Génesis 3:15 - Bible in Tzotzil de Chenalhó with Deuterocanon

¹⁵ Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Bible in Tzotzil de Chamula

¹⁵ Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Génesis 3:15 Iomraidhean Croise

Génesis 49:17

Vo'ote Dan, ja' co'olot achi'uc jcot orachon ti te xotol ta ti'bee, ti te tsti'be xchac yacan li ca'etique, ti te chbajic o li boch'otic cajajtique.

Salmos 132:11

Li Muc'ul Diose oy c'usi jamal laj yalbe li Davide; le'e mu xlaj sc'oplal o, jech laj yalbe: “Ja' ta xcac' chotiuc o ta achotleb sventa ajvalilal li amomnich'nabe.

Isaías 53:12

Ja' yu'un li Diose ta xac' ich'atuc lec ta muc' jech chac c'u cha'al li boch'o tspas canal ta pleitoe, ti oy c'usi ep tspojbe li boch'otic tsots svu'elique. Yu'un laj yac' ta milel sbec'tal; laj yich' co'oltsanel jech chac c'u cha'al jpasmuliletic. Jech ep boch'otic la xcuchbe smulic, xchi'uc ja' chc'opoj ta stojol Dios ta sventa li jpasmuliletique.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

Jeremías 31:22

¿Baq'uin to chacomtsan ti buyuc no'ox xaloc' xa'ech' jech chac c'u cha'al jun tseb ti buyuc no'ox xloc' x'ech'e? Yu'un li Muc'ul Diose oy c'usi ach' tsliques ta aventa li' ta avosilal ti mu'yuc bu jech xquiltique: jech chac c'u cha'al jun ants ti tsjoy smalale”, xi.

Daniel 9:26

C'alal me i'ech' xa'ox li chib xchanvinic (62) xemunae, ta xlic smilic li Boch'o t'ujbil yu'un Diose. Li Jerusalén xchi'uc ch'ulnae ta xtal sjines jun ajvalil xchi'uc svinictac. Li slajebale ja' jech chc'ot ta pasel jech chac c'u cha'al pulel ta vo'; li milel chamesele mu xlaj sc'oplal o. Jech tspasic o batel c'alal to ta slajebal, jech chac c'u cha'al chapanbil sc'oplale.

Amós 9:3

Me chbat snac' sbaic ta sjol li vits Carmeloe, te chbat jt'unic tal; ac'o me tsnac' sbaic ta jtojol ta yutil nab, te ta jtac batel jti'val chon yu'un ac'o ti'aticuc.

Miqueas 5:3

Li' ta orae li Diose yictaoj comel li yu'untaque, pero ja' no'ox ti c'u sjalil sc'an xvoc' yol li ants ti sc'oplal tsvoq'ues jun olole. Jech chlic stsob sbaic tal yo' bu comen xchi'iltaquic li israeletic ti chucbilic batel ta yan banamile.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

San Mateo 1:25

Pero mu'yuc to la xchi'in, ja' to c'alal ivoc' li yole. Li olole Jesús laj yac'be sbi.

San Mateo 12:34

¡Ja' achi'ilic orachon! ¿C'u x'elan xu' lec chac'opojic ti chopoloxuc ono'oxe? Yu'un li c'usi oy ta avo'ntonique ja' jech chloc' ta aveic.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Mateo 23:33

“¡Jti'valchonetic, sts'unubal orachonetic! ¿Me chanopic ti mu'yuc ono'ox chbat atoj amulic ta tojob mulile?

San Mateo 3:7

C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

Marcos 16:18

ac'o me ta stsac ta sc'obic jti'valchonetic, ac'o me oy ta x'ac'bat yuch'ic li c'usi chmilvane, pero mu'yuc c'usi ta spasbatic; ta xac' sc'obic ta sbec'tal jchameletic, ta xcol yu'unic”, x'utatic yu'un li Jesuse.

