Génesis 32:9 - Bible in Tzotzil de Chenalhó with Deuterocanon

⁹ Jech te lic sc'opan Dios: “Muc'ul Dios, vo'ot Diosot yu'un li jmoltot Abrahame xchi'uc li jtot Isaaque, vo'ot ti laj avalbun ac'o sutcun batel ta cosilal yo' bu oyic li cuts' calaltaque, xchi'uc laj aval ti lec chic'ot avu'une,

Bible in Tzotzil de Chamula

⁹ Ts'acal to un, xi lic c'opoj ti'inuque: “Cajval, Diosot yu'un ti jmuc'tot Abrahame, yu'un ti jtot Isaaque, laj avalbun ta xisut batel ta cosilal bu oyic ti cuts' calale. Laj avalbun ti xi to s'elan lec ta xc'ot ta pasel ta jtojole:

Génesis 32:9 Iomraidhean Croise

Génesis 17:7

Li c'usi ta jchapan ta atojole te chcom o ta stojol scotol li amomnich'nabtac ti ta to xtalique, ja' ti vu'un Diosun o avu'une, xchi'uc vu'un Diosun yu'unic ec li amomnich'nabtaque.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 31:13

Vu'un Diosun ti laj cac' jba ta ilel ta atojol ta Betel yo' bu laj amalbe aceite li jbej tone, xchi'uc ti oy c'usi laj aval ta jamal ta jtojole. Lican, batic. Loc'an batel li' yo' bu oyote. Sutan batel ta avosilal ti bu lavoq'ue’, xiyutun li Diose —xut yajniltac li Jacobe.

Génesis 31:29

Ti jechuc co'ntone xu' cu'un chajpasboxuc c'usi chopol acotolic. Pero li Dios yu'un atote la sc'opanun ta ac'ubaltic. Jech laj yalbun: ‘A'yo ava'ay, mu me xac'aq'uetuc xc'ot ac'opan li Jacobe’, xiyutun.

Génesis 31:3

Ja' yu'un li Muc'ul Diose jech laj yalbe li Jacobe: “Sutan batel ta yosilal atot ame' yo' bu oy li avuts' avalaltaque; vu'un chajchi'inot batel”, xut.

Génesis 31:42

Ti manchuc te oy ta jtojol li Dios yu'un Abrahame, ja' li Dios ti yich'oj ta muc' li jtot Isaaque, me jutuc mu'yuc c'usi laj avac'bun tal ti jechuque. Pero li Diose laj yil ti abul jbae xchi'uc ti c'u x'elan li'abteje, ja' yu'un la spajesot ta ac'ubaltic samel —xut.

Génesis 31:53

Li Dios yu'un amoltot Abraham xchi'uc li jmoltot Nacore, ac'o spas li c'usi lec tsc'an yo'nton ta jtojoltique —xi. Li Jacobe laj yal ta jamal ta stojol Dios ec ti ac'o jechuque, ja' li Dios ti yich'oj ta muc' li stote, ja' li Isaaque.

Génesis 32:8

Jech la snop: “Me tal stsac ta pleito Esaú li jvoq'ue, xu' ja' chjatovic batel ta anil li jvoq'ue”, xi la snop.

Génesis 49:25

Coliyal ti chascoltaot li Dios yu'un atote, ti chayac'bot bendición li Dios ti ech'em stsatsale. Ja' li bendición chlic tal ta toyole. Ja' li bendición chlic tal ta yutil nabe. Ja' li bendición ti chbol anich'nab xchi'uc ats'unub-avovole.

2 Crónicas 20:12

Dios cu'un, ¿me muc chavac'beic stoj smulic le'e? Yu'un li vu'uncutique mu xu' cu'uncutic ta jcontraincutic ti jech yepal cristianoetic le'e. Mu jna' c'usi ta jpascutic; ja' no'ox ta xcac' jbacutic o ta atojol”, xi la sc'opan Dios li Josafate.

2 Crónicas 20:6

Te lic sc'opan Dios, jech laj yal: “Muc'ul Dios, vo'ot Diosot yu'un li jmoltot jyame'cutic ta vo'onee. Vo'ot Diosot yu'un li vinajele, xchi'uc vo'ot chapas mantal ta stojol li ajvaliletic ta jujun banamile. Oy ta ac'ob li avu'el atsatsale; mu'yuc boch'o xu' chastsalot.

2 Crónicas 32:20

Li ajvalil Ezequías xchi'uc li j'alc'op Isaías xnich'on Amoze lic sc'opanic Muc'ul Dios, lic sc'anic coltael ta vinajel.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

Salmos 91:15

C'alal chisc'anbun vocole, ta jtac'be li sc'ope; c'alal oy ep svocole, te ta jchi'in o. Vu'un ta jcolta; ta xcac' ta ich'el ta muc'.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Jeremías 32:16

“C'alal laj xa'ox cac'be svunaltac osil li Baruc xnich'on Neriase, te lic jc'opan Dios:

1 Samuel 30:6

Li Davide ep laj yat yo'nton, yu'un laj ya'ay ti tsc'an xa ch-ac'bat ton yu'un li svinictaque yu'un abul sba cha'yic ti ichucbatic batel xnich'nabique. Li Davide ja' xa no'ox la xch'un ti chcoltaat yu'un li Muc'ul Dios yu'une.