Génesis 3:16 - Bible in Tzotzil de Chenalhó with Deuterocanon

¹⁶ Jech laj yalbe ec li antse: —Chaquepajesbot xc'uxul ti c'alal cha'alaje. Ep c'ux chava'ay ti c'alal ta xvoc' avalabe, pero chcuch avu'un, yu'un ja' lec chava'ay ti chachi'in amalale, jech ja' ta spasot o ta mantal —xut.

Bible in Tzotzil de Chamula

¹⁶ Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Génesis 3:16 Iomraidhean Croise

Génesis 4:7

Me chajel li c'usi chanope, mu xastsalot li sc'ac'al avo'ntone. Pero me mu xajele, li mulile te xa smalaojot yu'un ac'o xastsalot. Pero vo'ot xu' chatsal ti me chac'ane”, x'utat.

1 Crónicas 4:9

Li Jabese ipuc lec sc'oplal ta scotol li xchi'iltac ta voq'uele. Ja' yu'un li me'ile Jabes laj yac'be sbi, jech laj yal: “Toj ep c'ux laj ca'ay c'alal la jvoq'ues”, xi.

Ester 1:20

Li c'usi la jchapantic li'i ac'o yich' puquel ta scotol ti bu c'alal aventainoje. Jech xu' chlic yich' ta muc' smalalic scotol li antsetique —xut.

Salmos 48:6

Iventainatic o yu'un li xi'ele; xbaletic xa ta xc'uxul ya'yel jech chac c'u cha'al jun ants ti ta xa xcuxe.

Isaías 13:8

Chnoj ta xi'el li yo'ntonique; puru vocol, puru at-o'nton chajvalinic o; cha'ibeic lec xc'uxul vocol jech chac c'u cha'al jun ants c'alal yorail xa chcuxe. Chch'ay yo'ntonic ta jujuntal ti c'alal chil sbaique; li sat yelovique xjumlajet ta c'oc' cha'yic.

Isaías 21:3

C'alal chquile, ta xnic li jbec'tale; ta xca'ibe xc'uxul ta scotol jbec'tal, jech chac c'u cha'al jun ants ti cha'ibe xc'uxul c'alal ta xa xcuxe. Ta xi'alub yu'un li c'usi chca'ye; ta xbat jch'ulel yu'un li c'usi chquile.

Isaías 53:11

Ta to xlic yil c'u yepal tsatin li vocol la sts'ique; toj xcuxet no'ox yo'nton ti c'alal chile. Ta sventa li tuq'uil Yajtunel Diose ep boch'otic mu'yuc smul chc'otic, yu'un la xcuchbe scotol li xchopolilique.

Jeremías 13:21

“Jerusalén, ¿c'usi chapas me ta xlic sventainot li cristianoetic ti vo'ot atuc laj anopes ti lec xa chavil aba achi'uque? ¿Me mu'yuc ta xlic avocol jech chac c'u cha'al jun ants ti c'alal yorail xa chcuxe?

Jeremías 22:23

Li' ta orae jun avo'nton laj apas atas ta ch'ut te'etic liquem tal ta Líbano. Pero c'alal chtal avocole, ta to xa'ajquinaj jech chac c'u cha'al jun ants ti yorail xa chcuxe”, xi li Muc'ul Diose.

Jeremías 4:31

Yu'un ta xca'ay oy boch'o x'ayet jech chac c'u cha'al jun ants c'alal chcux ti ja' sba yol toe; ja' snuq'uic li yajval Sione, tsots ch-avanic, ch-oq'uic; xbechoj sc'obic, jech chalic: ‘¡Ay, toj abul jba, chi'alub xa ta xi'el ta scoj ti chismilicun li jmilvanejetique!’, xiic.

Jeremías 49:24

Li Damascoe mu'yuc xa stsatsal yo'nton, ta xa xjatov batel. Ta xa xnic ta xi'el, chat xa yo'nton; toj ep xa svocol cha'ay, jech chac c'u cha'al jun ants ti yu'un xa chcuxe.

Jeremías 6:24

Li cristianoetic ta Jerusalene jech chalic: “Laj xa ca'ibetic sc'oplal, jech chij'alub xa ta scoj xi'el. Toj tsots at-o'nton xchi'uc c'ux vocol chca'itic jech chac c'u cha'al jun ants ti ta xa xcuxe.

Números 30:13

“Li malalile xu' yu'un chal ti persa ac'o spase. Xu' yu'un tslajesbe sc'oplal noxtoc c'usi yaloj ta stojol Dios li yajnile yu'un tsc'an ictaej ixim ta sventa li c'usi yaloje.

San Juan 16:21

Jech chac c'u cha'al c'alal ta xcux jun antse, oy svocol yu'un yorail xa chcux. Pero c'alal me voq'uem xa li yole, mu xa sna' li svocole, yu'un xcuxet xa yo'nton ti oy xa yunin quereme.

1 Corintios 11:3

Pero ta jc'an chana'ic noxtoc, scotol li viniquetique ja' sjolic li Cristoe. Li antsetique ja' sjolic li viniquetique. Li Cristoe ja' sjol li Diose.

1 Corintios 14:34

Li antsetic avu'unique mu me xvocheticuc ti c'alal ta stsob sbaic li jch'unolajeletique. Yu'un li antsetique mu smeloluc chlo'ilajic ta stojol jch'unolajeletic. Ac'o no'ox xch'unic c'usi ch-albatic jech chac c'u cha'al chal li mantale.

1 Corintios 7:4

Li antse muc xa yu'unuc stuc li sbec'tale; ja' xa yu'un li smalale. Ja' no'ox jech ec li vinique muc xa yu'unuc stuc li sbec'tale; ja' xa yu'un ec li yajnile.

Colosenses 3:18

Antsetic, ich'o ta muc' li amalalique, yu'un ja' jech tsc'an chapasic ta stojol li Cajvaltique.

1 Tesalonicenses 5:3

C'alal jech chal li cristianoetique: “Jun co'ntontic, mu'yuc c'usi xi'bal sba”, me xiique, ja'o ta ora no'ox chvul ta loq'uel tsots vocol ta stojolic. Ja' jech chac c'u cha'al jun ants ti ta ora no'ox chlic xa'ay c'alal oy xch'ute. Me junuc mu'yuc boch'o xu' chjatov.

1 Timoteo 2:13

Yu'un ja' ba'yuc ipasat yu'un Dios li Adane; ja' ts'acal ipasat li Evae.

1 Timoteo 2:15

Pero ta xcoltaatic ta sventa me tspas sbaic lec ta me'ile, me jun yo'nton j'ech'el xch'unojic oe, me chc'anvanique, xchi'uc me chac' sbaic ta ventainel yu'un Diose.

SUN TITO 2:5

ti ac'o sq'uel sbaic leque, ti ja' ac'o spasic c'usi leque, ti ac'o sq'uel lec yut snaique, ti ac'o oyuc slequil yo'ntonique, xchi'uc ti ac'o xch'unbeic smantal smalalique, yu'un jech mu xchopolc'optaat yu'unic li sc'op Diose.