Génesis 26:3 - Bible in Tzotzil de Chenalhó with Deuterocanon

³ Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Bible in Tzotzil de Chamula

³ Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 26:3 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 13:15

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

Génesis 13:17

Lican; bat xano ava'ay c'u snatil, c'u sjamlej li banamil chacac'bote”, xut.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Génesis 20:1

Li Abrahame iloc' batel ti bu to'ox nacale. Ibat ta yosilal Néguev. Te inaqui ta jun lum Gerar ti cacal ta o'lol yu'un Cades xchi'uc Xure.

Génesis 25:11

C'alal chamen xa'ox li Abrahame, li Diose laj yac'be bendición li Isaac ti te icom ta naclej ta nopol joc' ti “Chiyilun li cuxul Diose” xi sbie.

Génesis 26:12

Li Isaaque ep c'usitic lic sts'un. Lec laj yac' sat li c'usitic la sts'une, yu'un i'ac'bat bendición yu'un li Muc'ul Diose.

Génesis 26:14

Solel i'epaj li xchije, li xvacaxe, xchi'uc li smozotaque. Li filistaetique lic it'ixajuc yo'ntonic yu'un.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 31:3

Ja' yu'un li Muc'ul Diose jech laj yalbe li Jacobe: “Sutan batel ta yosilal atot ame' yo' bu oy li avuts' avalaltaque; vu'un chajchi'inot batel”, xut.

Génesis 35:12

Li banamil ti laj cac'be li Abraham xchi'uc Isaaque, vo'ot xa chacac'bot ec. Ta ts'acale, ja' xa chcac'beic ec li amomnich'nabtaque”, xut.

Génesis 39:2

Pero li Josee te ono'ox chi'inbil yu'un li Muc'ul Diose, jech toj lec ibat yu'un c'usi la spas c'alal te oy ta sna li yajvale, ja' li egipto vinique.

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

Génesis 48:21

Li Israele jech laj yalbe noxtoc li Josee: —A'yo ava'ay, li vu'une po'ot xa chicham. Pero li Diose li' ono'ox oy ta atojolic. Ta to sta yorail chayic'oxuc sutel te ta yosilalic li jmoltot jyame'tic ta vo'onee.

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

1 Crónicas 16:16

Ja' li c'usi la xchapan xchi'uc Abrahame; ja' li c'usi laj yal ta jamal stuc ta stojol Isaaque.

Salmos 105:8

Ac'o me jmil (1,000) ta c'ol cristianoetic ijelov, pero mu ono'ox xch'ay o ta yo'nton li c'usi xchapanoje,

Salmos 105:9

ja' li c'usi xchapanoj ono'ox ta stojol li Abrahame, ti jamal yalojbe Isaac ti chc'ot ta pasele.

Salmos 32:8

Li Muc'ul Diose jech chal: “Vu'un ta jbijubtasot; vu'un ta jchanubtasot lec. Ta xcac'bot lec avil bu beal tsc'an chabat; scotol c'ac'al te oy o jsat ta atojol.

Salmos 39:12

“Muc'ul Dios, tsacbun li jc'ope; a'ibun ti xi'oc'olet chajc'opanote. Mu me teuc no'ox aq'ueloj ti chloc' ya'lel jsate, yu'un li vu'une j'ech'el beun no'ox ta atojol; jxanubalun no'ox jech chac c'u cha'al ijelovic li jmoltot jyame'taque.

Éxodo 2:24

Li Diose laj ya'ay ti x'ayetic no'oxe, xchi'uc te it'ab ta yo'nton c'usi xchapanojic ono'ox xchi'uc li Abrahame, li Isaaque, xchi'uc li Jacobe.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Éxodo 6:8

Ja' te chaquic'oxuc batel ta banamil ti bu calojbe ono'ox chcac'be li Abrahame, li Isaaque, xchi'uc li Jacobe; ja' chacac'boxuc avu'uninic o, vu'un li Muc'ul Diosune —x'utat li Moisese.

Isaías 43:2

C'alal chatuch' jelovel muc'tic nabe, te chajchi'inot; c'alal chatuch' jelovel uc'umetique, mu xaxcuchot batel; c'alal chajelov ta o'lol coq'ue, mu'yuc chac'ac'; mu xaxchic'ot li yat c'oq'ue.

Isaías 43:5

Mu xaxi', vu'un chajchi'inot; chbat quic' tal c'alal to ta sloq'ueb c'ac'al, c'alal to ta smaleb c'ac'al li achi'iltaque yu'un ac'o tal stsob sbaic.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Deuteronomio 34:4

Li Moisese jech i'albat yu'un li Muc'ul Diose: “Le'e ja' li banamil ti calojbe ono'ox Abraham, Isaac, xchi'uc Jacob ti chcac'be li smomnich'nabique. Jech ta jc'an ti ac'o avil ta asat atuc scotol li banamile, ac'o me mu'yuc cha'och batel li vo'ote”, x'utat.

Filipenses 4:9

Scotol li c'usitic laj achanic, laj ataic, laj ava'yic, xchi'uc li c'usitic laj avilic ta jventae, ja' no'ox me xapasic o. Jech te chaxchi'inoxuc o li Dios ti chac' jun co'ntontique.

Hebreos 11:9

Ta sventa xch'unojel yo'nton noxtoc li Abrahame, jech c'alal inaqui ta yosil bu i'ac'bate, carpana no'ox la snain jech chac c'u cha'al yanlum. Ja' jech inaqui xchi'uc li Isaac, li Jacob ti sc'oplal ja' co'ol chich'ic xchi'uc li c'usi albil ono'ox ch-ac'batique.

Hebreos 6:17

Ja' no'ox jech ec li Diose solel laj yac' lec ta ilel ti jbel sc'oplal chac' li c'usi yaloj ono'ox chac'be li boch'otic sc'oplal chac'bee. Jech lic yal ta jamal ta sventa sbi stuc noxtoc, yu'un jech chvinaj ti mu xlaj sc'oplal oe.