Génesis 3:4 - Bible in Tzotzil de Chenalhó with Deuterocanon

⁴ Pero li chone jech laj yalbe li antse: —Mu meleluc. Mu xachamic yu'un.

Bible in Tzotzil de Chamula

⁴ Ja'uc ti chone xi laj yalbe ti antse: —Mu meleluc, mu xachamic yu'un.

Génesis 3:4 Iomraidhean Croise

Génesis 3:13

Li Muc'ul Diose jech la sjac'be ec li antse: —¿C'u yu'un ti jech laj apase? —xut. Itac'ov li antse: —Ja' la slo'laun li chone jech la jlo' —xi.

Génesis 3:3

Ja' no'ox mu xu' ta jlo'becutic sat li jpets te' te ta o'lol ts'unubaltique. Laj yalbuncutic Dios ti mu xu' ta jlo'cutique, ti mu xu' ta jpicutique. Me jech ta jpascutique, ta xichamcutic —xi.

2 Reyes 1:16

jech c'ot yalbe: —Jech chayalbot li Muc'ul Diose: ‘¿Me yu'un mu'yuc Dios li' ta Israel ti ja' te laj atac batel j'almantaletic avu'un ta stojol Baal-zebub, ja' li dios ta Ecrone? Ta sventa ti jech laj apase, mu'yuc xa chacol, te chacham o’, xayutot li Muc'ul Diose —xut.

2 Reyes 1:4

A'yo ava'ay, jech chalbe Ocozías li Muc'ul Diose: Mu'yuc bu chatots o ta avayab ti bu mocholote; ta persa chacham’, uto”, x'utat li Eliase. Jech ibat li Eliase.

2 Reyes 1:6

Itac'ovic: —Yu'un la jnupcutic ta be jun vinic, jech laj yalbuncutic: ‘Sutanic batel ta stojol li ajvalil ti la stacoxuc tale, jech xc'ot avalbeic: Jech yaloj li Muc'ul Diose: ¿Me yu'un mu'yuc Dios te ta Israel ti ja' te chbat ajaq'uic ta stojol li Baal-zebub, sdiosic ta Ecrone? Ta sventa ti jech chapase, mu'yuc xa chacol; mu'yuc xa chatots o ta avayab. Ta persa chacham, uto’, xiyutuncutic —xiic.

2 Reyes 8:10

Itac'ov li Eliseoe: —Bat albo ya'ay ti ta to xcole, ac'o me yalojbun xa Muc'ul Dios ti ta ono'ox xchame —xut.

2 Crónicas 18:21

Itac'ov: “Chiloc' batel; vu'un ta xbat cac'be epalc'op ta yeic li j'alc'opetic yu'un ajvalil Acabe”, xi. Li Muc'ul Diose jech laj yal: “Lec oy, bat paso cha'e; lec xu' avu'un”, xut.

Salmos 10:11

Tscuyic ti te no'ox chch'ay ta yo'nton li Diose; tscuyic ti mu xa xil oe.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

2 Corintios 11:3

Ja' chixi' me chalo'laatic jech chac c'u cha'al ilo'laat yu'un chon li Evae, yu'un toj bij c'u x'elan ilo'lavan li chone. Jech chlic yanijuc avo'ntonic, mu xa junuc avo'ntonic ta stojol li Cristoe.

2 Corintios 2:11

Yu'un jech mu xcac'betic spas canal ta jtojoltic li banquilal pucuje, yu'un jna'ojtic xa li c'usi oy ta yo'nton tspase.

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

1 Timoteo 2:14

Xchi'uc mu ja'uc ilaj ta lo'lael li Adane; ja' ants ti ilaj ta lo'laele. Ta sventa ti ilaj ta lo'laele, jech te la sta o smul.