Génesis 26:12 - Bible in Tzotzil de Chenalhó with Deuterocanon

¹² Li Isaaque ep c'usitic lic sts'un. Lec laj yac' sat li c'usitic la sts'une, yu'un i'ac'bat bendición yu'un li Muc'ul Diose.

Bible in Tzotzil de Chamula

¹² Ti jech jabil taje, ep ts'unubaj ti Isaac ti bu taje, ep laj sta ti c'usitic loc' ayane, yu'un laj sva'an sba ti Dios ta stojolale.

Génesis 26:12 Iomraidhean Croise

Génesis 24:1

Li Abrahame mol xa'ox, pero ep ac'bil bendición yu'un li Muc'ul Diose.

Génesis 24:35

Li Muc'ul Diose yac'ojbe ep bendición li cajvale, xchi'uc yac'ojbe ep sc'ulejal. Ac'bil ep xchij, xvacax, c'anal taq'uin, saquil taq'uin, smozotac, squiaratac, scamellotac, xchi'uc sburotac.

Génesis 25:11

C'alal chamen xa'ox li Abrahame, li Diose laj yac'be bendición li Isaac ti te icom ta naclej ta nopol joc' ti “Chiyilun li cuxul Diose” xi sbie.

Génesis 26:29

Ta jc'an ti mu c'usi chopol xapasbuncutic, yu'un li vu'uncutique mu'yuc ono'ox c'usi chopol la jpasbotcutic, lec ono'ox xquil jbatic. Ta lequilal laloc' tal; lec la jc'opanotcutic tal. Li' ta orae chayaq'uilanbot ep bendición li Muc'ul Diose —xiic.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 30:30

C'alal livule, mu'yuc to'ox ep c'usi oy avu'un. C'alal li' xa'ox oyune, laj yac'bot ep bendición li Muc'ul Diose, jech toj ep ibol avu'un. Pero li vu'une ¿baq'uin to ta xlic abtejcun jtuc ta sventa ta jta c'usi oy cu'un jchi'uc li cajnil jnich'nabe? —xut.

Job 42:12

Li Jobe xjelov to jech yepal i'ac'bat bendición yu'un Muc'ul Dios jech chac c'u cha'al ta sliquebe. Yu'un i'ayin chanlajunmil (14,000) xchij, vacmil (6,000) scamello, jmil (1,000) ta chop j'abtel vacaxetic, jmil (1,000) ta cot sme' sburo.

Salmos 67:6

Isatin xa li c'usitic ts'unbil ta banamile; li Dios cu'untique laj xa yac'butic bendición.

Salmos 72:16

Ac'o oyuc ep trigo li' ta banamil; ac'o nojuc batel ta trigo li joljolvitse; ac'o yac' ep sat jech chac c'u cha'al Líbano. Li jnaclumetic te ta lume ac'o xojobanicuc no'ox ta nich jech chac c'u cha'al nichimaltic.

Proverbios 10:22

Li bendición yu'un Muc'ul Diose ja' jc'ulejaltic chc'ot; mu jta jvocoltic yu'un.

Eclesiastés 11:6

Ovolajan no'ox ta sob xchi'uc ta mal c'ac'al, yu'un mu xana' bu junucal lec chbat, me ja' ti ba'yuc laj ats'une o me ja' ti bu ts'acal laj ats'une, o me xchibal lec chbat.

Zacarías 8:12

Yu'un li jun o'ntonale te ta xcac' ta stojolic. Li ts'usubtique chlic satinicuc. Li banamile ep c'usitic ta sloq'ues. Li vinajele ta xac' tal sjob. Ja' ta xcac'be yu'uninic scotol li scomelal jteclume.

San Mateo 13:23

Yan li bec' trigo ic'ot ta lequil banamile, ja' senyail li boch'otic cha'yic li sc'op Diose, ti cha'ibeic lec smelole, jech ta xac' lec sat. Oy ta xac' vo'vinic (100) ta bej, oy ta xac' oxvinic (60) ta bej, oy ta xac' lajuneb xcha'vinic (30) ta bej jujulic”, xi li Jesuse.

San Mateo 13:8

Oy jaybej ic'ot ta lequil banamil. Ja' lec laj yac' sat. Oy laj yac' vo'vinic (100) ta bej, oy laj yac' oxvinic (60) ta bej, oy laj yac' lajuneb xcha'vinic (30) ta bej jujulic.

Marcos 4:8

Oy jaybej ic'ot ta lequil banamil. Toj lec ich'i, toj lec ibat, jech lec laj yac' sat. Oy laj yac' lajuneb xcha'vinic (30) ta bej; oy laj yac' oxvinic (60) ta bej; oy laj yac' vo'vinic (100) ta bej li jujulique”, xi.

1 Corintios 3:6

Li vu'une ja' no'ox la jts'un. Li Apolose ja' no'ox laj yat'es. Pero li boch'o laj yac' ch'iuque ja' stuc li Diose.