Génesis 26:1 - Bible in Tzotzil de Chenalhó with Deuterocanon

¹ C'alal jech orae, ital tsots vi'nal ta scotol banamil yo' bu nacal li Isaaque. Co'ol jech chac c'u cha'al ital vi'nal c'alal cuxul to'ox li Abrahame. Ja' yu'un li Isaaque ibat nacluc ta Gerar yo' bu nacal li Abimelec, ja' li ajvalil yu'un filistaetique.

Bible in Tzotzil de Chamula

¹ Ti jech yorail taj une, ja' o lic jun muc' ta vi'nal ta lum taje, ti ech' xa ono'ox xtoc c'alal cuxul to ox ti Abrahame. Jech o xal ti Isaaque bat nacluc ta lum Gerar bu nacal ti Abimeleque, ajvalil yu'un ti filisteoetique.

Génesis 26:1 Iomraidhean Croise

Génesis 12:10

Ts'acal to ital vi'nal ta scotol yosilal Canaán banamil. Li Abrame ibat nacluc ta Egipto jayibuc c'ac'al, yu'un toj tsots ital li vi'nale, yu'un mu'yuc xa c'usi tsve'ic ti bu oyique.

Génesis 25:11

C'alal chamen xa'ox li Abrahame, li Diose laj yac'be bendición li Isaac ti te icom ta naclej ta nopol joc' ti “Chiyilun li cuxul Diose” xi sbie.

Génesis 25:34

Ja' yu'un li Jacobe te laj yac'be pan xchi'uc juch'bil tsajal aravejo pasbil ta caldo. C'alal ilaj yo'nton ta ve'el li Esaue, iloc' batel. Mu'yuc tsots sc'oplal laj ya'ay ta yo'nton li c'usi sc'oplal chich' ta sventa ti ja' ba nich'onile.

Génesis 42:5

Li xnich'nabtac Israele ep boch'otic xchi'inojic batel ta Egipto yu'un bat smanic tal strigoic ec. Yu'un ta scotol Canaán banamil oy ep vi'nal.

Génesis 43:1

Te ta Canaán banamile, itsatsub ta jyalel li vi'nale.

2 Samuel 21:1

C'alal ochem ta ajvalilal li Davide, ital tsots vi'nal oxib jabil. Li Davide lic sjac' ta stojol li Muc'ul Diose, jech itac'bat: “Li vi'nale ja' ital ta scoj li Saúl xchi'uc xnich'nabtaque, yu'un ja' la smilic li gabaonetique”, x'utat.

Éxodo 33:1

Li Muc'ul Diose jech laj yalbe li Moisese: —Totsanic xa batel achi'uc li achi'iltac ti la jloq'ues tal ta Egiptoe. Batanic te ta banamil yo' bu calojbe ono'ox li Abraham, li Isaac, xchi'uc li Jacob ti chcac'be li smomnich'nabique.

Rut 1:1

C'alal ja'o yorail oy jchapanvanejetic yu'un li israeletique, ja'o ital tsots vi'nal. Oy jun vinic te ta Belén ta yosilal Judá, ibat nacluc ta yosilal Moab xchi'uc yajnil xchi'uc chib xnich'on.