Génesis 27:2 - Bible in Tzotzil de Chenalhó with Deuterocanon

² Li Isaaque jech laj yal: —Li vu'une molun xa, mu jna' baq'uin xa chicham.

Bible in Tzotzil de Chamula

² Xi laj yal ti Isaaque: —Aviloj ti toj molun xae. Ti oc'om cha'eje, xu' nan xicham.

Génesis 27:2 Iomraidhean Croise

Génesis 27:3

Ja' yu'un ta jc'an chabat ta te'tic. Ich'o batel li aflechae; bat milo tal ti'bol jti'.

Génesis 47:29

Ta yan c'ac'al, li Israele laj ya'ay ti ja' xa yorail ta xchame, jech la stac ta iq'uel li xnich'on Josee. Jech laj yalbe: —Me ta melel ti c'uxun ta avo'ntone, ac'o ac'ob li' ta yolon co'e. Alo ta jamal ta stojol Dios me chapas li c'usi chacalbote. Avocoluc mu me xamucun li' ta Egipto.

Génesis 48:21

Li Israele jech laj yalbe noxtoc li Josee: —A'yo ava'ay, li vu'une po'ot xa chicham. Pero li Diose li' ono'ox oy ta atojolic. Ta to sta yorail chayic'oxuc sutel te ta yosilalic li jmoltot jyame'tic ta vo'onee.

Proverbios 27:1

Mu me xanop ti oy c'usi lec xu' chapas ta yoc'omale, yu'un mu xana' c'usi yich'oj tal li jun c'ac'al oc'ome.

Eclesiastés 9:10

Scotol li c'usitic cha'ac'bat aventain spasele paso me ti bu c'alal xatabe yipal spasele, yu'un c'alal me labat ta yavil animaetique, mu'yuc xa abtel, mu'yuc c'usi stac' pasel, mu'yuc xa c'usi jna'tic, mu'yuc xa bijubtasel.

Isaías 38:1

Ta yorail le'e ja'o itsacat ta tsatsal chamel li Ezequiase. Jech te ibat vu'lanatuc yu'un li j'alc'op Isaías xnich'on Amoze. Jech c'ot yalbe: —Jech chayalbot li Muc'ul Diose: ‘Taq'uio comel li avalab anich'nabe yu'un ta xacham, mu xa xacol’, xayutot —xut.

Isaías 38:3

“Muc'ul Dios, avocoluc mu me xch'ay ta avo'nton ti jun co'nton laj quich'ot ta muq'ue, ti scotol co'nton la jpas c'usi chac'ane”, xut. Bats'i ep laj yoc'ta sba.

Marcos 13:35

Ja' yu'un viq'uiluc me asatic, yu'un mu xana'ic c'usi ora ta xtal li yajval nae, me ta bat c'ac'al, me ta o'lol ac'ubal, me ta x'oc' cots, o me ta sob.

Santiago 4:14

Pero mu xana'ic me cuxuloxuc ta yoc'omal. Yu'un ja' jechoxuc jech chac c'u cha'al lumal toc ti ta anil no'ox ta xtale, xchi'uc ti ta anil no'ox ta sacch'ay batele.

1 Samuel 20:3

Pero li Davide jech to laj yal: —Li jtotique sna' ti lec chquil jbatique, ja' yu'un mu sc'an ti ac'o ava'ye yu'un jech mu xavat avo'nton. Pero chacalbot ta stojol Muc'ul Dios xchi'uc ta atojol ti ta xa xichame —xi.