yal: —Vu'une quiloj ti oy jun xnich'on Isaí te ta Belén lec sna' stijel arpae, xchi'uc lec tsots yo'nton. Mu sna' xi' ta pleito, xchi'uc lec bij c'u x'elan chc'opoj; lec c'ac'al vinic, lec chi'inbil yu'un Muc'ul Dios —xi.

1 Samuel 18:14

Ta sventa ti coltabil yu'un Muc'ul Dios li Davide, jech oy lec sbijil ta spasel scotol li c'usitic la spase.

1 Samuel 18:28

Pero c'alal laj yil Saúl ti coltabil yu'un Muc'ul Dios li Davide, xchi'uc ti lec sc'anoj sbaic xchi'uc li stsebe,

1 Samuel 3:19

Li Samuele ich'i; lec chi'inbil yu'un Muc'ul Dios. Persa laj yac' c'otuc ta pasel c'usi laj yalbe Samuel li Muc'ul Diose.