Génesis 39:12 - Bible in Tzotzil de Chenalhó with Deuterocanon

¹² Li antse la stsacbe ta sc'u' li Josee, jech laj yalbe: —La' jchi'in jbatic ta vayel li'i —xut. Li Josee iloc' ta anil. Te initbat comel li sc'u'e; te stsacoj icom li antse.

Bible in Tzotzil de Chamula

¹² Jech o xal ti antse nit xutbe sc'u' ti Josee, xi laj yalbee: —La', chi'inun ta vayel. Ja' no'ox un, ti Josee loc' batel ta anil, laj yicta comel sc'u' nitbil yu'un ti antse.

Génesis 39:12 Iomraidhean Croise

Génesis 39:10

Li antse scotol c'ac'al te xvulvun ta stojol li Josee yu'un tsc'an chchi'in ta vayel. Pero li Josee mu'yuc ono'ox la xch'un.

Génesis 39:11

Ta yan c'ac'al c'alal i'och abtejuc ta yut na li Josee, ja'o mu junuc boch'o te oy.

Génesis 39:13

C'alal laj yil ti te la scomtsan li sc'u'e xchi'uc ti iloc' batel ta anile,

Génesis 39:8

Pero li Josee muc xch'un, jech la stac'be: —Q'uelavil, li cajvale yac'ojbun jventain scotol li c'usitic oy yu'une, jech mu xlo'ilaj yo'nton ta sventa ti li' oyune.

2 Samuel 13:11

C'alal inopaj batel bat yac'be sve'ele, li Amnone la stsac, jech laj yalbe: —Tseb, la' vaycutic li'i —xut.

Proverbios 1:15

mu me xbat achi'in; mu me co'oluc xaxanov achi'uc, voc'o me aba.

Proverbios 5:8

Mu me xanopaj batel ta stojol li chopol antse; me jutuc mu me xanopaj batel ta sti' sna,

Proverbios 6:5

Jatovan loq'uel ta anil jech chac c'u cha'al te'tical chij c'alal chich' nutsele; coltao aba loq'uel jech chac c'u cha'al jcot mut c'alal chich' yaquele.

Eclesiastés 7:26

Te la jta ta otquinel ti oy jun c'usi toj c'ux abul jbatic yu'une; ja' xu' to jutuc ti c'alal chijchame, ja' ti c'alal oy jun ants chlo'lavane. Yu'un li yo'ntone ja' jech chac c'u cha'al lasu; li sc'obe ja' jech chac c'u cha'al cadena. Li boch'o lec sc'anoj Diose chcol loq'uel ta sventa li ants le'e; yan li boch'o ja' lec cha'ay li mulile te chucul chcom o.

1 Corintios 15:33

Mu me xalajic ta lo'lael. Muc lo'iluc ti oy jech chalique: “Me ta jchi'intic li boch'otic chopolique, chisoquesbutic li jlequil taleltique”, xiic.

2 Timoteo 2:22

Voc'o me aba ta sventa c'usi stalel ta sc'upin li queremetique. Ja' sa'o li c'usi tuq'ue, li xch'unojel avo'ntone, li c'anvaneje, xchi'uc ti jun avo'nton achi'uc li boch'otic lec yich'ojic ta muc' Cajvaltic, ti lecuben xa yo'ntonique.

1 Pedro 2:11

Vo'oxuc ti lec jc'anojoxuque, ta jc'anboxuc vocol ta atojolic vo'oxuc ti ja' jechoxuc jech chac c'u cha'al yanlum, ti jxanubaletic no'oxe, ti jelovel no'ox chjelovic li' ta banamile. Mu me xach'unic li c'usi tsc'an abec'talique, yu'un scontra sbaic xchi'uc li c'usi tsc'an co'ntontique.

1 Samuel 15:27

Li Samuele ijoyij jech ibat. Pero li Saule la snitbe yoc snatil c'u', te ili' yu'un.