Génesis 39:11 - Bible in Tzotzil de Chenalhó with Deuterocanon

¹¹ Ta yan c'ac'al c'alal i'och abtejuc ta yut na li Josee, ja'o mu junuc boch'o te oy.

Bible in Tzotzil de Chamula

¹¹ Oy jun c'ac'al, ti Josee och batel ta yut na bat abtejuc. Mi ja'uc junuc buch'u oy.

Génesis 39:11 Iomraidhean Croise

Génesis 39:10

Li antse scotol c'ac'al te xvulvun ta stojol li Josee yu'un tsc'an chchi'in ta vayel. Pero li Josee mu'yuc ono'ox la xch'un.

Génesis 39:12

Li antse la stsacbe ta sc'u' li Josee, jech laj yalbe: —La' jchi'in jbatic ta vayel li'i —xut. Li Josee iloc' ta anil. Te initbat comel li sc'u'e; te stsacoj icom li antse.

Job 24:15

Li boch'o chmulivaje ja' no'ox tsmala ch-ic'ub, tsmac loq'uel sat, jech chal: ‘Mu'yuc boch'o chiyilun jech’, xi.

Proverbios 9:17

“Li elc'anbil vo'e toj lec chi' ta uch'el; li ve'lil ti mucul ta jve'tique toj lec mu”, xut.

Jeremías 23:24

“¿Me oy boch'o xu' tsnac' sba ta snac'ubbail ti jech mu xquil bu oye? ¿Me mu teuc oyun ta scotol vinajel xchi'uc ta scotol li banamile?”, xi li Muc'ul Diose.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

Efesios 5:12

Yu'un toj q'uexlal sba li c'usi tspasic ta mucule, mu stac' alel.

Efesios 5:3

Ja' yu'un li vo'oxuque, mu me xalo'iltaic, mu xa me xavalbeic sc'oplal li mulivajele, li c'usitic yan chopole, xchi'uc li xpich'etel avo'ntonique. Yu'un mu xa jechuc tsc'an tspas li yu'untac Diose.