San Lucas 1:76

Li vo'ote, cunin querem, vo'ot yaj'alc'opot Dios ta vinajel chac'ot, yu'un ba'yuc latal yu'un li Cajvaltique, tal achapanbe li sbee.

San Lucas 10:19

A'yo ava'yic, laj xa cac'boxuc avu'elic sventa chapech'ic ta teq'uel jti'val chonetic xchi'uc stsequetic, xchi'uc scotol cajcontratic ti toj tsots svu'elique. Me jutuc mu'yuc c'usi xu' yu'un chaspasboxuc.

San Lucas 22:53

Jujun c'ac'al te oyun ta atojolic ta yamaq'uil ch'ulna, muc xatsaquicun. Pero li' ta orae ic'ot xa sc'ac'alil avu'unic, xchi'uc ic'ot xa sc'ac'alil yu'un li yajval ic'al osile —xut.

San Lucas 24:27

Jech lic yac'be sna'ic scotol li sc'oplal ts'ibabil comele. La sliques ta svun Moisés c'alal to ta svunic li yantic yaj'alc'optac Diose. Laj yalbe smelol scotol ti butic ts'ibabil sc'oplale.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Hechos 13:10

jech laj yalbe: —Li vo'ote, bats'i jlo'lavanejot, toj chopolot, xnich'onot pucuj. Ja' contra chavil li c'usi leque. Mu xacomtsan o soquesel li tuq'uil be yu'un Cajvaltique.

Romanos 16:20

Li Dios ti chac' jun co'ntontique ja' ta xpech'boxuc ta teq'uel li banquilal pucuje, chayac'boxuc ta yolon avacanic. Ac'o xc'uxubinoxuc o acotolic li Cajvaltic Jesucristoe.

Romanos 3:13

Li snuq'uique xco'laj xchi'uc muquinaltic ti jamal sti'e. Li yoq'uique ja' chtun yu'unic sventa chlo'lavanic. Oy veneno ta yeic jech chac c'u cha'al orachon.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Efesios 4:8

Yu'un jech ts'ibabil ta sc'op Dios: “Imuy batel ta toyol, la xchuc muyel scotol li boch'otic la stsale, laj yac'be tal smoton li cristianoetique”, xi ts'ibabil.

Colosenses 2:15

La slajesbe stsatsalic noxtoc li pucujetic ti tsots tspasic mantale, ti tsots svu'elique. Laj yac' ta q'uexlal ta satilal; pech'bil ta teq'uel icom o yu'un ti c'alal icham ta cruz li Cristoe.

Hebreos 2:18

Ta sventa ti laj ya'ay lec ta sbec'tal stuc li prevae, jech xu' yu'un tscolta ta sventa svu'el li boch'otic jech chtal preva ta stojolic eq'ue.

Hebreos 5:7

C'alal ja'o yorail yich'oj sbec'tal li Cristoe, ep la sc'an vocol; ta ya'lel sat xvocolet ta stojol li Dios ti ja' xu' yu'un chiscoltautic ta sventa lajele. I'aybat sc'op ta sventa ti jun yo'nton laj yich' ta muc' li Diose.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:8

Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

1 Juan 5:5

Li boch'o ta xch'un ti ja' Xnich'on Dios li Jesuse, tstsal yu'un li c'usitic sventa banamile.

Apocalipsis 12:17

Ja' yu'un li dragone bats'i tsots i'ilin ta stojol li antse, jech bat spas pleito xchi'uc li yantic yalabtaque. Ja' li boch'otic xch'unojbeic smantaltac Diose xchi'uc ti jamal chalic ti xch'unojic li Jesucristoe.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 20:10

Ja' no'ox jech ec li banquilal pucuj ti la slo'la scotol cristianoetique, ijipat ochel ta muc'ta c'oc' tsanbil ta azufre, ja' te yo' bu jipbilic ochel li ba'yuc jti'vanej bolome xchi'uc li jlo'lavanej j'alc'op yu'une. Jech ta c'ac'al ta ac'ubal te chich'ic o vocol sbatel osil.