Génesis 24:7 - Bible in Tzotzil de Chenalhó with Deuterocanon

⁷ Li Muc'ul Diose, ja' li Dios ta vinajel ti la sloq'uesun tal ta sna li jtote xchi'uc ta yosilal li cuts' calaltaque, xchi'uc ti laj yalbun ta jamal ti chac'be jmomnich'nabtac li banamil li'i, ja' ta stacbot tal yaj'almantal, ja' ba'yucbe ta xbat avu'un ta sa'bel yajnil li jnich'one.

Bible in Tzotzil de Chamula

⁷ Ti Ajvalil Dios yu'un ti vinajele, laj sloq'uesun talel ta sna ti jtote, ta yosilal ti cuts' calale. Laj yac' ye sti' ta xiyac'bun jventain xchi'uc jnitilultac ti banomil li'e. Ja' jech xtoc ta stacbot talel yaj'ánjel yo' xu' avu'un ta yiq'uel talel jun tseb ta sventa yajnil ti jnich'one.

Génesis 24:7 Iomraidhean Croise

Génesis 13:15

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 16:7

Li Agare te itaat yu'un yaj'almantal Muc'ul Dios ta xocol banamil ta jun nopol nio' ta sbelal Shur.

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Génesis 21:17

Li Diose laj ya'ay ti ta x'oc' li quereme, jech ic'opanat tal ta vinajel yu'un yaj'almantal Dios li Agare. Jech i'albat: “¿C'usi apas, Agar? Mu xaxi', yu'un li Diose laj ya'ay ti ta x'oc' li querem yo' bu oye.

Génesis 22:11

ta ora ic'opoj tal ta vinajel yaj'almantal Muc'ul Dios. Jech i'albat: —Abraham, Abraham —x'utat. —Li' oyune —xi itac'ov li Abrahame.

Génesis 24:3

Albun ta jamal ta stojol Muc'ul Dios, ja' ti la spas vinajel banamile, ti muc li'uc xasa'be yajnil li jnich'on Isaac li' ta Canaán banamil yo' bu nacalune.

Génesis 24:40

Jech la stac'bun: ‘Li vu'une scotol c'ac'al nabalun ta stojol li Muc'ul Diose. Ja' ta stacbot tal yaj'almantal yu'un jech lec chac'ot ti bu chabate, xchi'uc jech chata tal junuc tseb te ta stojol yuts' yalaltac li jtote, yu'un ja' ta xic' li Isaaque.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Esdras 1:2

“Vu'un Ciroun, ajvalilun li' ta Persia, chacalboxuc tal mantal: Li Muc'ul Dios yu'un vinajele yac'ojbun jventain scotol li ajvaliletic ta banamile, xchi'uc laj yalbun ti ac'o yich' meltsanel jun ch'ulna ta Jerusalén ta yosilal Judae.

Salmos 103:20

Albeic slequilal Muc'ul Dios vo'oxuc li yaj'almantaloxuque ti oy avu'elic, ti lec xu' avu'unique, ti chach'unic, ti chapasic scotol li c'usitic chayalboxuque.

Salmos 136:26

Ja' lec tojbeic ta vocol Dios ti te oy ta vinajele, yu'un sbatel osil mu xlaj o li c'uxubinel yu'une.

Salmos 32:8

Li Muc'ul Diose jech chal: “Vu'un ta jbijubtasot; vu'un ta jchanubtasot lec. Ta xcac'bot lec avil bu beal tsc'an chabat; scotol c'ac'al te oy o jsat ta atojol.

Salmos 34:7

Li j'almantal yu'un Muc'ul Diose te setel ta spat xocon li boch'otic ja' yich'ojic o ta muc' Muc'ul Diose, yu'un ta scoltaic.

Salmos 73:24

Laj atuq'uibtasun batel ta sventa li taq'uiel avu'une; ts'acal chavic'un batel ta lequilal.

Éxodo 13:5

Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Éxodo 33:2

Ta jtacbot tal j'almantal cu'un yu'un ja' chastojobtasot batel. Vu'un ta jnuts loq'uel te ta banamil li canaanetique, li amorretique, li hetetique, li ferezetique, li hevetique, xchi'uc li jebusetique.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Jonás 1:9

Itac'ov li Jonase: —Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.

Números 11:12

¿Me yu'un vu'un stot sme'icun ti vu'un chac'an ta jpetic batel jech chac c'u cha'al jun olol ti ta to xchu'unique, yu'un chbat caq'uic te ta banamil ti bu avalojbe ono'ox jmoltotcutic ta vo'one ti chavac'beique?

Números 14:16

‘Li Muc'ul Diose muc xu' yu'un stiq'uel ochel ta Canaán banamil li israeletic ti bu yalojbe ono'ox chac'bee, ja' yu'un te no'ox la smil ta xocol banamil’, xi ac'oplal yu'unic.

Números 14:30

Ja' no'ox chcomic li Caleb xchi'uc Josuee. Li vo'oxuque me junuc mu'yuc cha'ochic batel ta banamil ti bu laj calboxuc chbat cac' naclanique.

Números 32:11

‘Scotol li boch'otic iloq'uic tal ta Egipto ti xlic ta jtob (20) sjabilalic c'alal ta moletique, mu'yuc ta xcac' chbat sq'uelic o c'u x'elan li banamil ti bu calojbeic ono'ox ta jamal li Abraham, Isaac, Jacob ti ta xcac'beique, yu'un muc j'ech'eluc jun yo'ntonic o ta jtojol.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Deuteronomio 34:4

Li Moisese jech i'albat yu'un li Muc'ul Diose: “Le'e ja' li banamil ti calojbe ono'ox Abraham, Isaac, xchi'uc Jacob ti chcac'be li smomnich'nabique. Jech ta jc'an ti ac'o avil ta asat atuc scotol li banamile, ac'o me mu'yuc cha'och batel li vo'ote”, x'utat.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Hebreos 11:9

Ta sventa xch'unojel yo'nton noxtoc li Abrahame, jech c'alal inaqui ta yosil bu i'ac'bate, carpana no'ox la snain jech chac c'u cha'al yanlum. Ja' jech inaqui xchi'uc li Isaac, li Jacob ti sc'oplal ja' co'ol chich'ic xchi'uc li c'usi albil ono'ox ch-ac'batique.

Josué 1:6

Tsotsan me, oyuc me lec stsatsal avo'nton, yu'un vo'ot chavoc'be yosilic li achi'iltaque yu'un ja' yu'unic o, jech chac c'u cha'al calojbe ono'ox li amoltotaquic ta vo'onee.

Josué 24:3

C'alal te nacal ta jot uc'um Eufratese, vu'un laj quic' li Abrahame, ay cac'be xan scotol li Canaán banamil li'i, xchi'uc laj cac' boluc ep smomnich'nab. Vu'un laj cac'be li xnich'on Isaaque.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,