Génesis 3:23 - Bible in Tzotzil de Chenalhó with Deuterocanon

²³ Ja' yu'un li Muc'ul Diose la sloq'ues batel ta ts'unubaltic Edén li vinique. Lic yac' abtejuc ta banamil ti bu ono'ox ilic tal sbec'tale.

Bible in Tzotzil de Chamula

²³ Jech o xal ti Dios ti ja' Ajvalile laj sloq'ues batel ti vinic ti ta ts'unubal ti ja' Eden sbie, bat yac' abtejuc ta banomil ti bu lic ayanuc talele.

Génesis 3:23 Iomraidhean Croise

Génesis 2:5

mu'yuc to'ox ch'iemic li te'etique xchi'uc mu'yuc to'ox chjavan tal li ts'i'laletique. Yu'un li Muc'ul Diose mu'yuc to laj yac' taluc vo' ta banamil, xchi'uc mu'yuc to'ox boch'o chabtelan li banamile.

Génesis 2:7

Ja' yu'un li Muc'ul Diose lic smeltsan ta ts'u'ilum li vinique. La xjuch'tabe sni', jech lic ayinuc xch'ulel, lic yich' ic'. Ja' jech lic cuxiuc o li vinique.

Génesis 2:8

Ts'acal to li Muc'ul Diose la sts'un jsep ts'unubaltic ta sloq'ueb c'ac'al, Edén sbi. Ja' te laj yac' li vinic ti la spase.

Génesis 3:19

Ep chachiq'uinaj c'alal chata ave'el. Ja' to chlaj avocol c'alal me lapas ta lum yan veltae. Yu'un ta lum ono'ox pasbilot, jech chac'ataj ta lum yan velta noxtoc —x'utat.

Génesis 3:22

Jech laj yal: “Li' ta orae ja' xa jech ic'ot jech c'u cha'al vu'utic li vinique, yu'un laj xa sna' c'usi lec xchi'uc c'usi chopol. Mu xa xu' chbat stul yan velta li sat te' sventa cuxlejale yu'un me la slo'e, jech xu' chcuxi o sbatel osil”, xi li Muc'ul Diose.

Génesis 3:24

C'alal laj xa'ox sloq'ues batel li vinique, la stac tal querubinetic te ta ts'unubaltic ta sloq'ueb c'ac'al, xchi'uc jun espada xpulpun no'ox, yu'un ja' tsjoyibta ta jujujot sventa mu me boch'o xbat yo' bu oy li jpets te' sventa cuxlejale.

Génesis 4:12

Ac'o me cha'abtej ta banamil, pero mu'yuc ta xac' sat li c'usitic chats'une. Jech noxtoc jcotcovil chabat o. Mu'yuc bu chata ti xu' chacux avo'ntone —x'utat.

Génesis 4:2

Ts'acal ivoc' noxtoc li Abele, ja' li yits'in Caine. Li Abele ja' yabtel ta sts'un chij. Yan li Caine ja' yabtel tsts'un c'usitic chloc' ta banamil.

Génesis 9:20

Li Noee lic abtejuc ta banamil; lic sts'un ts'usubtic yu'un.

Eclesiastés 5:9

Jech noxtoc, sc'oplal jcotoltic chtun cu'untic li c'usitic chloc' li' ta banamile, pero li ajvalile ja' ta xich' scotol.