Génesis 3:19 - Bible in Tzotzil de Chenalhó with Deuterocanon

¹⁹ Ep chachiq'uinaj c'alal chata ave'el. Ja' to chlaj avocol c'alal me lapas ta lum yan veltae. Yu'un ta lum ono'ox pasbilot, jech chac'ataj ta lum yan velta noxtoc —x'utat.

Bible in Tzotzil de Chamula

¹⁹ Ta achic', ta ava'lel, ta xata ti ave'ele ja' to ti mi lajoybij ta lum ta ach'el ti laj avich' meltsanele. Yu'un ta banomil lalic talel. Ta banomil ono'ox ta xajoybij batel.

Génesis 3:19 Iomraidhean Croise

Génesis 18:27

Li Abrahame jech laj yal yan velta: —Cajval cu'un, mu me chopoluc xava'ay ti li' no'ox xivulvun ta atojole. Li vu'une cristianoun no'ox. Pasbilun no'ox ta ts'u'ilum.

Génesis 2:7

Ja' yu'un li Muc'ul Diose lic smeltsan ta ts'u'ilum li vinique. La xjuch'tabe sni', jech lic ayinuc xch'ulel, lic yich' ic'. Ja' jech lic cuxiuc o li vinique.

Génesis 23:4

Jech c'ot yalbe: —Ac'o me yanlum vinicun ti li' nacalun ta atojolique, chonbicun jutebuc osil sventa te chbat jmuc li cajnile —xut.

Génesis 3:18

Li' ta banamile ta xch'i ep ta chop ch'ixetic. Jech noxtoc ta xlic alo' te'tical itajetic ti stac' lo'ele.

Génesis 5:5

Ti c'u yepal jabil icuxi ta scotol li Adane ja' baluneb ciento xchi'uc lajuneb xcha'vinic (930) jabil ta scotol. C'alal jech yepal sjabilale, icham.

Job 1:21

jech laj yal: —T'analun ono'ox c'alal livoc' yu'un li jme'e, jech t'analun chisut batel noxtoc. Muc'ul Dios laj yac'bun scotol; Muc'ul Dios la spojbun sutel noxtoc. Ich'biluc ta muc' sbi li Muc'ul Diose —xi.

Job 10:9

Na'o me ti ta lum laj apasune; ¿me yu'un chac'an chac'atajesun ta lum yan velta?

Job 19:26

Ac'o me biq'uitic chlilijan yalel li jnuculile, pero ta to xquil ta jsat xchi'uc jbec'tal li Diose.

Job 21:26

Pero co'ol ono'ox chyalic batel ta ch'en; co'ol chlajic ta xuvit scotolic.

Job 34:15

ta ora chchamic scotolic; chc'atajic ta pucuc yan velta.

Job 4:19

¡Buuc xa li boch'o pasbilic ta lum ta ach'el jech chac c'u cha'al na pasbil ta ach'el, ti vuchul ta ba pucuctique, ti c'unic ta voch'el jech chac c'u cha'al c'usi ochem xjoch'e!

Salmos 103:14

Yu'un sna'oj ti c'u x'elan pasbilutique; sna' ti lum ach'elutic no'oxe.

Salmos 104:23

Ja'o chloq'uic batel ta abtel ec li cristianoetique; te ch-abtejic o c'alal to ta mal c'ac'al.

Salmos 104:29

C'alal me chanac' asat ta stojolique, ta xlic xi'icuc; me chapojbe li ic' chich'ique, ta xchamic, ta xc'atajic ta lum yan velta.

Salmos 127:2

Altic chac' svocolic ti sob chliquic ta abtele, ti ta mal to c'ac'al chcux yo'ntonique, ti vocol xa tstaic jun vaj sve'ique. Li boch'otic lec c'anbilic yu'un Diose jun yo'nton chvayic.

Salmos 22:15

Li jtsatsale itaquij xa jech chac c'u cha'al ti'bin; li coq'ue la spac' xa sba ta jpac'o. Ta xa xicham avu'un chca'ay.

Salmos 22:29

Ja' yu'un scotol li boch'o tsnop ti lec xu' yu'unique ac'o yich'ic ta muc' li Muc'ul Diose; li cristianoetic ti ta ono'ox xc'atajic ta pucuque ac'o squejan sbaic ta stojol, yu'un mu xu' yu'un chcuxiic ta stuquic no'ox.

Salmos 90:3

Vo'ot chavac' c'atajuc ta pucuc yan velta li cristianoetic ti c'alal jech chavale: “Cristianoetic, xu' xa chac'atajic ta pucuc”, ti c'alal xachie.

Proverbios 21:16

Li boch'o ta scomtsan spasel c'usi leque ja' xchi'il chc'ot li boch'otic chamenique.

Eclesiastés 1:13

Solel la jloq'ues co'nton ta sjaq'uel, ta xchanel ta scotol jbijil ti stac' pasel, ti stac' chanel li' ta sba banamile. Li Diose toj ep c'usi yac'oj xu' tspas li cristianoetique yu'un jech te ac'o suj sbaic o ta abtel.

Eclesiastés 1:3

¿C'usi lec tsta li boch'o smiloj no'ox sba ta abtel li' ta banamile?

Eclesiastés 12:7

Li pucuque ta sut batel ta banamil yan velta ti bu ono'ox ilic tale; li ch'ulelale ta sut batel ta stojol Dios, yu'un ja' ono'ox laj yac'.

Eclesiastés 3:20

Jun no'ox yavilic ti bu chbat scotolique, yu'un co'ol pasbilic ta lum, jech scotolic chc'atajic ta lum yan velta.

Eclesiastés 5:15

Jech chac c'u cha'al t'anal ono'ox ivoq'ue, ja' jech t'anal ta sut batel noxtoc; mu'yuc ta xich' batel jutuc ti c'u yepal i'abteje.

Daniel 12:2

Ta xich'ic tijel liquel li boch'otic vayemic ta yut banamile. Oy jayibuc sventa ta xcuxiic sbatel osil; li yantique ja' sventa chbat yich'ic q'uexlal xchi'uc vocol ta sbatel osil.

1 Corintios 15:47

Yu'un li sba vinique ja' sventa no'ox banamil, yu'un pasbil ta lum. Yan li xchibal vinique liquem tal ta vinajel.

Efesios 4:28

Li boch'o ch-elc'aje, mu xa me x'elc'aj. Ac'o abtejuc, ac'o stunes ta spasel lequil abtel li sc'obe, yu'un jech xu' chlic scolta li boch'otic abul sbaique.

1 Tesalonicenses 2:9

Quermanotac, xana'ic lec c'u x'elan tsots li'abtejcutic, xchi'uc c'u x'elan lubel laj ca'icutic ta sventa ti laj cac'cutic persa c'alal te oyuncutic ta atojolique. Laj avilic ti ta c'ac'al ta ac'ubal tsots li'abtejcutic sventa chicuxicutique, yu'un jech muc xcac'cutic avocolic ti c'alal te la jcholcutic ava'yic li Lequil A'yej yu'un Diose.

2 Tesalonicenses 3:10

C'alal te oyuncutique, jech laj calcutic comel ava'yic: “Li boch'otic mu x'abteje, ja' lec mu me xve'”, xichicutic.

Hebreos 9:27

Ja' jech chac c'u cha'al ti jun no'ox velta chcham scotol li cristianoetique, ts'acal to ja' xa no'ox chtal chapanel;