Génesis 32:12 - Bible in Tzotzil de Chenalhó with Deuterocanon

¹² Vo'ot laj avalbun ta jamal ti lec chic'ot avu'une. Xchi'uc laj avalbun noxtoc ti ta to xbol ep jmomnich'nabtaque, ti ja' jech yepal chbatic jech chac c'u cha'al yi'tic ta ti'nab ti mu stac' atele”, xi la sc'opan Dios li Jacobe.

Bible in Tzotzil de Chamula

¹² Yu'un avalojbun ta jamal ti lec ta xc'ot ta pasel ta jtojole. Avalojbun xtoc ta x'epaj ti jnitilultac jech c'u cha'al syi'al nab ti mu stac' atele.”

Génesis 32:12 Iomraidhean Croise

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 32:6

C'alal isutic batel li j'almantaletic yu'une, jech c'ot yalbeic li Jacobe: —Ay xa jc'opancutic li abanquil Esaue. Ta xtal xa snupot stuc; xchi'inoj tal chanib ciento (400) viniquetic —xutic.

1 Reyes 4:20

Te ta Judá xchi'uc ta Israele mu xa stac' atel c'u yepalic, jech chac c'u cha'al yi' ta ti'nab. Xchi'uc oy lec sve'elic, oy lec c'usi chuch'ic jech xcuxet no'ox yo'ntonic.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Oseas 1:10

Pero ta to sta sc'ac'alil, li israeletique ja' jech yepal chbatic jech chac c'u cha'al yi' ta ti'nab ti mu stac' atel, ti mu stac' bisele. Li xq'uexol ti jech to'ox laj yich'ic albele: “Li vo'oxuque muc xa jteclumalucoxuc”, ti x'utatique, jech chlic albaticuc: “Vo'oxuc xnich'naboxuc cuxul Dios”, x'utatic.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

San Mateo 24:35

Li vinajel banamile ta xlaj, pero li c'usitic laj cale mu xlaj sc'oplal o.

2 Timoteo 2:13

Me mu junuc co'ntontic ta stojole, pero li stuque jun yo'nton o ta jtojoltic. Mu sna' sutes sc'op o.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

Hebreos 11:12

Jech ec li Abrahame ac'o me jun no'ox vinic, xchi'uc ac'o me xco'laj xa xchi'uc chamen ya'yel, pero jech to yepal ibol smomnich'nab jech chac c'u cha'al c'analetic, jech chac c'u cha'al yi' ta ti'nab ti mu stac' atele.

Hebreos 6:17

Ja' no'ox jech ec li Diose solel laj yac' lec ta ilel ti jbel sc'oplal chac' li c'usi yaloj ono'ox chac'be li boch'otic sc'oplal chac'bee. Jech lic yal ta jamal ta sventa sbi stuc noxtoc, yu'un jech chvinaj ti mu xlaj sc'oplal oe.

1 Samuel 15:29

Yu'un li Dios ti ja' slequilal israeletic c'oteme, mu sna' x'epalc'opoj, xchi'uc mu sutes sc'op. Mu ja'uc jech chac c'u cha'al jun vinic ti xloc' x'och no'ox xc'opoje —xut.