Génesis 26:5 - Bible in Tzotzil de Chenalhó with Deuterocanon

⁵ Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.

Bible in Tzotzil de Chamula

⁵ Yu'un ti Abrahame laj xch'unbun, jech c'ot ta pasel yu'un ti c'u s'elan laj calbe ya'ie, ti jmantaltaque, ti oy c'usi tsots albil sc'oplale, ti c'u s'elan laj jchanubtase.”

Génesis 26:5 Iomraidhean Croise

Génesis 12:4

Li Abrame iloc' batel ta Harán jech c'u cha'al i'albat yu'un li Muc'ul Diose. Yich'oj xa'ox vo'lajuneb xchanvinic (75) jabil ti c'alal iloc' batel ta Harane; ibat ta Canaán banamil.

Génesis 17:23

Li Abrahame ta ora no'ox lic yac'be yich' circuncisión li xnich'one, ja' li Ismaele. Jech noxtoc laj yac'be yich' circuncisión scotol li smozotac ti te voq'uemic ta snae xchi'uc li boch'otic manbilic ta taq'uin yu'une. Scotol li viniquetic ti te chtunic ta snae laj yich'ic circuncisión jech c'u cha'al i'albat yu'un Dios li Abrahame.

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

Génesis 22:16

Jech laj yalbe: —Li Muc'ul Diose jech chayalbot: ‘Ta sventa ti muc xajalanbun li jun anich'on ti c'ajumal oy avu'une, jech ta jva'an jba ta testigo jtuc

Génesis 22:18

Ja' ta sventaic chich' bendición scotol li muc'tic lumetic li' ta banamile, yu'un laj ach'un li c'usi laj calbote’, xayutot li Muc'ul Diose —xi li j'almantale.

Génesis 26:6

Ja' yu'un li Isaaque te inaqui o ta Gerar.

San Mateo 5:19

Me oy boch'o mu tsotsuc sc'oplal cha'ay jbeluc li smantal Diose, me jech ta xchanubtasvan oe, ja' its'inal chc'ot yo' bu chventainvan li Diose. Yan li boch'o tsots sc'oplal cha'ay scotol li smantaltac Diose, me jech ta xchanubtasvane, ja' banquilal chc'ot yo' bu chventainvan li Diose.

San Mateo 7:24

“Li boch'o ta cha'ay c'usi chcale, me ta xch'une, ja' co'ol jech chac c'u cha'al jun bijil vinic la spas sna ta ba ton.

1 Corintios 15:58

Ja' yu'un quermanotac, vo'oxuc ti lec jc'anojoxuque, staojuc o me yav li avo'ntonique; mu me xajelilanic. Scotoluc ora abtejanic o yu'un li Cajvaltique; na'ic me ti mu alticuc cha'abtejic yu'un li Cajvaltique.

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Hebreos 11:8

Ta sventa xch'unojel yo'nton li Abrahame, jech la xch'un ti c'alal i'ic'at yu'un Dios sventa ac'o batuc ta banamil yo' bu ch-ac'bat yu'unin ta ts'acale. Jech iloc' batel, ac'o me mu sna' bu chbat.

Santiago 2:21

Li jmoltotic Abraham ta vo'onee, lec i'ilat yu'un Dios ta sventa li c'usi la spase; ja' ti ta ox xac' ta milbil matanal li xnich'one, ja' li Isaaque.