Génesis 3:1 - Bible in Tzotzil de Chenalhó with Deuterocanon

¹ Li quiletel chon ta vo'onee ja' no'ox stuc toj manya c'usi tspas xchi'uc sbijil ta scotol yantic chonbolometic ti pasbil yu'un Muc'ul Diose. Ja' yu'un jech la sjac'be li antse: —¿Me ta melel laj yalboxuc Muc'ul Dios mu xu' chalo'beic sat jpetsuc li te'etic li' ta ts'unubaltique? —xi.

Bible in Tzotzil de Chamula

¹ Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

Génesis 3:1 Iomraidhean Croise

Eclesiastés 4:10

Me oy boch'o chyal ta lum junucale xu' ja' chtoyvan liquel li june. Pero me chyal ta lum li boch'o stuc no'oxe, toj abul sba, yu'un mu'yuc boch'o chtoyunuc liquel.

Isaías 27:1

Li Muc'ul Diose ja'o yorail chac'be svocol li Leviatane,, ja' li chon ti xquilet chanov ta anile, ti xotoj sba ta banamile. Ja' ta smil o ta yespada ti toj xi'bal sbae, ti toj muq'ue, xchi'uc ti toj tsotse. Ta smil noxtoc li dragón te oy ta nabe.

San Mateo 10:16

“A'yo ava'yic, vu'un ta jtacoxuc batel jech chac c'u cha'al chijetic ta stojol oq'uiletic, ja' yu'un bijanic me jech chac c'u cha'al orachon ti lec bije. Jech noxtoc muc'uc me avo'ntonic jech chac c'u cha'al stsumut.

San Mateo 4:3

Te ital li pucuje, jech laj yalbe li Jesuse: —Me vo'ot Xnich'onot Diose, albo li tonetic li'i, ac'o c'atajuc ta vaj —xut.

San Mateo 4:6

Jech laj yalbe: —Me vo'ot Xnich'onot Diose, jipo aba yalel li'i. Yu'un jech ts'ibabil ta sc'op Dios: ‘Ja' ta stacbot tal yaj'almantaltac, ja' chaxchabiot. Ja' chastsaquicot batel ta sc'obic, yu'un jech mu xabosi avacan ta ton’, xi ts'ibabil —xut.

San Mateo 4:9

Jech laj yalbe: —Scotol le'e, vo'ot chacac'bot scotol me chaquejan aba ta jtojole, me chavich'un ta muq'ue —xut.

2 Corintios 11:14

Mu me xch'ay avo'ntonic yu'un. Yu'un li banquilal pucuje toj lec sna' sc'atajes sba ec; xco'laj xa xchi'uc yaj'almantal Dios tscuy sba.

2 Corintios 11:3

Ja' chixi' me chalo'laatic jech chac c'u cha'al ilo'laat yu'un chon li Evae, yu'un toj bij c'u x'elan ilo'lavan li chone. Jech chlic yanijuc avo'ntonic, mu xa junuc avo'ntonic ta stojol li Cristoe.

1 Pedro 3:7

Ja' no'ox jech ec li vo'oxuque viniquetic, nopic me c'u x'elan lec jun avo'nton achi'uc li avajnilique. C'ux me xava'yic, ich'ic me ta muc'. Na'ic me ti ja' c'unic li stuquique xchi'uc ti co'ol ic'biloxuc yu'un Dios xu' chavich'ic li cuxlejal ti mu sna' xlaje. Me jech chapasique, mu'yuc macal chc'ot ta be ac'opic ti c'alal chac'opanic Diose.

Apocalipsis 12:15

Ja' yu'un li chone lic sloq'ues ep vo' ta ye jech chac c'u cha'al uc'um, yu'un ac'o cuchatuc batel li antse.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 20:2

Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.