Génesis 3:10 - Bible in Tzotzil de Chenalhó with Deuterocanon

¹⁰ Itac'ov li vinique: —Laj ca'ay ti te chaxanov tal ta yolon ts'unubaltique jech lixi' yu'un t'analun, jech la jnac' jba —xi.

Bible in Tzotzil de Chamula

¹⁰ Xi laj stac' ti vinique: —Laj ca'i ti tey ta xaxanav ta ts'unubaltique. Lixi', yu'un t'analun. Jech o xal laj jnac' jba.

Génesis 3:10 Iomraidhean Croise

Génesis 2:25

Li vinic xchi'uc yajnile t'anal xchibalic, pero muc xq'uexovic.

Génesis 3:11

Li Diose jech la sjac'be: —¿Boch'o laj yalbot ti t'analote? ¿Me yu'un laj alo'be sat li te' ti laj calbot mu me xalo'e? —xut.

Génesis 3:7

Jech ta ora ijam satic, laj yil sbaic ti t'analique. Jech lic sts'isic yanal higo te'; ja' la smac sbaic o.

Job 23:15

Ja' yu'un li vu'une chixi' yu'un; c'alal ta jnope, chinic ta xi'el yu'un.

Job 31:33

Mu yu'unuc ta jnac' jmul jech chac c'u cha'al tspasic li yantique. Mu'yuc ta jmuc ta co'nton c'usi chopol jpasoj

Salmos 119:120

Li jbec'tale ta xnic ta xi'el ta atojol, jech ta xquich' lec ta muc' li mantaletic avu'une.

Éxodo 20:18

Li israeletique laj yil, xchi'uc laj ya'ay stuquic ti tsots ibac' chauque, xchi'uc li sacsevule, xchi'uc ti tsots i'oc' oq'uese, xchi'uc ti macal ta ch'ayil li vitse. Pero ixi'ic ta jyalel; nom bat sva'anan sbaic.

Éxodo 20:19

Jech laj yalbeic li Moisese: —Vo'ot no'ox xac'opanuncutic, ta jch'uncutic li c'usi chavale. Mu xa me xisc'opanuncutic li Diose yu'un naca me lichamcutic —xutic.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 32:25

C'alal laj yil Moisés ti ja' xa te batem o yo'ntonic yu'un mulil li israeletic ta scoj ti te no'ox sq'ueloj ec li Aarone, xchi'uc ti chac' sbaic ta labanel yu'un li yajcontraique,

Isaías 33:14

Li jpasmuliletic te ta Sione ta xniquic; li boch'otic chopolique ep xi'el cha'yic, jech chalic: “¿Boch'o xu' yu'un chnaqui te ta c'oc' ti chijc'ac' yu'une? ¿Boch'o xcuch yu'un li natiquil yat c'oc' sbatel osile?”, xiic.

Isaías 47:3

Ac'o vinajuc ti bu toj q'uexlal sbae; ac'o yilic li c'usi nac'al avu'une. Vu'un ta jpacbot sutel li c'usi laj apase, mu'yuc boch'o xu' chispajesun ac'o me oy boch'o xvocolet ta jtojol”, xi li Diose.

Isaías 57:11

“¿C'usi svu'el li yantic diosetic ti ja' laj avich' ta muc', ti laj aquejan aba ta stojole? Vu'un xa muc xavich'un o ta muc'; mu junuc avo'nton ta jtojol. ¿Me ja' yu'un ti te no'ox ch'anxichi, ti mu'yuc c'usi laj cal ta vo'one ti jech mu xavich'un ta muq'ue?

Deuteronomio 5:25

Pero ac'o me jech laj quiltic, ¿c'u yu'un ti li' no'ox ta jc'antic chijchamutic ta scoj li c'oc' ti toj xi'bal sbae? Yu'un me tal to sc'opanutic yan velta li Muc'ul Dios cu'untique, xu' chijchamutic.

1 Juan 3:20

Ac'o me oy chal co'ntontic ti oy jmultique, pero li Diose yiloj c'usi oy ta co'ntontic, sna'oj scotol.

Apocalipsis 16:15

Pero li Cajvaltique jech chal: “A'yo ava'yic, li vu'une ja' jech chital jech chac c'u cha'al j'elec'. Xcuxet no'ox yo'nton li boch'o viq'uil sate, ti sq'ueloj, ti stuc'ulanoj lec li sc'u'e, ti muc t'analuc chanove, ti mu xac' sba ta q'uexlale”, xi.