Génesis 24:12 - Bible in Tzotzil de Chenalhó with Deuterocanon

¹² Te lic sc'opan Muc'ul Dios: “Muc'ul Dios, vo'ot Diosot yu'un li cajval Abrahame, coltaun. Ac'o lecuc batuc cu'un li c'usi tal jpase. Ac'o ta ilel slequil avo'nton ta stojol li cajvale.

Bible in Tzotzil de Chamula

¹² Xi laj yal ti lic c'opoj ti'inuque: “Cajval, Diosot yu'un ti cajval Abrahame, coltaun yo' lec ta xbat ti jech li' talemune. Ac'o ta ilel ti xc'uxul avo'nton ta stojol ti cajvale.

Génesis 24:12 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 24:21

C'alal yochel slupel vo' li tsebe, li mozoe te ch'anxi sq'ueloj yil. Mu'yuc c'usi laj yal, yu'un te ta snopilan me ja' Muc'ul Dios laj yac' c'otuc ta pasel li c'usi talem spase.

Génesis 24:27

Jech laj yal: “Muc'ul Dios, ich'bilucot ta muc', vo'ot Diosot yu'un li cajval Abrahame, yu'un toj ep slequil avo'nton ta stojol li cajvale, xchi'uc chc'ot ta pasel li c'usi chavale. Vo'ot labeiltasun tal ta sbelal sna li yuts' yalaltaque”, xi.

Génesis 24:42

“Ja' yu'un c'alal te livul ta nio' naxe, jech laj cal c'alal la jc'opan li Muc'ul Diose, ja' li Dios yu'un cajval Abrahame: ‘Me ta melel chac'an ac'o c'otuc ta pasel li c'usi tal jpas li'i,

Génesis 24:48

Te la jpatan jba; laj quich' ta muc' li Muc'ul Diose la jtojbe ta vocol, ja' li Muc'ul Dios yu'un cajvale, ja' li Abrahame. Yu'un ja' la stojobtasun tal ta be, jech tuc' livul li'i sventa tal quic'be batel junuc stseb yuts' yalaltac li cajvale yu'un ja' ta xic' li xnich'one.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 27:10

Vo'ot chbat avac'be sti' yu'un ac'o ve'uc. Jech xu' chayac'bot li bendición yu'une, yu'un yo'to cuxul —xut.

Génesis 27:20

Jech la sjac' li Isaaque: —¿C'uxi laj avut laj ata tal ta anil li ve'lile, jnich'on? —xi. —Ja' la scoltaun ta sa'el li Muc'ul Diose ja' li Dios avu'une —xi li Jacobe.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 31:42

Ti manchuc te oy ta jtojol li Dios yu'un Abrahame, ja' li Dios ti yich'oj ta muc' li jtot Isaaque, me jutuc mu'yuc c'usi laj avac'bun tal ti jechuque. Pero li Diose laj yil ti abul jbae xchi'uc ti c'u x'elan li'abteje, ja' yu'un la spajesot ta ac'ubaltic samel —xut.

Génesis 32:10

mu'yuc c'usi la jpas ti jech oy ep slequil avo'nton ta jtojole, ti lec c'usi chapas ta jtojole. C'alal ech' jtuch' li uc'um Jordane, mu'yuc c'usi quich'oj; ja' no'ox jun jnamte' quich'oj. Pero li' ta orae, oy xa cha'voc' jvinictac.

Génesis 32:9

Jech te lic sc'opan Dios: “Muc'ul Dios, vo'ot Diosot yu'un li jmoltot Abrahame xchi'uc li jtot Isaaque, vo'ot ti laj avalbun ac'o sutcun batel ta cosilal yo' bu oyic li cuts' calaltaque, xchi'uc laj aval ti lec chic'ot avu'une,

Génesis 43:14

Ja' chascoltaoxuc li Dios ti ech'em stsatsale, yu'un ac'o stijbe yo'nton li ajvalile jech xu' tscolta sutel tal li Simeón te chucul icome, xchi'uc mu me c'usi spasbe noxtoc li Benjamine. Me mu'yuc jnich'on chicom li vu'une, jechuc —xi.

1 Reyes 18:36

C'alal la sta yorail c'usi ora chchiq'uic ono'ox matanale, li Eliase inopaj batel, jech laj yal: “Muc'ul Dios, Dios yu'un Abraham, Isaac, xchi'uc Israel: li' ta orae ac'o ta ilel ti vo'ot Diosot li' ta Israele, xchi'uc ti vu'un avajtunelune, xchi'uc ti vo'ot ta amantal ta jpas li c'usitic li' ta jpase.

2 Reyes 2:14

Ja' la smaj o uc'um ta sc'u' li Elías te yich'oje, jech laj yal: “¿Bu oy li Muc'ul Dios yu'un Eliase?”, xi. C'alal la smaj li uc'ume, la svoc' sba ta jujujot, jech te ijelov o batel ta jot uc'um.

Nehemías 1:11

Muc'ul Dios, ta jc'anbot vocol ti ac'o ava'ibun jc'op ti li' chajc'opanot, vu'un li avajtunelune, xchi'uc ac'o ava'ibe sc'op li avajtuneltac li' chasc'opanicote, ti tsc'an chayich'icot ta muq'ue. Ta jc'anbot vocol ti lec c'usi ac'o c'otuc ta pasel ta jtojol, vu'un li avajtunelune, xchi'uc ti ac'o c'uxucun ta yo'nton li ajvalile. Yu'un vu'un j'ac'ya'lel ts'usubun yu'un”, xcut li Diose.

Nehemías 2:4

Jech laj yalbun: —¿C'usi chac'an un? —xiyutun. Jech te lic jc'opan ta co'nton li Dios ta vinajele.

Salmos 118:25

Muc'ul Dios, avocoluc coltauncutic ta ora, lec ac'o batuc cu'uncutic.

Salmos 122:6

C'anic ti ac'o junuc yo'nton li lum Jerusalene, jech xavalic: “Lum Jerusalén, junuc no'ox avo'nton; junuc yo'nton te nacalicuc li boch'otic sc'anojicote.

Salmos 127:1

Me mu xiscoltautic ta spasel jbej na li Muc'ul Diose, altic chac' svocolic li j'abteletique. Me mu ja'uc Muc'ul Dios chchabi li lume, altic te va'ajtic o ta xchabiel li jchabilumetique.

Salmos 37:5

Ac'bo sventain Muc'ul Dios scotol li c'usi chapase; ch'uno ta avo'nton ti xu' yu'une, jech chaspasbot li c'usi tsots sc'oplal oy ta avo'ntone.

Éxodo 3:15

Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Proverbios 3:6

Ac'o sventain Muc'ul Dios scotol li c'usi chapase, yu'un ja' xu' chayic'ot batel ta tuq'uil be.

San Mateo 22:32

‘Vu'un Diosun yu'un Abraham, Diosun yu'un Isaac, Diosun yu'un Jacob’, xi li Diose. Li Diose mu ja'uc Dios yu'un li boch'otic chamenic oe; ja' Dios yu'un li boch'otic cuxulique —xi li Jesuse.

Filipenses 4:6

Mu me c'usi xlo'ilaj avo'ntonic yu'un. Me oy c'usi sc'an avu'un chava'yique, c'anbeic Dios, vocoletanic ta stojol, xchi'uc tojbeic ta vocol.